ਫ਼ਿਲਮ 'ਜਵਾਨ' ਦੀ ਰਿਲੀਜ਼ ਦੌਰਾਨ ਅਮਿਤਾਭ ਬੱਚਨ ਨੇ ਕੀਤੀ ਸ਼ਾਹਰੁਖ ਖ਼ਾਨ ਦੀ ਤਾਰੀਫ, ਕਿੰਗ ਖ਼ਾਨ ਨੂੰ ਦੱਸਿਆ 'ਦੇਸ਼ ਦੀ ਧੜਕਣ'

Amitabh Bachchan reaction on Film Jawan: ਸ਼ਾਹਰੁਖ ਖਾਨ ਤੇ ਅਮਿਤਾਭ ਬੱਚਨ ਬਾਲੀਵੁੱਡ ਦੇ ਮਾਸਟਰ ਹਨ। ਇੱਕ ਰਾਜਾ ਹੈ ਤੇ ਦੂਜਾ ਸਦੀ ਦਾ ਮਹਾਨ ਨਾਇਕ। ਹਾਲਾਂਕਿ ਜਦੋਂ ਵੀ ਉਨ੍ਹਾਂ ਦੀ ਜੋੜੀ ਇਕੱਠੀ ਹੋਈ, ਪ੍ਰਸ਼ੰਸਕਾਂ ਨੇ ਉਨ੍ਹਾਂ ਨੂੰ ਬਹੁਤ ਪਿਆਰ ਦਿੱਤਾ। ਕਿੰਗ ਖਾਨ ਅਤੇ ਬਿਗ ਬੀ ਨੇ ਕਈ ਫਿਲਮਾਂ 'ਚ ਇਕੱਠੇ ਕੰਮ ਕੀਤਾ ਹੈ।

ਪਿਛਲੇ ਮਹੀਨੇ ਖਬਰ ਆਈ ਸੀ ਕਿ ਸ਼ਾਹਰੁਖ ਖਾਨ ਤੇ ਅਮਿਤਾਭ ਬੱਚਨ 17 ਸਾਲ ਬਾਅਦ ਸਕਰੀਨ ਸ਼ੇਅਰ ਕਰਦੇ ਨਜ਼ਰ ਆਉਣਗੇ। ਹੁਣ ਪ੍ਰਸ਼ੰਸਕਾਂ ਦਾ ਇੰਤਜ਼ਾਰ ਖਤਮ ਹੋ ਗਿਆ ਹੈ, ਕਿਉਂਕਿ ਦੋਵਾਂ ਸੁਪਰਸਟਾਰਾਂ ਦੀ ਵੀਡੀਓ ਸਾਹਮਣੇ ਆਈ ਹੈ, ਜਿਸ ਨੂੰ ਦੇਖ ਕੇ ਪ੍ਰਸ਼ੰਸਕ ਵੀ ਖੁਸ਼ ਹਨ। ਹਾਲਾਂਕਿ, ਇੱਕ ਗੱਲ ਹੈ, ਜੋ ਪ੍ਰਸ਼ੰਸਕਾਂ ਨੂੰ ਬਿਲਕੁਲ ਵੀ ਪਸੰਦ ਨਹੀਂ ਆ ਰਹੀ ਹੈ।

ਅਮਿਤਾਭ ਬੱਚਨ ਨੇ ਅਦਾਕਾਰ ਨੂੰ ਦੱਸਿਆ ਦਿਲ ਦੀ ਧੜਕਣ

ਜਦੋਂ ਸ਼ਾਹਰੁਖ ਖਾਨ ਤੇ ਅਮਿਤਾਭ ਬੱਚਨ ਦੇ ਇਕੱਠੇ ਪਰਦੇ 'ਤੇ ਵਾਪਸੀ ਦੀ ਖਬਰ ਆਈ ਤਾਂ ਪ੍ਰਸ਼ੰਸਕਾਂ ਦੀ ਖੁਸ਼ੀ ਦੀ ਕੋਈ ਹੱਦ ਨਹੀਂ ਰਹੀ। ਹੁਣ ਆਖਿਰਕਾਰ ਜਿਸ ਪ੍ਰੋਜੈਕਟ ਲਈ ਇਹ ਦੋਵੇਂ ਸੁਪਰਸਟਾਰ ਇਕੱਠੇ ਆਏ ਹਨ, ਉਸ ਦਾ ਵੀ ਖੁਲਾਸਾ ਹੋ ਗਿਆ ਹੈ। ਦਰਅਸਲ, ਸ਼ਾਹਰੁਖ ਅਤੇ ਬਿੱਗ ਬੀ ਕਿਸੇ ਫਿਲਮ ਲਈ ਨਹੀਂ, ਸਗੋਂ ਖਾਣ-ਪੀਣ ਵਾਲੇ ਮਸਾਲਿਆਂ ਦੀ ਮਸ਼ਹੂਰੀ ਲਈ ਇਕੱਠੇ ਹੋਏ ਹਨ।

ਇਸ ਵਿਗਿਆਪਨ 'ਚ ਅਮਿਤਾਭ ਬੱਚਨ 'ਜਵਾਨ' ਸ਼ਾਹਰੁਖ ਖਾਨ ਨੂੰ 'ਦੇਸ਼ ਦੀ ਧੜਕਣ' ਕਹਿ ਕੇ ਸੁਪਰਸਟਾਰ ਕਹਿ ਰਹੇ ਹਨ। ਤਾਂ ਦੂਜੇ ਪਾਸੇ ਸ਼ਾਹਰੁਖ ਵੀ ਬਿੱਗ ਬੀ ਨੂੰ ਸੁਪਰ ਤੋਂ ਉਪਰ ਕਹਿ ਕੇ ਤਾਰੀਫ ਕਰ ਰਹੇ ਹਨ।

ਦੋਹਾਂ ਨੂੰ 17 ਸਾਲ ਬਾਅਦ ਇੱਕਠੇ ਦੇਖ ਕੇ ਪ੍ਰਸ਼ੰਸਕਾਂ ਨੇ ਦਿੱਤਾ ਰਿਐਕਸ਼ਨ 

ਸ਼ਾਹਰੁਖ ਖਾਨ- ਅਮਿਤਾਭ ਬੱਚਨ ਨੂੰ 17 ਸਾਲ ਬਾਅਦ ਪਰਦੇ 'ਤੇ ਦੇਖ ਕੇ ਪ੍ਰਸ਼ੰਸਕ ਬੇਹੱਦ ਖੁਸ਼ ਹਨ। ਇੱਕ ਯੂਜ਼ਰ ਨੇ ਕਮੈਂਟ ਕੀਤਾ, "ਸੋ ਇਹ ਇੱਕ ਐਡ ਹੈ, ਮੈਂ ਸੋਚਿਆ ਕਿ ਇਹ ਦੋਵੇਂ ਇੱਕ ਫਿਲਮ ਵਿੱਚ ਇਕੱਠੇ ਨਜ਼ਰ ਆਉਣ ਵਾਲੇ ਹਨ।"

ਹੋਰ ਪੜ੍ਹੋ: ਦੁਖਦ ਖਬਰ ! ਤਮਿਲ ਅਦਾਕਾਰ ਅਤੇ ਫਿਲਮਸਾਜ਼ ਮਰੀਮੁਥੂ ਦਾ ਦਿਲ ਦਾ ਦੌਰਾ ਪੈਣ ਕਾਰਨ ਦਿਹਾਂਤ ਹੋ ਗਿਆ

ਇੱਕ ਹੋਰ ਯੂਜ਼ਰ ਨੇ ਲਿਖਿਆ, ''ਸ਼ਾਹਰੁਖ ਖਾਨ ਦਾ ਚਾਰਮ ਫਿਲਮਾਂ ਅਤੇ ਵਿਗਿਆਪਨਾਂ ''ਚ ਹਰ ਜਗ੍ਹਾ ਹੈ। ਹਾਲਾਂਕਿ, ਕੁਝ ਪ੍ਰਸ਼ੰਸਕ ਟਿੱਪਣੀ ਬਾਕਸ ਵਿੱਚ ਆਪਣੀ ਨਾਰਾਜ਼ਗੀ ਜ਼ਾਹਰ ਕਰਦੇ ਹੋਏ ਦੇਖੇ ਗਏ ਸਨ ਕਿ ਵਿਗਿਆਪਨ ਵਿੱਚ ਆਲੀਆ ਭੱਟ ਦੇ ਨਾਮ ਦਾ ਜ਼ਿਕਰ ਕਰਨ ਦੀ ਕੋਈ ਲੋੜ ਨਹੀਂ ਹੈ।

ਇੱਕ ਹੋਰ ਨੇ ਲਿਖਿਆ, ''ਆਲੀਆ ਦਾ ਨਾਂ ਨਜ਼ਰ ਨਹੀਂ ਆ ਰਿਹਾ ਸੀ, ਉਹ ਤੁਹਾਡੇ ਦੋਵਾਂ ਦੇ ਮੁਕਾਬਲੇ ਬਾਲੀਵੁੱਡ 'ਚ ਇੰਨੀ ਵੱਡੀ ਨਹੀਂ ਹੈ। ਸ਼ਾਹਰੁਖ-ਅਮਿਤਾਭ 'ਕਭੀ ਖੁਸ਼ੀ ਕਭੀ ਗਮ', ਮੁਹੱਬਤੇਂ ਵਰਗੀਆਂ ਫਿਲਮਾਂ 'ਚ ਇਕੱਠੇ ਨਜ਼ਰ ਆ ਚੁੱਕੇ ਹਨ।

- PTC PUNJABI