ਕੰਗਨਾ ਰਣੌਤ ‘Chandramukhi-2’ ਵਿੱਚ ਆਵੇਗੀ ਨਜ਼ਰ, ਜਲਦ ਸ਼ੁਰੂ ਕਰੇਗੀ ਫ਼ਿਲਮ ਦੀ ਸ਼ੂਟਿੰਗ
Kangana Ranaut news: ਬਾਲੀਵੁੱਡ ਅਭਿਨੇਤਰੀ ਕੰਗਨਾ ਰਣੌਤ ਜਲਦੀ ਹੀ ਰਜਨੀਕਾਂਤ ਅਤੇ ਜਯੋਤਿਕਾ ਸਟਾਰਰ ਫ਼ਿਲਮ ਚੰਦਰਮੁਖੀ ਦੇ ਸੀਕਵਲ ਯਾਨੀਕਿ ‘ਚੰਦਰਮੁਖੀ 2’ ਵਿੱਚ ਨਜ਼ਰ ਆਵੇਗੀ। ਕੰਗਨਾ ਰਣੌਤ ਇਨ੍ਹੀਂ ਦਿਨੀਂ ਫ਼ਿਲਮ ਐਮਰਜੈਂਸੀ ਵਿੱਚ ਕੰਮ ਕਰ ਰਹੀ ਹੈ। ਇਸ ਤੋਂ ਇਲਾਵਾ ਕੰਗਨਾ ਰਣੌਤ ਚੰਦਰਮੁਖੀ ਦੇ ਸੀਕਵਲ 'ਚ ਨਜ਼ਰ ਆਉਣ ਵਾਲੀ ਹੈ। ਕੰਗਨਾ ਰਣੌਤ ਪੀ ਵਾਸੂ ਦੁਆਰਾ ਨਿਰਦੇਸ਼ਿਤ ਫ਼ਿਲਮ ਚੰਦਰਮੁਖੀ ਦੇ ਸੀਕਵਲ ਵਿੱਚ ਤਮਿਲ ਅਭਿਨੇਤਾ ਰਾਘਵ ਲਾਰੇਂਸ ਦੇ ਨਾਲ ਮੁੱਖ ਭੂਮਿਕਾ ਨਿਭਾਉਂਦੀ ਨਜ਼ਰ ਆਵੇਗੀ।
image source: Instagram
ਹੋਰ ਪੜ੍ਹੋ : ਸਰਗੁਣ ਮਹਿਤਾ ਨੇ ਪੁਰਾਣੀ ਹਿੰਦੀ ਫ਼ਿਲਮ ਦੇ ਰੋਮਾਂਟਿਕ ਡਾਇਲਾਗ ‘ਤੇ ਪਤੀ ਰਵੀ ਦੁਬੇ ਨਾਲ ਬਣਾਈ ਮਜ਼ੇਦਾਰ ਵੀਡੀਓ
image source: Instagram
ਕੰਗਨਾ ਰਣੌਤ ਐਮਰਜੈਂਸੀ ਦੇ ਆਸਾਮ ਸ਼ੈਡਿਊਲ ਨੂੰ ਸਮੇਟਣ ਤੋਂ ਬਾਅਦ ਇੱਕ ਛੋਟਾ ਜਿਹਾ ਬ੍ਰੇਕ ਲਵੇਗੀ ਅਤੇ ਬ੍ਰੇਕ ਤੋਂ ਵਾਪਸ ਆਉਣ ਤੋਂ ਬਾਅਦ ਦਸੰਬਰ ਦੇ ਪਹਿਲੇ ਹਫ਼ਤੇ ਵਿੱਚ ਚੰਦਰਮੁਖੀ ਦੇ ਪਹਿਲੇ ਸ਼ੈਡਿਊਲ ਦੀ ਸ਼ੂਟਿੰਗ ਸ਼ੁਰੂ ਕਰੇਗੀ। ਚੰਦਰਮੁਖੀ 2005 ਦੀ ਇੱਕ ਤਮਿਲ ਡਰਾਮਾ ਫ਼ਿਲਮ ਹੈ ਜਿਸ ਵਿੱਚ ਰਜਨੀਕਾਂਤ ਅਤੇ ਜਯੋਤਿਕਾ ਸਰਵਨਨ ਮੁੱਖ ਭੂਮਿਕਾਵਾਂ ਵਿੱਚ ਹਨ।
ਚੰਦਰਮੁਖੀ 2 ਵਿੱਚ ਕੰਗਨਾ ਰਣੌਤ ਦਾ ਕਿਰਦਾਰ ਇੱਕ ਵਧੀਆ ਡਾਂਸਰ ਦਾ ਹੋਵੇਗਾ, ਜੋ ਰਾਜੇ ਦੇ ਦਰਬਾਰ 'ਚ ਡਾਂਸ ਕਰਦੀ ਹੈ। ਯਾਦ ਰਹੇ ਕਿ ਚੰਦਰਮੁਖੀ ਦੀ ਹਿੰਦੀ ਰੀਮੇਕ ਭੂਲ ਭੁਲਈਆ ਦੇ ਨਾਂ 'ਤੇ ਬਣੀ ਸੀ, ਜਿਸ 'ਚ ਅਕਸ਼ੈ ਕੁਮਾਰ ਅਤੇ ਵਿਦਿਆ ਬਾਲਨ ਮੁੱਖ ਭੂਮਿਕਾਵਾਂ 'ਚ ਨਜ਼ਰ ਆਏ ਸਨ।
image source: Instagram
ਖਾਸ ਗੱਲ ਇਹ ਹੈ ਕਿ ਕੰਗਨਾ ਰਣੌਤ ਦੀ ਆਖਰੀ ਰਿਲੀਜ਼ ਫ਼ਿਲਮ ਧਾਕੜ ਸੀ। ਫ਼ਿਲਮ 'ਚ ਕੰਗਨਾ ਰਣੌਤ ਐਕਸ਼ਨ ਅਵਤਾਰ 'ਚ ਨਜ਼ਰ ਆਈ ਸੀ। ਹਾਲਾਂਕਿ ਇਸ ਫ਼ਿਲਮ ਨੂੰ ਦਰਸ਼ਕਾਂ ਨੇ ਬਿਲਕੁਲ ਵੀ ਪਸੰਦ ਨਹੀਂ ਕੀਤਾ ਅਤੇ ਫ਼ਿਲਮ ਬਾਕਸ ਆਫਿਸ 'ਤੇ ਪੂਰੀ ਤਰ੍ਹਾਂ ਫਲਾਪ ਸਾਬਤ ਹੋਈ। ਇਸ ਦੇ ਨਾਲ ਹੀ ਕੰਗਨਾ ਦੀਆਂ ਆਉਣ ਵਾਲੀਆਂ ਫ਼ਿਲਮਾਂ 'ਚ ਐਮਰਜੈਂਸੀ ਵੀ ਸ਼ਾਮਲ ਹੈ। ਇਸ ਫ਼ਿਲਮ ਦਾ ਨਿਰਦੇਸ਼ਨ ਵੀ ਕੰਗਨਾ ਰਣੌਤ ਕਰ ਰਹੀ ਹੈ। ਇਸ ਫ਼ਿਲਮ ਵਿੱਚ ਉਹ ਦੇਸ਼ ਦੀ ਸਾਬਕਾ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਦੇ ਕਿਰਾਦਰ ਵਿੱਚ ਨਜ਼ਰ ਆਵੇਗੀ।