ਕੁੜੀਆਂ ਨੂੰ ਗੰਦੇ ਇਸ਼ਾਰੇ ਕਰਨ ਵਾਲੇ ਮੁੰਡੇ ਆਏ ਕੌਮ ਦੇ ਰਾਖੇ ਗਰੁੱਪ ਦੇ ਅੜਿਕੇ, ਕੁੜੀਆਂ ਤੋਂ ਮੁਆਫੀ ਮੰਗ ਕੇ ਛੁਡਵਾਇਆ ਖਹਿੜਾ, ਵੀਡੀਓ ਵਾਇਰਲ

written by Rupinder Kaler | November 09, 2021

ਹਰਿਆਣਾ ਦੇ ਰਹਿਣ ਵਾਲੇ ਉਹਨਾਂ ਮੁੰਡਿਆਂ ਮੁਆਫੀ ਮੰਗੀ ਹੈ, ਜਿਨ੍ਹਾਂ ਦੀ ਕੁਝ ਦਿਨ ਪਹਿਲਾਂ ਇੱਕ ਵੀਡੀਓ ਸੋਸ਼ਲ ਮੀਡੀਆ ਤੇ ਖੂਬ ਵਾਇਰਲ ਹੋ ਰਹੀ ਸੀ । ਇਸ ਵੀਡੀਓ ਵਿੱਚ ਇਹ ਮੁੰਡੇ ਕੁੜੀਆਂ ਨੂੰ ਗੰਦੇ ਇਸ਼ਾਰੇ ਕਰਦੇ ਹੋਏ ਨਜ਼ਰ ਆ ਰਹੇ ਸਨ । ਪੂਰੇ ਮਾਮਲੇ ਦੀ ਗੱਲ ਕੀਤੀ ਜਾਵੇ ਤਾਂ ਕੁਝ ਦਿਨ ਪਹਿਲਾਂ ਹਰਿਆਣਾ ਦੇ ਕਰਨਾਲ ਦੀ ਇੱਕ ਵੀਡੀਓ ਵਾਇਰਲ ਹੋਈ ਸੀ। ਇਸ ਵਿੱਚ ਮੁੰਡਿਆਂ ਦਾ ਇੱਕ ਗਰੁੱਪ ਆਪਣੀ ਕਾਰ ਵਿੱਚ ਘੁੰਮਦਾ ਦਿਖਾਈ ਦੇ ਰਿਹਾ ਸੀ । ਇਹ ਮੁੰਡੇ ਆਉਂਦੀਆ ਜਾਂਦੀਆਂ ਕੁੜੀਆਂ ਨੂੰ ਦੇਖ ਕੇ ਗੰਦੇ ਇਸ਼ਾਰੇ ਕਰ ਰਹੇ ਸਨ । ਇਹ ਵੀਡੀਓ ਘੁੰਮਦੇ ਘੁੰਮਾਉਂਦੇ ਸਮਾਜ ਸੇਵੀ ਸਾਹੀ ਦਲਜੀਤ ਕੋਲ ਪਹੁੰਚੀ ਤਾਂ ਉਹਨਾਂ ਨੇ ਇਸ ਵੀਡੀਓ ਨੂੰ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸ਼ੇਅਰ ਕਰਦੇ ਹੋਏ ਕੁੜੀਆਂ ਦੀ ਸੁਰੱਖਿਆ ਨੂੰ ਲੈ ਕੇ ਕਈ ਸਵਾਲ ਉਠਾਏ ਸਨ ।

Pic Courtesy: Instagram

ਹੋਰ ਪੜ੍ਹੋ :

ਅਦਾਕਾਰਾ ਪੂਨਮ ਪਾਂਡੇ ਹਸਪਤਾਲ ਵਿੱਚ ਹੋਈ ਭਰਤੀ, ਪਤੀ ਨੂੰ ਪੁਲਿਸ ਨੇ ਕੀਤਾ ਗ੍ਰਿਫਤਾਰ

Pic Courtesy: Instagram

ਜਿਸ ਤੋਂ ਬਾਅਦ ਲੱਖਾਂ ਲੋਕਾਂ ਨੇ ਇਸ ਵੀਡੀਓ ਨੂੰ ਦੇਖਕੇ ਕਮੈਂਟ ਕੀਤੇ ਸਨ । ਇਸ ਤੋਂ ਬਾਅਦ ਇਹ ਵੀਡੀਓ ਕੌਮ ਦੇ ਰਾਖੇ ਗਰੁੱਪ ਕੋਲ ਪਹੁੰਚ ਗਈ । ਗਰੁੱਪ ਨੇ ਇਸ ਵੀਡੀਓ ਨੂੰ ਆਪਣੇ ਇੰਸਟਾਗ੍ਰਾਮ ਸਟੋਰੀ ਅਪਲੋਡ ਕੀਤੀ, ਜਿਸ ਵਿੱਚ ਇਹ ਯਕੀਨ ਦਿਵਾਇਆ ਗਿਆ ਕਿ ਉਹ ਇਹਨਾਂ ਮੁੰਡਿਆਂ ਨੂੰ ਸਬਕ ਸਿਖਾਉਣਗੇ ਜਿਹੜੇ ਕਿਸੇ ਦੀਆਂ ਧੀਆਂ ਭੈਣਾਂ ਨੂੰ ਗੰਦੇ ਇਸ਼ਾਰੇ ਕਰਦੇ ਹਨ ।


ਹੁਣ ਇਹ ਮੁੰਡੇ ਕੌਮ ਦੇ ਰਾਖੇ ਗਰੁੱਪ (Kaum De Rakhe group ) ਦੇ ਅੜਿਕੇ ਆ ਗਏ ਹਨ, ਤੇ ਇਹਨਾਂ ਮੁੰਡਿਆਂ ਨੇ ਆਪਣੀ ਗਲਤੀ ਲਈ ਜਨਤਕ ਤੌਰ ਤੇ ਮੁਆਫੀ ਮੰਗੀ ਹੈ । ਗੁਰੱਪ ਵੱਲੋਂ ਸਾਂਝੀ ਕੀਤੀ ਗਈ ਵੀਡੀਓ ਵਿੱਚ ਗੰਦੇ ਇਸ਼ਾਰੇ ਕਰਨ ਵਾਲਾ ਮੁੰਡਾ ਤੇ ਉਸ ਦਾ ਸਾਥੀ ਆਪਣੇ ਦੁਰਵਿਹਾਰ ਲਈ ਮੁਆਫੀ ਮੰਗ ਰਿਹਾ ਹੈ। ਮੁੰਡਿਆਂ ਨੇ ਜਨਤਾ ਨੂੰ ਭਰੋਸਾ ਦਿਵਾਇਆ ਕਿ ਉਹ ਅਜਿਹੀ ਹਰਕਤ ਕਦੇ ਨਹੀਂ ਦੁਹਰਾਉਣਗੇ ਅਤੇ ਜੋ ਵੀ ਉਹਨਾਂ ਨੇ ਕੀਤਾ ਹੈ ਉਹ ਬਹੁਤ ਸ਼ਰਮਨਾਕ ਸੀ ।

You may also like