Trending:
ਰਮਜ਼ਾਨ ਦੇ ਪਵਿੱਤਰ ਮਹੀਨੇ ਮੱਕਾ ਪਹੁੰਚੇ ਐਲੀ ਗੋਨੀ, ਅਦਾਕਾਰ ਨੇ ਤਸਵੀਰਾਂ ਕੀਤੀਆਂ ਸਾਂਝੀਆਂ
Aly Goni at Mecca: ਰਮਜ਼ਾਨ ਦਾ ਪਵਿੱਤਰ ਮਹੀਨਾ ਸ਼ੁਰੂ ਹੋ ਗਿਆ ਹੈ। ਇਸ ਮਹੀਨੇ ਟੀਵੀ ਤੇ ਫਿਲਮੀ ਸਿਤਾਰੇ ਉਮਰਾਹ ਕਰਨ ਮੱਕਾ ਜਾ ਰਹੇ ਹਨ। ਇਸ ਦੌਰਾਨ ਅਦਾਕਾਰ ਐਲੀ ਗੋਨੀ ਵੀ ਉਮਰਾਹ ਲਈ ਮੱਕਾ ਪਹੁੰਚ ਚੁੱਕੇ ਹਨ। ਜਿੱਥੋਂ ਉਨ੍ਹਾਂ ਨੇ ਤਸਵੀਰਾਂ ਸ਼ੇਅਰ ਕਰਕੇ ਆਪਣੀ ਖੁਸ਼ੀ ਜ਼ਾਹਰ ਕੀਤੀ ਹੈ।
ਰਮਜ਼ਾਨ ਦੇ ਪਵਿੱਤਰ ਮਹੀਨੇ ਵਿੱਚ, ਅੱਲ੍ਹਾ ਆਪਣੇ ਬੰਦਿਆਂ 'ਤੇ ਆਪਣੀ ਬਰਕਤਾਂ ਦੀ ਵਰਖਾ ਕਰਦਾ ਹੈ ਅਤੇ ਭੁੱਖੇ-ਪਿਆਸੇ ਰਹਿ ਕੇ ਰੱਬ ਦੀ ਇਬਾਦਤ ਕਰਨ ਵਾਲਿਆਂ ਦੇ ਗੁਨਾਹ ਮਾਫ਼ ਕਰ ਦਿੱਤੇ ਜਾਂਦੇ ਹਨ।
ਬੀ-ਟਾਊਨ ਦੇ ਕਈ ਸਿਤਾਰੇ ਭੁੱਖੇ-ਪਿਆਸੇ ਰਹਿ ਕੇ ਖ਼ੁਦਾ ਦੀ ਇਬਾਦਤ ਕਰਦੇ ਹਨ। ਇਸ ਲਿਸਟ 'ਚ ਬਿੱਗ ਬੌਸ 14 ਫੇਮ ਐਲੀ ਗੋਨੀ ਦਾ ਨਾਂ ਵੀ ਸ਼ਾਮਲ ਹੈ। ਐਲੀ ਰਮਜ਼ਾਨ ਦੇ ਪਵਿੱਤਰ ਮੌਕੇ 'ਤੇ ਮੱਕਾ 'ਚ ਉਮਰਾਹ ਕਰ ਰਹੇ ਹਨ। ਐਲੀ ਨੇ ਇਸ ਦੌਰਾਨ ਕਈ ਤਸਵੀਰਾਂ ਆਪਣੇ ਇੰਸਟਾ ਅਕਾਊਂਟ 'ਤੇ ਸ਼ੇਅਰ ਕੀਤੀਆਂ ਹਨ।
ਤਸਵੀਰਾਂ ਸ਼ੇਅਰ ਕਰਦੇ ਹੋਏ ਐਲੀ ਨੇ ਲਿਖਿਆ- ਅਲਹਮਦੁਲਿਲਾਹ ਪੈਗੰਬਰ ਨੇ ਕਿਹਾ, ਰਮਜ਼ਾਨ ਦੌਰਾਨ ਉਮਰਾਹ ਕਰਨਾ ਮੇਰੇ ਲਈ ਹੱਜ ਕਰਨ ਦੇ ਬਰਾਬਰ ਹੈ। ਅੱਲ੍ਹਾ ਸਾਨੂੰ ਸਾਰਿਆਂ ਨੂੰ ਇਹ ਮੌਕਾ ਦੇਵੇ, ਆਮੀਨ। #ਉਮਰਾਹ2024।'
ਤਸਵੀਰਾਂ 'ਚ ਐਲੀ ਗੋਨੀ ਨੂੰ ਮੱਕਾ ਦੇ ਕਾਬਾ 'ਚ ਇਕ ਖੂਬਸੂਰਤ ਲੋਕੇਸ਼ਨ 'ਤੇ ਪੋਜ਼ ਦਿੰਦੇ ਦੇਖਿਆ ਜਾ ਸਕਦਾ ਹੈ। ਅਭਿਨੇਤਾ ਨੇ ਇਹਰਾਮ ਪਹਿਨਿਆ ਹੋਇਆ ਹੈ ਜੋ ਇੱਕ ਅਜਿਹਾ ਕੱਪੜਾ ਜੋ ਜ਼ਿਆਦਾਤਰ ਲੋਕ ਹੱਜ ਜਾਂ ਉਮਰਾਹ ਕਰਨ ਲਈ ਤੀਰਥ ਯਾਤਰਾ 'ਤੇ ਜਾਣ ਤੋਂ ਪਹਿਲਾਂ ਪਹਿਨਦੇ ਹਨ।
ਦੱਸ ਦੇਈਏ ਕਿ ਐਲੀ ਗੋਨੀ ਫਿਲਹਾਲ ਟੀਵੀ ਸਕ੍ਰੀਨ ਤੋਂ ਦੂਰ ਹਨ। ਹਾਲਾਂਕਿ, ਸੰਗੀਤ ਵੀਡੀਓਜ਼ ਵਿੱਚ ਅਦਾਕਾਰੀ ਦੇ ਨਾਲ, ਉਹ ਆਪਣੀ ਸੋਸ਼ਲ ਮੀਡੀਆ ਮੌਜੂਦਗੀ ਨਾਲ ਪ੍ਰਸ਼ੰਸਕਾਂ ਦਾ ਮਨੋਰੰਜਨ ਵੀ ਕਰਦਾ ਹੈ।
-
