ਦਲਜੀਤ ਕੌਰ ਦੀ ਸੁਪੋਰਟ 'ਚ ਆਈ ਇਹ ਅਦਾਕਾਰਾ, ਨਿਖਿਲ ਪਟੇਲ ਦੀ ਲਗਾਈ ਕਲਾਸ

Krishma Tanna on Dalljiet Kaur And Nikhil Patel: ਮਸ਼ਹੂਰ ਟੀਵੀ ਅਦਾਕਾਰਾ ਦਲਜੀਤ ਕੌਰ ਇਨ੍ਹੀਂ ਦਿਨੀਂ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਸੁਰਖੀਆਂ ਵਿੱਚ ਹੈ। ਅਦਾਕਾਰਾ ਨੇ ਪਿਛਲੇ ਸਾਲ ਹੀ ਨਿਖਿਲ ਪਟੇਲ ਨਾਲ ਦੂਜਾ ਵਿਆਹ ਕੀਤਾ ਸੀ ਪਰ 10 ਮਹੀਨਿਆਂ ਬਾਅਦ ਹੀ ਵੱਖ ਹੋਣ ਦੀਆਂ ਖਬਰਾਂ ਆਉਣ ਲੱਗੀਆਂ।

ਦਲਜੀਤ ਕੌਰ ਨੇ ਪਤੀ ਨਿਖਿਲ ਪਟੇਲ 'ਤੇ ਐਕਸਟਰਾ ਮੈਰਿਟਲ ਅਫੇਅਰ ਦਾ ਦੋਸ਼ ਲਗਾਇਆ ਹੈ। ਨਿਖਿਲ ਪਟੇਲ ਨੇ ਇਨ੍ਹਾਂ ਦੋਸ਼ਾਂ ਨੂੰ ਸਿਰੇ ਤੋਂ ਨਕਾਰ ਦਿੱਤਾ, ਜਿਸ ਤੋਂ ਬਾਅਦ ਹੁਣ ਦਲਜੀਤ ਕੌਰ ਨੇ ਕਾਨੂੰਨ ਦਾ ਸਹਾਰਾ ਲੈਣਾ ਪਿਆ  ਹੈ। 

View this post on Instagram

A post shared by Karishma K Tanna (@karishmaktanna)

ਹਾਲ ਹੀ ਵਿੱਚ ਦਲਜੀਤ ਕੌਰ ਨਾਲ ਕੰਮ ਕਰ ਚੁੱਕੀ ਕਰਿਸ਼ਮਾ ਤੰਨਾ ਨੇ ਅਭਿਨੇਤਰੀ ਦੇ ਪਤੀ ਨਿਖਿਲ ਪਟੇਲ 'ਤੇ ਪੋਸਟ ਸ਼ੇਅਰ ਕਰਕੇ ਆਪਣਾ ਗੁੱਸਾ ਜ਼ਾਹਰ ਕੀਤਾ ਹੈ।

ਕਰਿਸ਼ਮਾ ਤੰਨਾ ਨੇ ਆਪਣੀ ਇੰਸਟਾਗ੍ਰਾਮ ਪੋਸਟ 'ਚ ਦਲਜੀਤ ਕੌਰ ਦੇ ਪਤੀ ਨਿਖਿਲ ਪਟੇਲ 'ਤੇ ਧੋਖਾਧੜੀ ਦਾ ਦੋਸ਼ ਲਗਾਇਆ ਹੈ। ਅਦਾਕਾਰਾ ਨੇ ਲਿਖਿਆ, ਜੋ ਹੋਇਆ ਉਹ ਨਹੀਂ ਹੋਣਾ ਚਾਹੀਦਾ ਸੀ!!!! ਮੇਰਾ ਪੂਰਾ ਸਹਿਯੋਗ ਮੇਰੀ ਪਿਆਰੀ ਸਹੇਲੀ ਦਲਜੀਤ ਕੌਰ ਨਾਲ ਹੈ। ਇਸ ਵਿਅਕਤੀ ਨੇ ਉਸ ਨਾਲ ਜ਼ੁਲਮ ਕੀਤਾ ਹੈ ਅਤੇ ਮੈਂ ਅੰਤ ਤੱਕ ਉਸ ਨਾਲ ਖੜ੍ਹੀ ਰਹਾਂਗੀ। ਮਜ਼ਬੂਤ ​​ਔਰਤਾਂ ਬਦਲਾ ਨਹੀਂ ਲੈਂਦੀਆਂ, ਉਹ ਅੱਗੇ ਵਧਦੀਆਂ ਹਨ ਅਤੇ ਕਰਮ ਨੂੰ ਕੰਮ ਕਰਨ ਦਿੰਦੀਆਂ ਹਨ।'

ਕਰਿਸ਼ਮਾ ਤੰਨਾ ਦੀ ਇਹ ਪੋਸਟ ਕਾਫੀ ਵਾਇਰਲ ਹੋ ਰਹੀ ਹੈ। ਦਲਜੀਤ ਕੌਰ ਨੇ ਵੀ ਅਦਾਕਾਰਾ ਦੀ ਕਹਾਣੀ ਸਾਂਝੀ ਕਰਦਿਆਂ ਆਪਣਾ ਪ੍ਰਤੀਕਰਮ ਦਿੱਤਾ। ਦਲਜੀਤ ਕੌਰ ਨੇ ਕੈਪਸ਼ਨ 'ਤੇ ਲਿਖਿਆ, 'ਇਕ ਦਿਨ ਇਹ ਕੈਟੀ ਆਵੇਗੀ। ਧੰਨਵਾਦ!' ਹਾਲਾਂਕਿ ਕੁਝ ਘੰਟਿਆਂ ਬਾਅਦ ਦਲਜੀਤ ਨੇ ਇਸ ਪੋਸਟ ਨੂੰ ਸੋਸ਼ਲ ਮੀਡੀਆ ਤੋਂ ਡਿਲੀਟ ਕਰ ਦਿੱਤਾ। ਫਿਲਹਾਲ ਦਲਜੀਤ ਕੌਰ ਇਨ੍ਹੀਂ ਦਿਨੀਂ ਕੀਨੀਆ ਗਈ ਹੋਈ ਹੈ। ਜਿੱਥੇ ਉਸ ਨੇ ਆਪਣੇ ਪਤੀ ਨਿਖਿਲ ਪਟੇਲ ਖਿਲਾਫ ਅਦਾਲਤ 'ਚ ਕੇਸ ਦਾਇਰ ਕੀਤਾ ਹੈ।

View this post on Instagram

A post shared by DALLJIET KAUR ੴ (@kaurdalljiet)

ਹੋਰ ਪੜ੍ਹੋ : ਦਿਓਰ ਈਸ਼ਾਨ ਖੱਟਰ ਨੂੰ ਡਾਂਟਦੀ ਨਜ਼ਰ ਆਈ ਮੀਰਾ  ਰਾਜਪੂਤ, ਵੀਡੀਓ ਹੋਈ ਵਾਇਰਲ

ਕੁਝ ਸਮਾਂ ਪਹਿਲਾਂ ਨਿਖਿਲ ਪਟੇਲ ਨੇ ਦਲਜੀਤ ਕੌਰ ਨੂੰ ਨੋਟਿਸ ਭੇਜ ਕੇ ਉਸ ਦਾ ਸਾਰਾ ਸਮਾਨ ਕੀਨੀਆ ਤੋਂ ਲੈ ਜਾਣ ਲਈ ਕਿਹਾ ਸੀ। ਖੈਰ, ਹੁਣ ਜਿਸ ਤਰ੍ਹਾਂ ਨਾਲ ਦੋਹਾਂ ਵਿਚਾਲੇ ਦਰਾਰ ਦੀਆਂ ਖਬਰਾਂ ਸਾਹਮਣੇ ਆ ਰਹੀਆਂ ਹਨ, ਉਸ ਨੂੰ ਦੇਖਦੇ ਹੋਏ ਇਹ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਦਲਜੀਤ ਜਲਦ ਹੀ ਨਿਖਿਲ ਨੂੰ ਤਲਾਕ ਦੇ ਸਕਦੀ ਹੈ। ਦੱਸ ਦੇਈਏ ਕਿ ਦਲਜੀਤ ਜਨਵਰੀ 2024 'ਚ ਹੀ ਆਪਣੇ ਬੇਟੇ ਨਾਲ ਕੀਨੀਆ ਤੋਂ ਪਰਤੀ ਸੀ।

- PTC PUNJABI