Fabulous Lifes of Bollywood Wives ਸੀਜ਼ਨ 2 ਦਾ ਟ੍ਰੇਲਰ ਹੋਇਆ ਰਿਲੀਜ਼, ਗੌਰੀ ਖਾਨ ਵੀ ਆਈ ਨਜ਼ਰ

written by Pushp Raj | August 19, 2022

Fabulous Lives Of Bollywood Wives Season 2: ਬਾਲੀਵੁੱਡ ਸਿਤਾਰਿਆਂ ਦੀ ਨਿੱਜ਼ੀ ਜ਼ਿੰਦਗੀ 'ਤੇ ਅਧਾਰਿਤ ਸ਼ੋਅ Fabulous Lifes of Bollywood Wives ਸੀਜ਼ਨ 2 ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਇਸ ਸੀਰੀਜ਼ ਨੂੰ ਕਰਨ ਜੌਹਰ ਅਤੇ ਅਪੂਰਵਾ ਮਹਿਤਾ ਨੇ ਪ੍ਰੋਡਿਊਸ ਕੀਤਾ ਹੈ।

Image Source: Instagram

ਦੱਸ ਦਈਏ ਕਿ ਇਹ ਸੀਰੀਜ਼ ਬਾਲੀਵੁੱਡ ਹਸਤੀਆਂ ਦੀ ਨਿੱਜੀ ਜ਼ਿੰਦਗੀ 'ਤੇ ਰੌਸ਼ਨੀ ਪਾਉਂਦੀ ਹੈ। ਸੀਰੀਜ਼ 'ਚ ਦੇਖਿਆ ਜਾਵੇਗਾ ਕਿ ਪਰਦੇ 'ਤੇ ਚਮਕਦੇ ਨਜ਼ਰ ਆਉਣ ਵਾਲੇ ਸਿਤਾਰਿਆਂ ਦੀ ਜ਼ਿੰਦਗੀ ਅਸਲ 'ਚ ਕਿੰਨੀ ਸੱਚੀ ਹੈ।

Fabulous Lifes of Bollywood Wives ਸੀਜ਼ਨ 2 ਦਾ ਟ੍ਰੇਲਰ ਦੇ ਵਿੱਚ ਕੀ ਹੈ ਖ਼ਾਸ
ਇਸ ਸੀਰੀਜ਼ ਦੀ ਮੁੱਖ ਸਟਾਰਕਾਸਟ ਬਾਲੀਵੁੱਡ ਅਭਿਨੇਤਾ ਚੰਕੀ ਪਾਂਡੇ ਦੀ ਪਤਨੀ ਭਾਵਨਾ ਪਾਂਡੇ, ਸੰਜੇ ਕਪੂਰ ਦੀ ਪਤਨੀ ਮਹੀਪ ਕਪੂਰ, ਅਭਿਨੇਤਾ ਸਮੀਰ ਸੋਨੀ ਦੀ ਪਤਨੀ ਨੀਲਮ ਕੋਠਾਰੀ ਅਤੇ ਸੁਹੇਲ ਖਾਨ ਦੀ ਸਾਬਕਾ ਪਤਨੀ ਸੀਮਾ ਸਜਦੇਹ ਹਨ।

Image Source: Instagram

ਟ੍ਰੇਲਰ ਦੀ ਸ਼ੁਰੂਆਤ ਦੇ ਵਿੱਚ ਚੰਕੀ ਪਾਂਡੇ ਦੀ ਪਤਨੀ ਭਾਵਨਾ ਪਾਂਡੇ ਨਜ਼ਰ ਆਉਦੀ ਹੈ ਅਤੇ ਫਿਰ ਅਗਲੇ ਹੀ ਪਲ ਬਾਲੀਵੁੱਡ ਸਟਾਰਸ ਦੀਆਂ ਚਾਰੇ ਪਤਨੀਆਂ ਸਾਈਕਲ ਚਲਾਉਂਦੀਆਂ ਨਜ਼ਰ ਆਉਂਦੀਆਂ ਹਨ। ਟ੍ਰੇਲਰ 'ਚ ਜੈਕੀ ਸ਼ਰਾਫ, ਅਰਜੁਨ ਕਪੂਰ, ਚੰਕੀ ਪਾਂਡੇ, ਸੰਜੇ ਕਪੂਰ, ਸਮੀਰ ਸੋਨੀ ਅਤੇ ਸ਼ਾਹਰੁਖ ਖਾਨ ਦੀ ਪਤਨੀ ਗੌਰੀ ਖਾਨ ਵੀ ਨਜ਼ਰ ਆ ਰਹੇ ਹਨ।

ਇਸ ਕਹਾਣੀ ਵਿੱਚ ਇਨ੍ਹਾਂ ਬਾਲੀਵੁੱਡ ਪਤਨੀਆਂ ਦੇ ਜੀਵਨ ਵਿੱਚ ਚਾਰ ਨਵੇਂ ਕ੍ਰਸ਼ਾਂ ਦੀ ਐਂਟਰੀ ਹੁੰਦੀ ਹੈ, ਜਿਸ ਵਿੱਚ ਰੈਪਰ ਬਾਦਸ਼ਾਹ, ਅਰਜੁਨ ਕਪੂਰ, ਜੈਕੀ ਸ਼ਰਾਫ, ਬੌਬੀ ਦਿਓਲ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਫਿਲਮ ਨਿਰਮਾਤਾ ਜ਼ੋਇਆ ਅਖਤਰ ਅਤੇ ਅਦਾਕਾਰਾ ਅਨੰਨਿਆ ਪਾਂਡੇ ਵੀ ਸ਼ੋਅ 'ਚ ਨਜ਼ਰ ਆ ਰਹੀਆਂ ਹਨ। ਕਰਨ ਜੌਹਰ ਇਸ ਪੂਰੀ ਕਹਾਣੀ 'ਤੇ ਚਰਚਾ ਕਰ ਰਹੇ ਹਨ।

ਇਹ ਸੀਰੀਜ਼ OTT ਪਲੇਟਫਾਰਮ Netflix 'ਤੇ 2 ਸਤੰਬਰ ਨੂੰ ਰਿਲੀਜ਼ ਹੋ ਰਹੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸੀਰੀਜ਼ ਦਾ ਪਹਿਲਾ ਸੀਜ਼ਨ ਸਾਲ 2020 ਵਿੱਚ ਰਿਲੀਜ਼ ਹੋਇਆ ਸੀ।

Image Source: Instagram

ਹੋਰ ਪੜ੍ਹੋ: 'ਦਿ ਕਪਿਲ ਸ਼ਰਮਾ ਸ਼ੋਅ' 'ਚ ਮੁੜ ਹੋਵੇਗੀ ਦਾਦੀ ਦੀ ਵਾਪਸੀ, 5 ਸਾਲ ਬਾਅਦ ਵਾਪਸੀ ਕਰਨ ਜਾ ਰਹੇ ਨੇ ਅਲੀ ਅਸਗਰ

ਤੁਹਾਨੂੰ ਦੱਸ ਦੇਈਏ ਕਿ ਇਸ ਸੀਰੀਜ਼ ਦਾ ਮਕਸਦ ਬਾਲੀਵੁੱਡ ਸੈਲੇਬਸ ਦੀਆਂ ਪਤਨੀਆਂ ਦੇ ਜੀਵਨ 'ਤੇ ਰੌਸ਼ਨੀ ਪਾਉਣਾ ਹੈ। ਲੜੀ ਦਰਸਾਉਂਦੀ ਹੈ ਕਿ ਉਹ ਆਪਣੇ ਕਰੀਅਰ ਅਤੇ ਘਰ ਦਾ ਪ੍ਰਬੰਧਨ ਕਿਵੇਂ ਕਰਦੀ ਹੈ। ਇਸ ਦੇ ਨਾਲ ਹੀ ਇਨ੍ਹਾਂ ਸੈਲੇਬਸ ਦੀ ਪਤਨੀ ਦੀ ਲਾਈਫ ਸਟਾਈਲ ਨੂੰ ਵੀ ਹਾਈਲਾਈਟ ਕੀਤਾ ਗਿਆ ਹੈ

You may also like