LIVE:
ਮਸਾਬਾ ਗੁਪਤਾ ਤੇ ਸਤਿਆਦੀਪ ਮਿਸ਼ਰਾ ਜਲਦ ਬਨਣ ਵਾਲੇ ਨੇ ਮਾਪੇ, ਕਪਲ ਨੇ ਪੋਸਟ ਰਾਹੀਂ ਫੈਨਜ਼ ਨਾਲ ਸਾਂਝੀ ਕੀਤੀ ਖੁਸ਼ਖਬਰੀ
Masaba Gupta Pregnancy: ਬਾਲੀਵੁੱਡ ਅਦਾਕਾਰਾ ਨੀਨਾ ਗੁਪਤਾ ਜਲਦ ਹੀ ਨਾਨੀ ਬਨਣ ਜਾ ਰਹੀ ਹੈ। ਉਨ੍ਹਾਂ ਦੀ ਧੀ ਅਤੇ ਮਸ਼ਹੂਰ ਫੈਸ਼ਨ ਡਿਜ਼ਾਈਨਰ ਮਸਾਬਾ ਗੁਪਤਾ ਨੇ ਆਪਣੇ ਗਰਭਵਤੀ ਹੋਣ ਦਾ ਐਲਾਨ ਕੀਤਾ ਹੈ। ਮਸਾਬਾ ਨੇ ਸੱਤਿਆਦੀਪ ਮਿਸ਼ਰਾ ਨਾਲ ਇੱਕ ਪਿਆਰੀ ਤਸਵੀਰ ਸ਼ੇਅਰ ਕਰਕੇ ਆਪਣੇ ਪ੍ਰਸ਼ੰਸਕਾਂ ਨੂੰ ਇਹ ਖੁਸ਼ਖਬਰੀ ਦਿੱਤੀ ਹੈ।
ਜਿਵੇਂ ਹੀ ਇਸ ਬਾਰੇ ਜਾਣਕਾਰੀ ਮਿਲੀ, ਉਸ ਦੇ ਦੋਸਤਾਂ ਅਤੇ ਪ੍ਰਸ਼ੰਸਕਾਂ ਵੱਲੋਂ ਪੋਸਟ 'ਤੇ ਵਧਾਈ ਸੰਦੇਸ਼ ਆਉਣੇ ਸ਼ੁਰੂ ਹੋ ਗਏ। ਜਿਸ 'ਚ ਕਰੀਨਾ ਕਪੂਰ, ਸ਼ਹਿਨਾਜ਼ ਗਿੱਲ, ਟਿਸਕਾ ਚੋਪੜਾ, ਪਰਿਣੀਤੀ ਚੋਪੜਾ, ਸਾਕਸ਼ੀ ਧੋਨੀ, ਕ੍ਰਿਤੀ ਸੈਨਨ, ਮਲਾਇਕਾ ਅਰੋੜਾ ਵਰਗੀਆਂ ਮਸ਼ਹੂਰ ਹਸਤੀਆਂ ਦੇ ਨਾਂ ਵੀ ਸ਼ਾਮਲ ਹਨ।
ਮਸਾਬਾ ਗੁਪਤਾ ਨੇ ਆਉਣ ਵਾਲੇ ਬੱਚੇ ਦੀ ਖਬਰ ਸਾਂਝੀ ਕਰਦੇ ਹੋਏ ਮਸਾਬਾ ਨੇ ਆਪਣੇ ਦੋਸਤਾਂ ਤੋਂ ਇਕ ਖਾਸ ਚੀਜ਼ ਦੀ ਮੰਗ ਵੀ ਕੀਤੀ ਹੈ। ਆਪਣੇ ਕੈਪਸ਼ਨ ਵਿੱਚ, ਉਸ ਨੇ ਪਿਆਰ ਅਤੇ ਆਸ਼ੀਰਵਾਦ ਦੇ ਨਾਲ ਸਾਦੇ ਨਮਕੀਨ ਕੇਲੇ ਦੇ ਚਿਪਸ ਵੀ ਮੰਗੇ। ਮਸਾਬਾ ਨੇ ਕੈਪਸ਼ਨ ਵਿੱਚ ਲਿਖਿਆ, “ਹੋਰ ਖਬਰਾਂ ਵਿੱਚ – ਦੋ ਨਿੱਕੇ-ਨਿੱਕੇ ਪੈਰਾਂ ਨਾਲ ਸਾਡੇ ਘਰ ਨਿੱਕਾ ਮਹਿਮਾਨ ਆਉਣ ਵਾਲੇ ਹਨ ! ਕਿਰਪਾ ਕਰਕੇ ਪਿਆਰ, ਆਸ਼ੀਰਵਾਦ ਅਤੇ ਕੇਲੇ ਦੇ ਚਿਪਸ ਭੇਜੋ (ਸਿਰਫ਼ ਸਾਦਾ ਨਮਕ ਵਾਲੇ) #babyonboard #mom&dad”
ਦੱਸ ਦੇਈਏ ਕਿ ਮਸਾਬਾ ਗੁਪਤਾ ਅਤੇ ਸਤਿਆਦੀਪ ਮਿਸ਼ਰਾ ਜਨਵਰੀ 2023 ਵਿੱਚ ਇੱਕ ਦੂਜੇ ਨਾਲ ਵਿਆਹ ਦੇ ਬੰਧਨ ਵਿੱਚ ਬੱਝ ਜਾਣਗੇ। ਉਨ੍ਹਾਂ ਦੇ ਵਿਆਹ 'ਚ ਸਿਰਫ ਕਰੀਬੀ ਦੋਸਤ ਅਤੇ ਪਰਿਵਾਰ ਹੀ ਸ਼ਾਮਲ ਹੋਏ। ਮਸਾਬਾ ਗੁਪਤਾ ਨੇ ਆਪਣੇ ਵਿਆਹ 'ਤੇ ਆਪਣੇ ਨਵੀਨਤਮ ਸੰਗ੍ਰਹਿ ਦੇ ਪਹਿਰਾਵੇ ਪਹਿਨੇ ਸਨ।
ਹੋਰ ਪੜ੍ਹੋ : ਕੀ ਬਾਲੀਵੁੱਡ ਗਾਇਕ ਸੁਖਵਿੰਦਰ ਸਿੰਘ ਨੇ ਚੋਰੀ ਚੁਪਕੇ ਕਰਵਾ ਲਿਆ ਵਿਆਹ ? ਜਾਣੋ ਕੌਣ ਹੈ ਗਾਇਕ ਦੀ ਪਤਨੀ
ਮਸਾਬਾ ਅਤੇ ਸਤਿਆਦੀਪ ਦੀ ਪ੍ਰੇਮ ਕਹਾਣੀ ਦੀ ਗੱਲ ਕਰੀਏ ਤਾਂ ਦੋਵਾਂ ਦੀ ਮੁਲਾਕਾਤ ਨੈੱਟਫਲਿਕਸ ਦੇ ਸ਼ੋਅ ਮਸਾਬਾ ਮਸਾਬਾ ਦੇ ਸੈੱਟ 'ਤੇ ਹੋਈ ਸੀ। ਸਤਿਆਦੀਪ ਨੇ ਸੀਰੀਜ਼ 'ਚ ਮਸਾਬਾ ਦੇ ਸਾਬਕਾ ਬੁਆਏਫ੍ਰੈਂਡ ਦੀ ਭੂਮਿਕਾ ਨਿਭਾਈ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਮਸਾਬਾ ਗੁਪਤਾ ਦਾ ਪਹਿਲਾ ਵਿਆਹ ਮਧੂ ਮੰਤੇਨਾ ਨਾਲ ਹੋਇਆ ਸੀ। ਸਤਿਆਦੀਪ ਮਿਸ਼ਰਾ ਦਾ ਪਹਿਲਾ ਵਿਆਹ ਅਭਿਨੇਤਰੀ ਅਦਿਤੀ ਰਾਓ ਹੈਦਰੀ ਨਾਲ ਹੋਇਆ ਸੀ।
- PTC PUNJABI
