Smriti Irani: ਮਰਹੂਮ ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਨੂੰ ਯਾਦ ਕਰ ਭਾਵੁਕ ਹੋਈ ਸਮ੍ਰਿਤੀ ਇਰਾਨੀ, ਕਿਹਾ 'ਉਸ ਨੇ ਮੇਰੇ ਨਾਲ ਗੱਲ ਨਹੀਂ ਕੀਤੀ'

Smriti Irani remembers Sushant Singh Rajput: ਟੀਵੀ ਤੋਂ ਬਾਲੀਵੁੱਡ ਵਿੱਚ ਆਪਣੀ ਥਾਂ ਬਣਾਉਣ ਵਾਲੇ ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਮੌਤ ਦੇ ਸਦਮੇ ਤੋਂ ਅੱਜ ਵੀ ਲੋਕ ਉਭਰ ਨਹੀਂ ਸਕੇ ਹਨ। ਹਰ ਕੋਈ ਉਸ ਨਾਲ ਜੁੜੀਆਂ ਪੁਰਾਣੀਆਂ ਕਹਾਣੀਆਂ ਜਾਂ ਫੋਟੋਆਂ ਸਾਂਝੀਆਂ ਕਰਕੇ ਉਸ ਨੂੰ ਯਾਦ ਕਰਦਾ ਹੈ। ਹਾਲ ਹੀ ਵਿੱਚ ਅਦਾਕਾਰਾ ਤੋਂ ਕੇਂਦਰੀ ਮੰਤਰੀ ਬਣੀ ਸਮ੍ਰਿਤੀ ਇਰਾਨੀ ਉਨ੍ਹਾਂ ਨੂੰ ਯਾਦ ਕਰਕੇ ਭਾਵੁਕ ਹੋ ਗਈ। 

ਦੱਸ ਦਈਏ ਕਿ ਹਾਲ ਹੀ ਵਿੱਚ ਕੇਂਦਰੀ ਮੰਤਰੀ ਸਮ੍ਰਿਤੀ ਇਰਾਨੀ ਨੇ ਅਜਿਹੀ ਹੀ ਇੱਕ ਦਿਲ ਦਹਿਲਾ ਦੇਣ ਵਾਲੀ ਕਹਾਣੀ ਸੁਣਾਈ ਹੈ। ਕਿਸੇ ਸਮੇਂ ਮਸ਼ਹੂਰ ਟੀਵੀ ਅਦਾਕਾਰਾ ਰਹਿ ਚੁੱਕੀ ਸਮ੍ਰਿਤੀ ਇਰਾਨੀ ਹਾਲ ਹੀ ਵਿੱਚ ਇੱਕ ਇੰਟਰਵਿਊ ਵਿੱਚ ਸੁਸ਼ਾਂਤ ਸਿੰਘ ਬਾਰੇ ਗੱਲ ਕਰਦੇ ਹੋਏ ਰੋ ਪਈ। ਉਸ ਨੇ ਦੱਸਿਆ ਕਿ ਅਦਾਕਾਰ ਦੀ ਮੌਤ ਦੀ ਖ਼ਬਰ ਨੇ ਉਸ ਨੂੰ ਤੋੜ ਦਿੱਤਾ ਸੀ ।

ਇੱਕ ਯੂ-ਟਿਊਬ ਚੈਨਲ ਨੂੰ ਦਿੱਤੇ ਇੰਟਰਵਿਊ 'ਚ ਕੇਂਦਰੀ ਮੰਤਰੀ ਸਮ੍ਰਿਤੀ ਇਰਾਨੀ ਨੇ ਕਿਹਾ, 'ਸੁਸ਼ਾਂਤ ਦੀ ਮੌਤ ਦੇ ਦਿਨ ਮੈਂ ਵੀਡੀਓ ਕਾਨਫਰੰਸ 'ਚ ਸੀ। ਉੱਥੇ ਬਹੁਤ ਸਾਰੇ ਲੋਕ ਮੌਜੂਦ ਸਨ, ਪਰ ਇਹ ਖ਼ਬਰ ਸੁਣ ਕੇ ਮੈਂ ਪਰੇਸ਼ਾਨ ਹੋ ਗਈ ਸੀ। ਮੈਂ ਇਸ ਖ਼ਬਰ ਤੋਂ  ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਈ ਸੀ, ਜਿਸ ਦੇ ਚੱਲਦੇ ਮੈਂ ਉਹ ਕਾਨਫਰੰਸ ਅਟੈਂਡ ਨਹੀਂ ਕਰ ਸਕੀ। '

ਨੀਲੇਸ਼ ਮਿਸ਼ਰਾ ਦੇ ਸ਼ੋਅ 'ਦ ਸਲੋ ਇੰਟਰਵਿਊ' 'ਚ ਸਮ੍ਰਿਤੀ ਇਰਾਨੀ ਨੇ ਅੱਗੇ ਕਿਹਾ, 'ਉਸ ਨੇ ਮੈਨੂੰ ਕਿਉਂ ਨਹੀਂ ਬੁਲਾਇਆ? ਉਸ ਨੂੰ ਇੱਕ ਵਾਰ ਫ਼ੋਨ ਕਰਨਾ ਚਾਹੀਦਾ ਸੀ। ਮੈਂ ਉਸ ਲੜਕੇ ਨੂੰ ਕਿਹਾ ਸੀ, ਕਿਰਪਾ ਕਰਕੇ ਆਪਣੇ ਆਪ ਨੂੰ ਨਾ ਮਾਰੋ।'

ਸਮ੍ਰਿਤੀ ਨੇ ਦੱਸਿਆ ਕਿ ਉਹ ਸੁਸ਼ਾਂਤ ਸਿੰਘ ਰਾਜਪੂਤ ਨੂੰ ਜਾਣਦੀ ਸੀ ਕਿਉਂਕਿ ਉਨ੍ਹਾਂ ਦੇ ਸੈੱਟ ਕਈ ਵਾਰ ਮੁੰਬਈ ਵਿੱਚ ਇੱਕੋ ਥਾਂ 'ਤੇ ਹੁੰਦੇ ਸਨ। 2013 ਦੀ ਫ਼ਿਲਮ 'ਕਾਈ ਪੋ ਚੇ' 'ਚ ਸੁਸ਼ਾਂਤ ਸਿੰਘ ਰਾਜਪੂਤ ਨਾਲ ਕੰਮ ਕਰਨ ਵਾਲੇ ਅਭਿਨੇਤਾ ਅਮਿਤ ਸਾਦ ਦਾ ਜ਼ਿਕਰ ਕਰਦੇ ਹੋਏ ਸਾਬਕਾ ਅਭਿਨੇਤਰੀ ਨੇ ਕਿਹਾ ਕਿ ਉਨ੍ਹਾਂ ਨੂੰ ਅਮਿਤ ਲਈ  ਵੀ ਡਰ ਲੱਗਣ ਲੱਗ ਪਿਆ ਸੀ।'

ਹੋਰ ਪੜ੍ਹੋ: Watch Video:ਵਿੰਦੂ ਦਾਰਾ ਸਿੰਘ ਤੇ ਅਮਰ ਨੂਰੀ ਦੀ ਫਨੀ ਵੀਡੀਓ ਆਈ ਸਾਹਮਣੇ, ਵੀਡੀਓ ਵੇਖ ਫੈਨਜ਼ ਹੋਏ ਹੱਸ-ਹੱਸ ਦੁਹਰੇ

ਸਮ੍ਰਿਤੀ ਇਰਾਨੀ ਨੇ ਕਿਹਾ, 'ਸੁਸ਼ਾਂਤ ਦੀ ਮੌਤ ਦੀ ਖ]ਬਰ ਮਿਲਦੇ ਹੀ ਮੈ ਅਮਿਤ ਸਾਦ ਲਈ ਡਰ ਗਈ ਸੀ । ਮੈਂ ਉਸ ਨੂੰ ਤੁਰੰਤ ਬੁਲਾਇਆ ਅਤੇ ਪੁੱਛਿਆ ਕਿ ਉਹ ਕਿਵੇਂ ਹੈ? ਉਸ ਨੇ ਮੈਨੂੰ ਕਿਹਾ ਕਿ ਮੈਂ ਨਹੀਂ ਰਹਿਣਾ, ਇਸ ਮੂਰਖ ਨੇ ਕੀ ਕੀਤਾ, ਮੈਨੂੰ ਲੱਗਾ ਕਿ ਕੁਝ ਗ਼ਲਤ ਹੋ ਸਕਦਾ ਹੈ। ਅਮਿਤ ਨੇ ਮੈਨੂੰ ਕਿਹਾ ਕਿ ਤੁਸੀਂ ਕੰਮ ਵਿੱਚ ਰੁੱਝੇ ਰਹੋਗੇ ਪਰ ਮੈਂ ਉਸ ਬਾਰੇ ਸੋਚਦਿਆਂ ਉਸ ਨਾਲ ਛੇ ਘੰਟੇ ਗੱਲ ਕੀਤੀ ਸੀ।

- PTC PUNJABI