Coke Studio ਫੇਮ ਪਾਕਿਸਤਾਨੀ ਗਾਇਕ ਹਾਨੀਆ ਅਸਲਮ ਦਾ ਹੋਇਆ ਦਿਹਾਂਤ, ਹਾਰਟ ਅਟੈਕ ਕਾਰਨ ਗਈ ਜਾਨ

Pakistani singer Haniya Aslam died  : ਪਾਕਿਸਤਾਨੀ ਸੰਗੀਤਕਾਰ ਹਾਨੀਆ ਅਸਲਮ ਦਾ ਦਿਹਾਂਤ ਹੋ ਗਿਆ ਹੈ। 11 ਅਗਸਤ ਦਿਨ ਐਤਵਾਰ ਨੂੰ ਦਿਲ ਦਾ ਦੌਰਾ ਪੈਣ ਕਾਰਨ ਉਨ੍ਹਾਂ ਦੀ ਮੌਤ ਹੋ ਗਈ। ਉਨ੍ਹਾਂ ਦੀ ਮੌਤ ਦੀ ਪੁਸ਼ਟੀ ਜ਼ੇਬ ਬੰਗਸ਼ ਨੇ ਸੋਸ਼ਲ ਮੀਡੀਆ 'ਤੇ ਇਕ ਪੋਸਟ ਰਾਹੀਂ ਕੀਤੀ।

ਹਾਨੀਆ ਪਾਕਿਸਤਾਨ ਦੀ ਸਭ ਤੋਂ ਵਧੀਆ ਸੰਗੀਤਕਾਰਾਂ ਵਿੱਚੋਂ ਇੱਕ ਸੀ। ਲੱਖਾਂ ਲੋਕ ਉਸ ਦੀ ਆਵਾਜ਼ ਦੇ ਦੀਵਾਨੇ ਹਨ। ਹਾਨੀਆ ਅਸਲਮ ਦੇ ਦਿਹਾਂਤ ਦੀ ਖਬਰ ਨਾਲ ਸੰਗੀਤ ਜਗਤ 'ਚ ਸੋਗ ਦੀ ਲਹਿਰ ਦੌੜ ਗਈ ਹੈ। ਸੋਸ਼ਲ ਮੀਡੀਆ 'ਤੇ ਲੋਕ ਉਨ੍ਹਾਂ ਨੂੰ ਸ਼ਰਧਾਂਜਲੀ ਦੇ ਰਹੇ ਹਨ।

View this post on Instagram

A post shared by Zeb 🎤🎧🎶 (@zebbangash)

ਭਾਰਤੀ ਗੀਤਕਾਰ-ਗਾਇਕ ਸਵਾਨੰਦ ਕਿਰਕੀਰੇ ਨੇ ਹਾਨੀਆ ਨਾਲ ਆਪਣੀ ਆਖਰੀ ਗੱਲਬਾਤ ਦਾ ਸਕ੍ਰੀਨਸ਼ੌਟ ਸਾਂਝਾ ਕਰਕੇ ਉਸ ਨੂੰ ਸ਼ਰਧਾਂਜਲੀ ਦਿੱਤੀ ਹੈ। ਪੋਸਟ ਸ਼ੇਅਰ ਕਰਦੇ ਹੋਏ ਉਨ੍ਹਾਂ ਨੇ ਲਿਖਿਆ, 'ਮੇਰੀ ਪਿਆਰੀ ਹਾਨੀਆ ਅਸਲਮ ਨਹੀਂ ਰਹੀ। ਉਨ੍ਹਾਂ ਨੂੰ ਦਿਲ ਦਾ ਦੌਰਾ ਪਿਆ ਅਤੇ ਬੀਤੀ ਰਾਤ ਉਨ੍ਹਾਂ ਦੀ ਮੌਤ ਹੋ ਗਈ। ਸਾਡੇ ਵਿਚਕਾਰ ਇੱਕ ਖਾਸ ਰਿਸ਼ਤਾ ਸੀ। ਮੈਂ ਉਸ ਨਾਲ ਆਪਣੀ ਆਖਰੀ ਗੱਲਬਾਤ ਸਾਂਝੀ ਕਰ ਰਿਹਾ ਹਾਂ, ਜੋ ਕੁਝ ਦਿਨ ਪਹਿਲਾਂ ਹੀ ਹੋਈ ਸੀ। ਦੋਵਾਂ ਨੇ ਇੱਕ ਐਲਬਮ ਵਿੱਚ ਇਕੱਠੇ ਕੰਮ ਕੀਤਾ ਸੀ।

ਉਨ੍ਹਾਂ ਨੇ ਅੱਗੇ ਲਿਖਿਆ, 'ਸਾਡੀ ਇੱਕ ਅਧੂਰੀ ਐਲਬਮ ਹੈ ਜਿਸ 'ਤੇ ਅਸੀਂ ਇਕੱਠੇ ਕੰਮ ਕਰ ਰਹੇ ਸੀ। ਹਾਨੀਆ ਦੇ ਚਚੇਰੇ ਭਰਾ ਅਤੇ ਬੈਂਡ ਮੈਂਬਰ ਜ਼ੇਬ ਬੰਗਸ਼ ਲਈ, ਸਵਾਨੰਦ ਨੇ ਲਿਖਿਆ: ਤੁਹਾਨੂੰ ਅਤੇ ਤੁਹਾਡੇ ਪਰਿਵਾਰ ਨੂੰ ਬਹੁਤ ਸਾਰਾ ਪਿਆਰ। ਪ੍ਰਮਾਤਮਾ ਤੁਹਾਨੂੰ ਇਸ ਦੁੱਖ ਨੂੰ ਸਹਿਣ ਦਾ ਬਲ ਬਖਸ਼ੇ। ਉਸ ਦੀ ਪੋਸਟ 'ਤੇ ਟਿੱਪਣੀ ਕਰਦੇ ਹੋਏ, ਬਹੁਤ ਸਾਰੇ ਲੋਕ ਹਾਨੀਆ ਅਸਲਮ ਦੇ ਦੇਹਾਂਤ 'ਤੇ ਸੋਗ ਪ੍ਰਗਟ ਕਰ ਰਹੇ ਹਨ ਅਤੇ ਸ਼ਰਧਾਂਜਲੀ ਦੇ ਰਹੇ ਹਨ।

View this post on Instagram

A post shared by Viral Bhayani (@viralbhayani)

ਹੋਰ ਪੜ੍ਹੋ : ਬਾਲੀਵੁੱਡ ਦੇ ਮਸ਼ਹੂਰ ਫੋਟੋਗ੍ਰਾਫਰ ਪ੍ਰਦੀਪ ਬਾਂਡੇਕਰ ਦਾ ਹੋਇਆ ਦਿਹਾਂਤ, ਬਾਲੀਵੁੱਡ ਸੈਲਬਸ ਨੇ ਪ੍ਰਗਟਾਇਆ ਸੋਗ

ਹਾਨੀਆ ਅਸਲਮ ਦਾ ਜਨਮ ਕਰਾਚੀ ਵਿੱਚ ਹੋਇਆ ਸੀ। ਉਸਨੇ ਜ਼ੇਬ ਬੰਗਸ਼ ਦੇ ਨਾਲ ਜ਼ੇਬ ਅਤੇ ਹਾਨੀਆ ਬੈਂਡ ਵਿੱਚ ਬਹੁਤ ਸਾਰੇ ਸਫਲ ਗੀਤਾਂ 'ਤੇ ਕੰਮ ਕੀਤਾ ਸੀ। ਉਹ ਸੰਗੀਤ ਬਾਰੇ ਹੋਰ ਜਾਣਨ ਲਈ 2014 ਵਿੱਚ ਕੈਨੇਡਾ ਚਲੀ ਗਈ। ਦੋਵਾਂ ਨੇ ਕੋਕ ਸਟੂਡੀਓ ਪਾਕਿਸਤਾਨ ਵਿਖੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਅਤੇ ਇੱਕ ਪ੍ਰਸਿੱਧ ਗੀਤ 'ਚਲ ਦੀਏ' ਪੇਸ਼ ਕੀਤਾ।

- PTC PUNJABI