ਦੀਪ ਜੰਡੂ ਅਤੇ ਮਿਸ ਪੂਜਾ ਜਲਦ ਇਕੱਠੇ ਲੈ ਕੇ ਆ ਰਹੇ ਨੇ ਕੁਝ ਨਵਾਂ
ਮਿਸ ਪੂਜਾ ਪੰਜਾਬੀ ਸੰਗੀਤ ਜਗਤ 'ਚ ਉਹ ਨਾਮ ਜਿਸ ਨੇ ਲੰਬੇ ਸਮੇਂ ਤੋਂ ਦਰਸ਼ਕਾਂ ਦੇ ਦਿਲਾਂ 'ਚ ਖ਼ਾਸ ਜਗ੍ਹਾ ਬਣਾਈ ਹੋਈ ਹੈ। ਮਿਸ ਪੂਜਾ ਅਨੇਕਾਂ ਹੀ ਹਿੱਟ ਗੀਤ ਦੇ ਚੁੱਕੇ ਹਨ ਅਤੇ ਬਹੁਤ ਸਾਰੇ ਗਾਇਕਾਂ ਤੇ ਸੰਗੀਤਕਾਰਾਂ ਨਾਲ ਕੋਲੈਬੋਰੇਟ ਕਰ ਚੁੱਕੇ ਹਨ। ਹੁਣ ਮਿਸ ਪੂਜਾ ਗਾਇਕ ਅਤੇ ਸੰਗੀਤਕਾਰ ਦੀਪ ਜੰਡੂ ਨਾਲ ਧਮਾਲ ਮਚਾਉਣ ਲਈ ਆ ਰਹੀ ਹੈ ਉਹ ਵੀ ਇੱਕ ਦੋ ਗੀਤਾਂ ਨਾਲ ਨਹੀਂ ਸਗੋਂ ਬਹੁਤ ਜਲਦ ਪੂਰੀ ਐਲਬਮ ਸੁਣਨ ਨੂੰ ਮਿਲੇਗੀ।
View this post on Instagram
Mehndi tan laa layi par hun sauna kiddan ??? #shootdiary #Toronto #Newsong
ਇਸ ਬਾਰੇ ਜਾਣਕਾਰੀ ਦੀਪ ਜੰਡੂ ਨੇ ਇੰਸਟਾਗ੍ਰਾਮ 'ਤੇ ਤਸਵੀਰ ਸਾਂਝੀ ਕਰਕੇ ਦਿੱਤੀ ਹੈ। ਇਸ ਦੀ ਕੈਪਸ਼ਨ 'ਚ ਦੀਪ ਜੰਡੂ ਨੇ ਲਿਖਿਆ,'ਐਲਬਮ ਮੋਡ ਔਨ, ਬਹੁਤ ਜਲਦ ਤਰੀਕ ਦਾ ਐਲਾਨ ਕਰਾਂਗੇ'।ਮਿਸ ਪੂਜਾ ਨੇ ਵੀ ਸੋਸ਼ਲ ਮੀਡੀਆ 'ਤੇ ਇੱਕ ਤਸਵੀਰ ਸਾਂਝੀ ਕਰ ਇਸ ਨਵੇਂ ਗਾਣੇ ਦੇ ਸੰਕੇਤ ਦਿੱਤੇ ਹਨ।
ਹੁਣ ਦੇਖਣਾ ਹੋਵੇਗਾ ਮਿਸ ਪੂਜਾ ਅਤੇ ਦੀਪ ਜੰਡੂ ਕਦੋਂ ਤੱਕ ਦਰਸ਼ਕਾਂ ਲਈ ਨਵਾਂ ਗੀਤ ਲੈ ਕੇ ਆਉਂਦੇ ਹਨ। ਦੀਪ ਜੰਡੂ ਲਈ ਸਾਲ 2019 ਬਹੁਤ ਹੀ ਖ਼ਾਸ ਰਿਹਾ ਹੈ। ਬਹੁਤ ਸਾਰੇ ਗੀਤ ਇਸ ਸਾਲ ਕਈ ਕਲਾਕਾਰਾਂ ਨਾਲ ਮਿਲ ਕੇ ਉਹਨਾਂ ਬਲਾਕਬਸਟਰ ਹਿੱਟ ਦਿੱਤੇ ਹਨ। ਹੁਣ ਮਿਸ ਪੂਜਾ ਨਾਲ ਉਹਨਾਂ ਦੇ ਗੀਤ ਦਾ ਫੈਨਸ ਵੱਲੋਂ ਬੇਸਬਰੀ ਨਾਲ ਇੰਤਜ਼ਾਰ ਕੀਤਾ ਜਾ ਰਿਹਾ ਹੈ।