ਕਿਮੀ ਵਰਮਾ ਦਾ ਹੈ ਅੱਜ ਜਨਮ ਦਿਨ, ਇਸ ਤਰ੍ਹਾਂ ਸ਼ੁਰੂ ਹੋਇਆ ਸੀ ਫ਼ਿਲਮੀ ਕਰੀਅਰ

ਅਦਾਕਾਰਾ ਕਿਮੀ ਵਰਮਾ ਦਾ ਅੱਜ ਜਨਮਦਿਨ ਹੈ। ਕਿਮੀ ਵਰਮਾ ਦਾ ਜਨਮ 20 ਨਵੰਬਰ, 1977 ਨੁੰ ਜਗਰਾਓ ਲੁਧਿਆਣਾ, ਪੰਜਾਬ 'ਚ ਪਿਤਾ ਕ੍ਰਿਸ਼ਨ ਕਮਲ ਤੇ ਮਾਤਾ ਕਮਲਜੀਤ ਦੇ ਘਰ ਹੋਇਆ। ਜੇਕਰ ਗੱਲ ਕਰੀਏ ਉਹਨਾਂ ਦੇ ਅਸਲੀ ਨਾਮ ਦੀ ਤਾਂ ਉਹ ਹੈ ਕਿਰਨਦੀਪ ਵਰਮਾ । ਕਿਮੀ ਦੇ ਪਿਤਾ ਇੱਕ ਬਹੁਤ ਹੀ ਫੇਮਸ ਫੋਟੋਗ੍ਰਾਫਰ ਰਹਿ ਚੁੱਕੇ ਹਨ। ਕਿਮੀ ਦੀ ਪੜਾਈ ਦੀ ਗੱਲ ਕਰੀਏ ਤਾਂ ਉਹਨਾਂ ਨੇ ਜਗਰਾਓ ਤੇ ਮੁੰਬਈ ਤੋਂ ਕੀਤੀ।

ਹੋਰ ਪੜ੍ਹੋ :

ਅਨੁਪਮ ਖੇਰ ਦੇ ਬੇਟੇ ਸਿਕੰਦਰ ਖੇਰ ਨੂੰ ਨਹੀਂ ਮਿਲ ਰਿਹਾ ਕੰਮ, ਇੰਸਟਾਗ੍ਰਾਮ ’ਤੇ ਕੀਤਾ ਵੱਡਾ ਖੁਲਾਸਾ

ਅਦਾਕਾਰ ਰਿਤਿਕ ਰੌਸ਼ਨ ਨੇ ਫ਼ਿਲਮ ‘ਗੁਜ਼ਾਰਿਸ਼’ ਦੇ 10 ਸਾਲ ਪੂਰੇ ਹੋਣ ‘ਤੇ ਸਾਂਝਾ ਕੀਤਾ ਵੀਡੀਓ

ਬੰਬੇ ਯੂਨੀਵਰਸਿਟੀ ਤੋਂ ਐੱਮ.ਬੀ.ਏ. ਕਰਨ ਤੋਂ ਬਾਅਦ ਉਹ ਅਮਰੀਕਾ ਚਲੀ ਗਈ ਅਤੇ ਵਰਤਮਾਨ ਸਮੇਂ ਵੀ ਉਹ ਉੱਥੇ ਹੀ ਰਹਿ ਰਹੀ ਹੈ। ਨਿੱਜੀ ਜਿੰਦਗੀ ਦੀ ਗੱਲ ਕਰੀਏ ਤਾਂ ਉਹਨਾਂ ਦਾ ਵਿਆਹ ਵਿਸ਼ਾਲ ਨਾਲ ਹੋਇਆ। ਵਿਆਹ ਤੋਂ ਬਾਅਦ ਕਿਮੀ ਦੇ ਘਰ ਦੋ ਬੇਟੀਆਂ ਨੇ ਜਨਮ ਲਿਆ ਜਿਸ ਦੀ ਖੁਸ਼ੀ ਉਹਨਾਂ ਨੇ ਆਪਣੇ ਸੋਸ਼ਲ ਮੀਡੀਆ 'ਤੇ ਦਰਸ਼ਕਾਂ ਨਾਲ ਸਾਂਝੀ ਕੀਤੀ ਸੀ ।

ਜਦੋਂ ਕਿਮੀ ਦਸਵੀਂ 'ਚ ਸਨ ਤਾਂ ਉਹਨਾਂ ਦੇ ਪਿਤਾ ਦੇ ਦੋਸਤ ਮਨਮੋਹਨ ਫਿਲਮ ਲਈ ਇੱਕ ਦਸ ਕੁ ਸਾਲਾਂ ਦੀ ਕੁੜੀ ਲੱਭ ਰਹੇ ਸਨ ਜਦ ਉਹਨਾਂ ਨੇ ਕਿਮੀ ਨੂੰ ਦੇਖਿਆ ਤਾਂ ਉਸ ਨੂੰ ਫਿਲਮ ਲਈ ਫਾਈਨਲ ਕਰ ਲਿਆ ਅਤੇ ਕਿਮੀ ਦੇ ਦਸਵੀਂ ਦੀ ਪ੍ਰੀਖਿਆ ਤੋਂ ਬਾਅਦ ਇਸ ਫਿਲਮ ਦੀ ਸ਼ੂਟਿੰਗ ਪੂਰੀ ਕੀਤੀ ਗਈ। ਫਿਲਮ ਨੂੰ ਬਣਦੇ ਬਣਦੇ ਤਿੰਨ ਚਾਰ ਸਾਲ ਲੱਗ ਗਏ।1994 'ਚ ਫਿਲਮ ਰਿਲੀਜ਼ ਹੋਈ। ਕਿਮੀ ਨੇ ਪੜਾਈ ਕਰਦੇ ਸਮੇਂ ਕੋਈ ਵੀ ਡਰਾਮਾ ਕੰਪੀਟੀਸ਼ਨ 'ਚ ਭਾਗ ਨਹੀਂ ਲਿਆ ਤੇ ਨਾ ਹੀ ਕਦੇ ਐਕਟਿੰਗ ਸਿੱਖੀ ਸੀ।

ਇਸ ਫਿਲਮ ਤੋਂ ਬਾਅਦ ਕਿਮੀ ਨੇ ਸਾਲ 2000 'ਚ ਆਈ ਫਿਲਮ ‘ਸ਼ਹੀਦ ਊਧਮ ਸਿੰਘ’ , ‘ਜੀ ਆਇਆ ਨੂੰ’, 2004 'ਚ ‘ਅਸਾਂ ਨੂੰ ਮਾਣ ਵਤਨਾਂ ਦਾ’, 2008 'ਚ ‘ਮੇਰਾ ਪਿੰਡ’ 2009 'ਚ ‘ਸਤਿ ਸ਼੍ਰੀ ਅਕਾਲ’ , 2010 'ਚ ‘ਇੱਕ ਕੁੜੀ ਪੰਜਾਬ ਦੀ’ ਤੇ ਫਿਰ 2012 'ਚ ਫਿਲਮ ਆਈ ‘ਅੱਜ ਦੇ ਰਾਂਝੇ’ । ਇਸ ਤੋਂ ਬਾਅਦ ਕਿਮੀ ਕਾਫੀ ਲੰਬੇ ਸਮੇਂ ਤੱਕ ਫਿਲਮਾਂ ਤੋਂ ਦੂਰ ਰਹੇ। 1994 'ਚ ਕਿਮੀ ਨੇ ਕਾਲਜ 'ਚ ਪੜਦੇ ਸਮੇਂ ਫੇਮਿਨਾ ਮਿਸ ਬਿਉਟੀਫੁਲ ਹੇਅਰ ਦਾ ਖਿਤਾਬ ਜਿੱਤਿਆ ਸੀ। ਯੂਐਸਏ 'ਚ ਮਿਸ ਇੰਡੀਆਂ ਪੀਜੈਂਟ ਨੂੰ ਵੀ ਕਿਮੀ ਜਿੱਤ ਚੁਕੇ ਹਨ।