ਸਿੱਧੂ ਮੂਸੇਵਾਲਾ ਦੀ ਮੌਤ 'ਤੇ ਰੋਣ ਨੂੰ ਲੈ ਕੇ ਟ੍ਰੋਲ ਕੀਤੇ ਜਾਣ 'ਤੇ ਨਿੱਕੀ ਤੰਬੋਲੀ ਨੇ ਕਿਹਾ 'ਮੈਨੂੰ ਉੱਦੋਂ ਵੀ ਟ੍ਰੋਲ ਕੀਤਾ ਗਿਆ ਸੀ ਜਦੋਂ ਮੇਰੇ ਭਰਾ ਦੀ ਮੌਤ ਹੋਈ ਸੀ... '
ਟੈਲੀਵਿਜ਼ਨ ਅਤੇ ਫਿਲਮ ਅਦਾਕਾਰਾ ਨਿੱਕੀ ਤੰਬੋਲੀ ਜੋ ਕਿ ਸੋਸ਼ਲ ਮੀਡੀਆ ਉੱਤੇ ਕਾਫੀ ਐਕਟਿਵ ਰਹਿੰਦੀ ਹੈ। ਉਸ ਨੂੰ ਜ਼ਿਆਦਾ ਫੇਮ ਬਿੱਗ ਬੌਸ ਸੀਜ਼ਨ 14 ਅਤੇ ਖਤਰੋਂ ਕੇ ਖਿਲਾੜੀ 11 ਦੇ ਦੌਰਾਨ ਹਾਸਿਲ ਹੋਇਆ। ਹਾਲ ਹੀ ‘ਚ ਉਨ੍ਹਾਂ ਨੇ ਇੱਕ ਇੰਟਰਵਿਊ ਦਿੱਤਾ ਹੈ, ਜਿਸ ‘ਚ ਉਨ੍ਹਾਂ ਨੇ ਕਾਫੀ ਖ਼ਾਸ ਗੱਲਾਂ ਕੀਤੀਆਂ ਹਨ। ਹਾਲ ਹੀ ‘ਚ ਨਿੱਕੀ ਜਿਨ੍ਹਾਂ ਨੂੰ ਪੰਜਾਬੀ ਗਾਇਕ ਸਿੱਧੂ ਮੂਸੇ ਵਾਲਾ ਦੀ ਮੌਤ 'ਤੇ ਆਪਣੀ ਭਾਵਨਾਤਮਕ ਪ੍ਰਤੀਕਿਰਿਆ ਲਈ ਟ੍ਰੋਲ ਕੀਤਾ ਗਿਆ ਸੀ। ਜਦੋਂ ਇਸ ਬਾਰੇ ਨਿੱਕੀ ਦੇ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਨੇ ਆਪਣੀ ਪ੍ਰਤੀਕਿਰਿਆ ਦਿੱਤੀ।
ਹੋਰ ਪੜ੍ਹੋ : ‘Saath Nibhaana Saathiya 2’ ਸੀਰੀਅਲ ਹੁਣ ਨਹੀਂ ਕਰੇਗਾ ਦਰਸ਼ਕਾਂ ਦਾ ਮਨੋਰੰਜਨ, ਅਦਾਕਾਰਾ ਨੇ ਦਿੱਤੀ ਜਾਣਕਾਰੀ
image From instagram
ਅਭਿਨੇਤਰੀ ਨੇ ਇੰਟਰਵਿਊ ਵਿੱਚ ਕਿਹਾ ਕਿ ਉਸਨੂੰ ਮੂਸੇਵਾਲਾ ਦਾ ਕੰਮ ਹਮੇਸ਼ਾ ਪਸੰਦ ਸੀ ਅਤੇ ਉਸਨੇ ਬਿੱਗ ਬੌਸ ਵਿੱਚ ਵੀ ਇਸ ਬਾਰੇ ਗੱਲ ਕੀਤੀ ਸੀ। ਉਸ ਨੇ ਪੰਜਾਬੀ ਗਾਇਕ ਨਾਲ ਮੁਲਾਕਾਤ ਨੂੰ ਵੀ ਯਾਦ ਕੀਤਾ ਜਦੋਂ ਉਹ ਕੈਨੇਡਾ ‘ਚ ਇੱਕ ਸ਼ੂਟ ਦੌਰਾਨ ਮਿਲੇ ਸਨ।
ਅਦਾਕਾਰਾ ਨੇ ਅੱਗੇ ਕਿਹਾ ਕਿ ਜਦੋਂ ਫੋਟੋਗ੍ਰਾਫਰਜ਼ ਨੇ ਉਨ੍ਹਾਂ ਨੂੰ ਏਅਰਪੋਰਟ 'ਤੇ ਮੂਸੇਵਾਲਾ ਦੀ ਹੈਰਾਨ ਕਰਨ ਵਾਲੀ ਮੌਤ ਦੀ ਖਬਰ ਬਾਰੇ ਪੁੱਛਿਆ ਤਾਂ ਉਹ ਭਾਵੁਕ ਹੋ ਗਈ। ਨਿੱਕੀ ਨੇ ਕਿਹਾ ਕਿ ਉਸ ਨੂੰ ਉਸ ਸਮੇਂ ਵੀ ਟ੍ਰੋਲ ਕੀਤਾ ਗਿਆ ਸੀ ਜਦੋਂ ਉਹ ਆਪਣੀ ਭਰਾ ਦੀ ਮੌਤ ਤੋਂ ਬਾਅਦ ਉਹ ਖਤਰੋਂ ਕੇ ਖਿਲਾੜੀ ਲਈ ਜਾ ਰਹੀ ਸੀ’
ਉਨ੍ਹਾਂ ਨੇ ਅੱਗੇ ਕਿਹਾ ਕਿ –‘ਹੁਣ ਜਦੋਂ ਮੈਂ ਰੋਂਦੀ ਹਾਂ, ਲੋਕ ਅਜੇ ਵੀ ਮੈਨੂੰ ਟ੍ਰੋਲ ਕਰਨਾ ਚਾਹੁੰਦੇ ਹਨ। ਭਾਵੇਂ ਮੈਂ ਹੱਸਦੀ ਹਾਂ ਜਾਂ ਰੋਂਦੀ ਹਾਂ, ਮੈਂ ਫਿਰ ਵੀ ਟ੍ਰੋਲ ਹੋ ਜਾਂਦੀ ਹਾਂ, ਇਹ ਚੀਜ਼ਾਂ ਹੁਣ ਮੈਨੂੰ ਪਰੇਸ਼ਾਨ ਨਹੀਂ ਕਰਦੀਆਂ। ਜੇ ਗੱਲ ਕਰੀਏ ਨਿੱਕੀ ਤੰਬੋਲੀ ਦੇ ਵਰਕ ਫਰੰਟ ਦੀ ਤਾਂ ਉਹ ਕਈ ਪੰਜਾਬੀ ਮਿਊਜ਼ਿਕ ਵੀਡੀਓ ‘ਚ ਨਜ਼ਰ ਆ ਚੁੱਕੀ ਹੈ।