ਦੁਖਦ ਖ਼ਬਰ: ਸਾਊਥ ਫ਼ਿਲਮਾਂ ਦੇ ਮਸ਼ਹੂਰ ਕਾਮੇਡੀਅਨ ਤੇ ਅਦਾਕਾਰ ਅੱਲੂ ਰਮੇਸ਼ ਦਾ ਹੋਇਆ ਦਿਹਾਂਤ, ਹਾਰਟ ਅਟੈਕ ਕਾਰਨ ਗਈ ਜਾਨ

 South actor Allu Ramesh death news : ਅੱਲੂ ਰਮੇਸ਼ (comedian Allu Ramesh) ਇੱਕ ਭਾਰਤੀ ਅਭਿਨੇਤਾ ਹੈ ਜੋ ਮੁੱਖ ਤੌਰ 'ਤੇ ਤੇਲਗੂ ਫਿਲਮ ਉਦਯੋਗ ਵਿੱਚ ਕੰਮ ਕਰਦੇ ਸੀ  ਅਤੇ ਫਿਲਮਾਂ ਵਿੱਚ ਆਪਣੀਆਂ ਹਾਸਰਸ ਭੂਮਿਕਾਵਾਂ ਲਈ ਜਾਣਿਆ ਜਾਂਦੇ ਸੀ। ਅਦਾਕਾਰ-ਕਾਮੇਡੀਅਨ ਦਾ ਦੋ ਦਿਨ ਪਹਿਲਾਂ ਦਿਹਾਂਤ ਹੋ ਗਿਆ ਸੀ। 

ਜਾਣਕਾਰੀ ਦੇ ਮੁਤਾਬਕ ਅਭਿਨੇਤਾ ਦੀ ਉਮਰ 52 ਸਾਲ ਸੀ ਅਤੇ 18 ਅਪ੍ਰੈਲ 2023 ਨੂੰ ਵਿਸ਼ਾਖਾਪਟਨਮ, ਆਂਧਰਾ ਪ੍ਰਦੇਸ਼ ਵਿੱਚ ਦਿਲ ਦਾ ਦੌਰਾ ਪੈਣ ਕਾਰਨ ਉਨ੍ਹਾਂ ਦੀ ਮੌਤ ਹੋ ਗਈ। ਤੇਲਗੂ ਫਿਲਮ ਇੰਡਸਟਰੀ ਦੇ ਨਿਰਦੇਸ਼ਕ ਆਨੰਦ ਰਵੀ ਨੇ ਉਨ੍ਹਾਂ ਦੇ ਦਿਹਾਂਤ ਦੀ ਦੁਖਦ ਖਬਰ ਸੋਸ਼ਲ ਮੀਡੀਆ 'ਤੇ ਸਾਂਝੀ ਕੀਤੀ ਹੈ। ਉਨ੍ਹਾਂ ਦੇ ਕਈ ਪ੍ਰਸ਼ੰਸਕ, ਸਹਿਯੋਗੀ ਉਨ੍ਹਾਂ ਨੂੰ ਸ਼ਰਧਾਂਜਲੀ ਦੇ ਰਹੇ ਹਨ।

ਰਮੇਸ਼ ਦੇ ਦਿਹਾਂਤ ਦੀ ਦੁਖਦ ਖ਼ਬਰ ਸਾਂਝੀ ਕਰਦੇ ਹੋਏ ਨਿਰਦੇਸ਼ਕ ਨੇ ਲਿਖਿਆ, 'ਤੁਸੀਂ ਪਹਿਲੇ ਦਿਨ ਤੋਂ ਹੀ ਮੇਰਾ ਸਭ ਤੋਂ ਵੱਡਾ ਸਹਾਰਾ ਰਹੇ ਹੋ। ਮੈਂ ਅਜੇ ਵੀ ਆਪਣੇ ਸਿਰ ਵਿੱਚ ਤੁਹਾਡੀ ਆਵਾਜ਼ ਸੁਣ ਸਕਦਾ ਹਾਂ। ਰਮੇਸ਼ ਗਾਰੂ, ਮੈਂ ਤੁਹਾਡੇ ਦੇਹਾਂਤ ਨਾਲ ਸਦਮੇ ਵਿੱਚ ਹਾਂ। ਤੁਸੀਂ ਮੇਰੇ ਵਰਗੇ ਕਈ ਦਿਲਾਂ ਨੂੰ ਛੂਹ ਲਿਆ ਹੈ। ਮਿਸ ਯੂ, ਓਮ ਸ਼ਾਂਤੀ।' ਅੱਲੂ ਰਮੇਸ਼ ਨੇ ਆਪਣੇ ਅਦਾਕਾਰੀ ਕਰੀਅਰ ਦੀ ਸ਼ੁਰੂਆਤ ਥੀਏਟਰ ਨਾਲ ਕੀਤੀ ਸੀ। 

ਇਸ ਤੋਂ ਬਾਅਦ, ਉਨ੍ਹਾਂ ਨੇ 2001 ਵਿੱਚ ਤਰੁਣ ਕੁਮਾਰ ਅਭਿਨੀਤ ਫਿਲਮ 'ਚਿਰੂਜੱਲੂ' ਨਾਲ ਆਪਣੇ ਟਾਲੀਵੁੱਡ ਦੀ ਸ਼ੁਰੂਆਤ ਕੀਤੀ ਅਤੇ ਇਸ ਲਈ ਪਿੱਛੇ ਮੁੜ ਕੇ ਨਹੀਂ ਦੇਖਿਆ। ਆਪਣੇ 22 ਸਾਲਾਂ ਦੇ ਕਰੀਅਰ ਵਿੱਚ ਉਨ੍ਹਾਂ ਨੇ ਲਗਭਗ 50 ਫਿਲਮਾਂ ਵਿੱਚ ਕੰਮ ਕੀਤਾ। ਉਨ੍ਹਾਂ ਨੂੰ 'ਨੈਪੋਲੀਅਨ' ਅਤੇ 'ਥੋਲੂਬੋਮਾਲਤਾ' ਵਰਗੀਆਂ ਫਿਲਮਾਂ ਵਿੱਚ ਆਪਣੇ ਪ੍ਰਦਰਸ਼ਨ ਲਈ ਪਛਾਣ ਮਿਲੀ। ਪਰਦੇ 'ਤੇ ਉਨ੍ਹਾਂ ਦੀ ਕਾਮੇਡੀ ਨੂੰ ਲੋਕਾਂ ਨੇ ਬਹੁਤ ਪਸੰਦ ਕੀਤਾ।

ਅਭਿਨੇਤਾ ਅੱਲੂ ਰਮੇਸ਼ ਨੇ ਇੱਕ ਕਾਮੇਡੀਅਨ ਵਜੋਂ ਕਈ ਤੇਲਗੂ ਫਿਲਮਾਂ ਵਿੱਚ ਛੋਟੀਆਂ ਭੂਮਿਕਾਵਾਂ ਨਿਭਾਈਆਂ ਹਨ। ਲੰਬੇ ਸਮੇਂ ਤੋਂ ਫਿਲਮਾਂ ਵਿੱਚ ਦਿਖਾਈ ਨਾ ਦੇਣ ਦੇ ਬਾਵਜੂਦ, ਅੱਲੂ ਰਮੇਸ਼ ਨੇ ਆਪਣੀ ਸ਼ਾਨਦਾਰ ਅਦਾਕਾਰੀ ਦੇ ਹੁਨਰ ਨਾਲ ਪਛਾਣ ਪ੍ਰਾਪਤ ਕੀਤੀ, ਜਿਸ ਨਾਲ ਉਹ ਲੋਕਾਂ ਵਿੱਚ ਇੱਕ ਪਿਆਰਾ ਸਟਾਰ ਬਣ ਗਿਆ। 

ਹੋਰ ਪੜ੍ਹੋ: ਪੰਜਾਬੀ ਗਾਇਕ ਜੌਰਡਨ ਸੰਧੂ ਨੇ ਆਪਣੀ ਨਵੀਂ EP 'Never Before' ਦਾ ਕੀਤਾ ਐਲਾਨ, ਜਾਣੋ ਕਦ ਹੋਵੇਗੀ  ਰਿਲੀਜ਼

ਉਨ੍ਹਾਂ ਨੇ 2001 ਵਿੱਚ ਚਿਰੂਜੱਲੂ (Chirujallu)  ਨਾਲ ਆਪਣਾ ਅਭਿਨੈ ਕਰੀਅਰ ਸ਼ੁਰੂ ਕੀਤਾ ਅਤੇ 'ਟੋਲੂ ਬੋਮਾਲਤਾ' (Tolu Bommalata), 'ਮਥੁਰਾ ਵਾਈਨ'(Mathura Wines), 'ਵੀਧੀ'(Veedhi), 'ਬਲੇਡ ਬਾਬਜੀ' (Blade Babji) ਵਰਗੀਆਂ ਫਿਲਮਾਂ ਵਿੱਚ ਦਿਖਾਈ ਦਿੱਤਾ ਅਤੇ 'ਨੈਪੋਲੀਅਨ' ਵਰਗੀਆਂ ਕਈ ਹੋਰ ਫਿਲਮਾਂ ਵਿੱਚ ਕੰਮ ਕੀਤਾ। ਉਨ੍ਹਾਂ ਦਾ ਆਖਰੀ ਪ੍ਰੋਜੈਕਟ ਅਨੁਕੋਨੀ ਪ੍ਰਯਾਨਮ (Anukoni Prayanam)  ਹੈ ਜੋ 2022 ਵਿੱਚ ਰਿਲੀਜ਼ ਹੋਇਆ ਸੀ।

- PTC PUNJABI