ਸਾਰੀਆਂ ਮਾਵਾਂ ਦੀ ਲੰਮੀ ਉਮਰ ਤੇ ਤੰਦਰੁਸਤੀ ਦੀ ਅਰਦਾਸ ਕਰਦੇ ਹੋਏ ਗਾਇਕ ਸਰਬਜੀਤ ਚੀਮਾ ਹੋਏ ਭਾਵੁਕ, ਕਿਹਾ- ‘ਮਾਏ ਅੱਜ ਤੈਨੂੰ ਵੀ ਗਈ ਨੂੰ 3 ਸਾਲ ਲੰਘ ਗਏ, ਵਾਪਿਸ ਨਈਂ ਆਈ ਤੂੰ’
ਸੱਚ ਹੀ ਕਿਹਾ ਹੈ ਕਿ ‘ਮਾਵਾਂ ਠੰਡੀਆਂ ਛਾਵਾਂ’ ਹੁੰਦੀਆਂ ਨੇ। ਅੱਜ ਸਾਰੀ ਦੁਨੀਆ ਮਦਰਸ ਡੇਅ ਨੂੰ ਆਪੋ ਆਪਣੇ ਢੰਗ ਦੇ ਨਾਲ ਸੈਲੀਬ੍ਰੇਟ ਕਰ ਰਹੀ ਹੈ। ਸੋਸ਼ਲ ਮੀਡੀਆ ਉੱਤੇ ਹਰ ਕੋਈ ਆਪਣੀ ਮਾਂ ਦੇ ਲਈ ਪੋਸਟ ਪਾ ਕੇ ਸਭ ਨੂੰ ਇਸ ਦਿਨ ਦੀ ਵਧਾਈ ਦੇ ਰਹੇ ਨੇ। ਅਜਿਹੇ ‘ਚ ਪੰਜਾਬੀ ਕਲਾਕਾਰ ਵੀ ਆਪਣੇ ਪ੍ਰਸ਼ੰਸਕਾਂ ਨੂੰ ਇਸ ਦਿਨ ਦੀਆਂ ਮੁਬਾਰਕਬਾਦ ਦੇ ਰਹੇ ਨੇ।
image source-instagram
image source-instagram
ਅਜਿਹੇ ‘ਚ ਗਾਇਕ ਸਰਬਜੀਤ ਚੀਮਾ ਕੁਝ ਭਾਵੁਕ ਨਜ਼ਰ ਆਏ । ਅੱਜ ਦਿਨ ਹੀ ਉਨ੍ਹਾਂ ਦੀ ਮਾਂ ਇਸ ਦੁਨੀਆ ਤੋਂ ਰੁਖ਼ਸਤ ਹੋਈ ਸੀ । ਪਰ ਉਨ੍ਹਾਂ ਨੇ ਆਪਣੀ ਮਾਂ ਨੂੰ ਤਾਂ ਯਾਦ ਕੀਤਾ ਤੇ ਨਾਲ ਹੀ ਰੱਬ ਅੱਗੇ ਸਾਰੀਆਂ ਮਾਵਾਂ ਦੀ ਚੰਗੀ ਸਿਹਤ ਅਤੇ ਲੰਬੀ ਉਮਰ ਦੀ ਕਾਮਨਾ ਕੀਤੀ ਹੈ।
image source-instagram
ਉਨ੍ਹਾਂ ਨੇ ਆਪਣੀ ਮਾਂ ਦੇ ਨਾਲ ਤਸਵੀਰ ਸਾਂਝੀ ਕਰਦੇ ਹੋਏ ਲਿਖਿਆ ਹੈ- ‘ਮਾਂ ਰੱਬ ਦਾ ਨਾਂ ??
ਦੁਨੀਆਂ ਦਿਖਾਉਣ ਵਾਲੀ ਮਾਂ, ਦੁਨੀਆਂ ਤੋਂ ਤੁਰ ਜਾਂਦੀ ਹੈ ਤਾਂ
ਦੁਨੀਆਂ ਫਿਰ ਸੁੰਨੀ ਸੁੰਨੀ ਲੱਗਦੀ ਹੈ. ਮਾਏ ਅੱਜ ਤੈਨੂੰ ਵੀ ਗਈ ਨੂੰ ੩ ਸਾਲ ਲੰਘ ਗਏ, ਵਾਪਿਸ ਨਈਂ ਆਈ ਤੂੰ.
ਮੈ ਰੱਬ ਅੱਗੇ ਸਾਰੀਆਂ ਮਾਵਾਂ ਦੀ ਲੰਮੀ ਉਮਰ ਤੇ ਤੰਦਰੁਸਤੀ ਦੀ ਅਰਦਾਸ ਕਰਦਾ ਹਾਂ??
ਬਾਰਡਰ ਤੇ ਸੰਘਰਸ਼ ਕਰਦੀਆਂ ਸਾਰੀਆਂ ਮਾਵਾਂ ਭੈਣਾਂ ਦੇ ਪੈਰਾਂ ‘ਚ ਸਿਰ ਧਰਦਾ ਹਾਂ ??
ਤੇ ਆਪ ਸਭ ਨੂੰ ਮਾਂ ਦਿਵਸ ਦੀਆਂ ਬਹੁਤ ਬਹੁਤ ਵਧਾਈਆਂ ਦਿੰਦਾ ਹਾਂ ??
ਸਰਬਜੀਤ ਚੀਮਾ’