ਗਰਲ ਫ੍ਰੈਂਡ ਸ਼ਵੇਤਾ ਦੇ ਨਾਲ ਵਿਆਹ ਦੇ ਬੰਧਨ ‘ਚ ਬੱਝੇ ਅਦਿਤਿਆ ਨਰਾਇਣ, ਤਸਵੀਰਾਂ ਅਤੇ ਵੀਡੀਓ ਵਾਇਰਲ
ਗਾਇਕ ਉਦਿਤ ਨਰਾਇਣ ਦੇ ਬੇਟੇ ਅਦਿਤਿਆ ਨਰਾਇਣ ਨੇ ਆਪਣੀ ਗਰਲ ਫ੍ਰੈਂਡ ਸ਼ਵੇਤਾ ਅਗਰਵਾਲ ਦੇ ਨਾਲ ਵਿਆਹ ਕਰਵਾ ਲਿਆ ਹੈ । ਉਨ੍ਹਾਂ ਦੇ ਵਿਆਹ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਲਗਾਤਾਰ ਵਾਇਰਲ ਹੋ ਰਹੀਆਂ ਹਨ । ਇਨ੍ਹਾਂ ਤਸਵੀਰਾਂ ‘ਚ ਅਦਿਤਿਆ ਅਤੇ ਸ਼ਵੇਤਾ ਇੱਕ ਦੂਜੇ ਦਾ ਹੱਥ ਫੜੀ ਅਤੇ ਵਰ ਮਾਲਾ ਪਾਏ ਹੋਏ ਨਜ਼ਰ ਆ ਰਹੇ ਨੇ ।
ਦੋਵਾਂ ਦੇ ਪ੍ਰਸ਼ੰਸਕ ਨਵੀਂ ਜ਼ਿੰਦਗੀ ਦੀ ਸ਼ੁਰੂਆਤ ਲਈ ਵਧਾਈ ਦੇ ਰਹੇ ਹਨ ।ਤਸਵੀਰਾਂ ‘ਚ ਤੁਸੀਂ ਵੇਖ ਸਕਦੇ ਹੋ ਕਿ ਅਦਿਤਿਆ ਨੇ ਕਰੀਮ ਰੰਗ ਦੀ ਸ਼ੇਰਵਾਨੀ ਪਾਈ ਹੋਈ ਹੈ ਜਦੋਂਕਿ ਸ਼ਵੇਤਾ ਨੇ ਵੀ ਕਰੀਮ ਰੰਗ ਦਾ ਲਹਿੰਗਾ ਪਾਇਆ ਹੋਇਆ ਹੈ ।
ਹੋਰ ਪੜ੍ਹੋ : ਅਦਾਕਾਰ ਅਮਿਤਾਭ ਬੱਚਨ ਨੇ ਜਯਾ ਅਤੇ ਸ਼ਵੇਤਾ ਦੇ ਨਾਲ ਪੁਰਾਣੀ ਤਸਵੀਰ ਸਾਂਝੀ ਕਰਦੇ ਹੋਏ ਪ੍ਰਸ਼ੰਸਕਾਂ ਨੂੰ ਦੀਵਾਲੀ ਦੀ ਦਿੱਤੀ ਵਧਾਈ
ਇਸ ਤੋਂ ਪਹਿਲਾਂ ਦੀ ਗੱਲ ਕਰੀਏ ਤਾਂ ਅਦਿਤਿਆ ਦੀ ਬਰਾਤ ਦੀਆਂ ਕੁਝ ਤਸਵੀਰਾਂ ਅਤੇ ਵੀਡੀਓਜ਼ ਵੀ ਸਾਹਮਣੇ ਆਏ ਸਨ । ਜੋ ਕਿ ਸੋਸ਼ਲ ਮੀਡੀਆ ‘ਤੇ ਖੂਬ ਵਾਇਰਲ ਹੋਏ ਸਨ । ਅਦਿਤਿਆ ਦੀ ਮਾਂ ਨੇ ਵਿਆਹ ‘ਚ ਖੂਬ ਡਾਂਸ ਕੀਤਾ ਹੈ ।
ਇਸ ਤੋਂ ਇਲਾਵਾ ਜਦੋਂ ਸ਼ਵੇਤਾ ਨੁੰ ਵਿਆਹੁਣ ਲਈ ਅਦਿਤਿਆ ਜਾ ਰਹੇ ਸਨ ਤਾਂ ਰਸਤੇ ‘ਚ ਹੀ ਕਿੰਨਰਾਂ ਨੇ ਵੀ ਬਰਾਤ ਨੂੰ ਰੋਕ ਕੇ ਖੂਬ ਨਾਚ ਗਾਣਾ ਕੀਤਾ । ਜਿਸ ਦਾ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਖੂਬ ਵਾਇਰਲ ਹੋਏ ਸਨ ।
View this post on Instagram