ਸੈਂਸਰ ਬੋਰਡ ਨੇ ਅਕਸ਼ੈ ਕੁਮਾਰ ਸਟਾਰਰ ਫ਼ਿਲਮ 'OMG 2' ਦੀ ਰਿਲੀਜ਼ 'ਤੇ ਲਗਾਈ ਰੋਕ, ਸਮੀਖਿਆ ਕਮੇਟੀ ਕਰੇਗੀ ਜਾਂਚ

OMG 2 Release Postponed: ਬਾਲੀਵੁੱਡ ਦੇ ਮਿਸਟਰ ਖਿਲਾੜੀ ਯਾਨੀ ਕਿ ਅਕਸ਼ੈ ਕੁਮਾਰ (Akshay Kumar) ਇਨ੍ਹੀਂ ਦਿਨੀਂ ਆਪਣੀ ਅਪਕਮਿੰਗ ਫ਼ਿਲਮ 'OMG 2' ਨੂੰ ਲੈ ਕੇ ਸੁਰਖੀਆਂ 'ਚ ਹਨ। ਇੱਕ ਪਾਸੇ ਜਿੱਥੇ ਅਕਸ਼ੈ ਕੁਮਾਰ ਦੇ ਫੈਨਜ਼ ਇਸ ਫ਼ਿਲਮ ਦਾ ਇੰਤਜ਼ਾਰ ਕਰ ਰਹੇ ਹਨ, ਉੱਥੇ ਹੀ ਇਸ ਫ਼ਿਲਮ ਉੱਤੇ ਸੈਂਸਰ ਬੋਰਡ ਨੇ ਰੋਕ ਲਗਾ ਦਿੱਤੀ ਹੈ ਤੇ ਇਸ 'ਤੇ ਸਮੀਖਿਆ ਕਮੇਟੀ ਨੂੰ ਜਾਂਚ ਕਰਨ ਦੇ ਆਦੇਸ਼ ਦਿੱਤੇ ਹਨ।

View this post on Instagram

A post shared by Akshay Kumar (@akshaykumar)

CBFC ਵੱਲੋਂ ਲਗਾਈ ਰੋਕ 

ਬੁੱਧਵਾਰ ਦੇਰ ਸ਼ਾਮ ਖਬਰ ਆਈ ਕਿ ਸੈਂਸਰ ਬੋਰਡ ਨੇ ਫ਼ਿਲਮ ਨੂੰ ਸਮੀਖਿਆ ਕਮੇਟੀ ਕੋਲ ਭੇਜ ਦਿੱਤਾ ਹੈ। ਫਿਲਹਾਲ OMG 2,  11 ਅਗਸਤ ਨੂੰ ਰਿਲੀਜ਼ ਨਹੀਂ ਹੋਵੇਗੀ। ਸੈਂਸਰ ਬੋਰਡ ਦਾ ਕਹਿਣਾ ਹੈ ਕਿ ਇਹ ਫ਼ਿਲਮ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਣ ਦੇ ਯੋਗ ਨਹੀਂ ਹੈ।

ਟੀਜ਼ਰ ਨੂੰ ਦੇਖ ਕੇ ਭੜਕ ਗਏ ਲੋਕ

11 ਜੁਲਾਈ ਨੂੰ ਸਵੇਰੇ 11 ਵਜੇ ਅਕਸ਼ੈ ਕੁਮਾਰ ਸਟਾਰਰ ਫ਼ਿਲਮ 'OMG 2' ਟੀਜ਼ਰ ਰਿਲੀਜ਼ ਕੀਤਾ ਗਿਆ ਸੀ। ਇਸ 'ਚ ਅਕਸ਼ੈ ਕੁਮਾਰ ਨੂੰ ਭਗਵਾਨ ਸ਼ਿਵ ਤੇ ਪੰਕਜ ਤ੍ਰਿਪਾਠੀ ਨੂੰ ਭਗਤ ਦੇ ਕਿਰਦਾਰਾਂ ਨੂੰ ਪੇਸ਼ ਕੀਤਾ ਗਿਆ। ਜਿੱਥੇ ਇੱਕ ਪਾਸੇ ਭੋਲੇ ਬਾਬਾ ਦੇ ਰੂਪ ਵਿੱਚ ਅਕਸ਼ੈ ਕੁਮਾਰ ਅਤੇ ਪੰਕਜ ਤ੍ਰਿਪਾਠੀ ਦੀ ਸਹਿਜਤਾ ਦੀ ਪ੍ਰਸ਼ੰਸਾ ਕੀਤੀ ਗਈ ਸੀ, ਉੱਥੇ ਹੀ ਦੂਜੇ ਪਾਸੇ ਦਰਸ਼ਕਾਂ ਨੇ ਇੱਕ ਸੀਨ 'ਤੇ ਇਤਰਾਜ਼ ਜਤਾਇਆ ਸੀ। ਇਤਰਾਜ਼ ਅਕਸ਼ੈ ਕੁਮਾਰ ਦੇ ਰੇਲਵੇ ਟਰੈਕ 'ਤੇ ਨਹਾਉਣ 'ਤੇ ਸੀ। ਲੋਕਾਂ ਨੂੰ ਰੀਲ ਲਾਈਫ ਭੋਲੇ ਸ਼ੰਕਰ ਦਾ ਇਹ ਸੰਸਕਾਰ ਪਸੰਦ ਨਹੀਂ ਆਇਆ। ਉਸ ਨੇ ਇਸ ਨੂੰ ਰੱਬ ਦਾ ਅਪਮਾਨ ਵੀ ਕਰਾਰ ਦਿੱਤਾ। 

ਇਤਰਾਜ਼ ਦਾ ਕਾਰਨ ਸਪੱਸ਼ਟ ਨਹੀਂ 

ਸੈਂਸਰ ਬੋਰਡ ਪਹਿਲਾਂ ਵੀ ਆਪਣੇ ਰਵੱਈਏ ਨੂੰ ਲੈ ਕੇ ਚਰਚਾ 'ਚ ਰਿਹਾ ਹੈ। ਦਿ ਕਸ਼ਮੀਰ ਫਾਈਲਜ਼ ਤੋਂ ਲੈ ਕੇ ਦ ਕੇਰਲਾ ਸਟੋਰੀ ਤੱਕ, ਇੱਕ ਸੈਕਸ਼ਨ ਨੂੰ ਕਲੀਅਰੈਂਸ ਲਈ ਨਿਸ਼ਾਨਾ ਬਣਾਇਆ ਗਿਆ ਸੀ, ਜਦੋਂ ਕਿ ਹਾਲ ਹੀ 'ਚ 72 ਹੁਰਾਂ ਦੇ ਟੀਜ਼ਰ ਨੂੰ ਸਰਟੀਫਿਕੇਟ ਨਾ ਦੇਣ 'ਤੇ ਵੀ ਸਵਾਲ ਚੁੱਕੇ ਗਏ ਸਨ। ਸ਼ਾਇਦ ਇਹੀ ਕਾਰਨ ਹੈ ਕਿ ਸੈਂਸਰ ਬੋਰਡ ਫਿਲਹਾਲ ਕਿਸੇ ਵੀ ਤਰ੍ਹਾਂ ਦੇ ਵਿਵਾਦ 'ਚ ਨਹੀਂ ਫਸਣਾ ਚਾਹੁੰਦਾ ਅਤੇ ਫ਼ਿਲਮ ਨੂੰ ਰੀਵਿਊ ਕਮੇਟੀ ਨੂੰ ਸੌਂਪ ਦਿੱਤਾ ਹੈ। ਬੋਰਡ ਕਿਹੜੇ ਸੰਵਾਦ ਜਾਂ ਸੀਨ ਦਾ ਜੋਖਮ ਨਹੀਂ ਲੈਣਾ ਚਾਹੁੰਦਾ, ਇਸ ਬਾਰੇ ਅਜੇ ਕੁਝ ਵੀ ਸਪੱਸ਼ਟ ਨਹੀਂ ਹੈ।

 ਹੋਰ ਪੜ੍ਹੋ: Surinder Shinda Health Update: ਗਾਇਕ ਸੁਰਿੰਦਰ ਸ਼ਿੰਦਾ ਦੀ ਹਾਲਤ 'ਚ ਹੋਇਆ ਸੁਧਾਰ, ਹਾਲ ਜਾਨਣ ਪੁੱਜੇ ਬੱਬੂ ਮਾਨ ਤੇ ਹੌਬੀ ਧਾਲੀਵਾਲ 

ਫ਼ਿਲਮ OMG ਦਾ ਸੀਕਵਲ  

ਫ਼ਿਲਮ'OMG 2' ਸਾਲ 2012 ਅਈ ਫ਼ਿਲਮ OMG ਦਾ ਸੀਕਵਲ ਹੈ। ਇਸ ਫ਼ਿਲਮ ਵਿੱਚ ਪਰੇਸ਼ ਰਾਵਲ ਮੁੱਖ ਭੂਮਿਕਾ ਵਿੱਚ ਸਨ ਅਤੇ ਅਕਸ਼ੈ ਕੁਮਾਰ ਸ਼੍ਰੀ ਕ੍ਰਿਸ਼ਨ ਅਵਤਾਰ ਵਿੱਚ ਸਨ। ਜਿੱਥੇ ਰਾਵਲ ਨੇ ਉਸ ਫ਼ਿਲਮ ਵਿੱਚ ਇੱਕ ਨਾਸਤਿਕ ਦੀ ਭੂਮਿਕਾ ਨਿਭਾਈ ਸੀ, ਉੱਥੇ ਹੀ ਪੰਕਜ ਤ੍ਰਿਪਾਠੀ ਦੀ ਫ਼ਿਲਮ ਬਨਾਰਸ ਦੇ ਲੋਕਾਂ ਦੀ ਕਹਾਣੀ  'ਤੇ ਬਣੀ ਫ਼ਿਲਮ ਸਿਲਵਰ ਸਕ੍ਰੀਨ 'ਤੇ ਇੱਕ ਵਿਸ਼ਵਾਸੀ ਦੀ ਕਹਾਣੀ ਨੂੰ ਦਰਸਾਏਗੀ।

- PTC PUNJABI