ਗਾਣਾ ਗਾਉਣ ਦੇ ਮਾਮਲੇ ’ਚ ਹੁਣ ਇਹ ਔਰਤ ਰਾਨੂੰ ਮੰਡਲ ਨੂੰ ਦੇ ਰਹੀ ਹੈ ਟੱਕਰ, ਸੋਸ਼ਲ ਮੀਡੀਆ ’ਤੇ ਲੱਖਾਂ ’ਚ ਹੋਏ ਵੀਵਰਜ਼

ਤੁਸੀਂ ਸਾਰਿਆਂ ਨੇ ਦੇਖਿਆ ਹੈ ਕਿ ਕਿਸ ਤਰ੍ਹਾਂ ਰਾਨੂੰ ਮੰਡਲ ਦੀ ਇੱਕ ਵੀਡੀਓ ਵਾਇਰਲ ਹੋਈ ਸੀ, ਤੇ ਦੇਖਦੇ ਹੀ ਦੇਖਦੇ ਉਹ ਬਾਲੀਵੁੱਡ ਦੀ ਮਸ਼ਹੂਰ ਗਾਇਕਾ ਬਣ ਗਈ । ਹਿਮੇਸ਼ ਰੇਸ਼ਮੀਆ ਨੇ ਉਸ ਨੂੰ ਮੁੰਬਈ ਬੁਲਾਇਆ ਤੇ ਆਪਣੀ ਫ਼ਿਲਮ ਵਿੱਚ ਗਾਣਾ ਗਾਉਣ ਦਾ ਮੌਕਾ ਦਿੱਤਾ । ਹੁਣ ਇਸੇ ਤਰ੍ਹਾਂ ਦੀ ਇੱਕ ਹੋਰ ਵੀਡੀਓ ਵਾਇਰਲ ਹੋ ਰਹੀ ਹੈ । ਜਿਸ ਵਿੱਚ ਇੱਕ ਔਰਤ ਗਾਣਾ ਗਾ ਰਹੀ ਹੈ ।

ਇਸ ਵੀਡੀਓ ਵਿੱਚ ਉਹ ਗਾਣੇ ਦੇ ਨਾਲ ਨਾਲ ਚੁੱਲਹੇ ਨੂੰ ਮਿੱਟੀ ਵੀ ਲਗਾ ਰਹੀ ਹੈ । ਇਸ ਵੀਡੀਓ ਨੂੰ ਇੱਕ ਸਖਸ਼ ਨੇ ਆਪਣੇ ਫੇਸਬੁੱਕ ਪੇਜ ਤੇ ਸ਼ੇਅਰ ਕੀਤਾ ਹੈ । ਇਸ ਤੋਂ ਇਲਾਵਾ ਇਸ ਔਰਤ ਦੀ ਇੱਕ ਹੋਰ ਵੀਡੀਓ ਵੀ ਹੈ, ਜਿਸ ਵਿੱਚ ਉਹ ਗਾਣਾ ਗਾ ਰਹੀ ਹੈ । ਸ਼ੇਅਰ ਕੀਤੀਆਂ ਗਈਆਂ ਇਹਨਾਂ ਵੀਡੀਓ ਵਿੱਚ ਇਸ ਔਰਤ ਨੇ ਬਹੁਤ ਹੀ ਸ਼ਾਨਦਾਰ ਤਰੀਕੇ ਨਾਲ ਗਾਣਾ ਗਾਇਆ ਹੈ ।

ਲੋਕ ਇਸ ਵੀਡੀਓ ਨੂੰ ਕਾਫੀ ਪਸੰਦ ਤੇ ਸ਼ੇਅਰ ਕਰ ਰਹੇ ਹਨ । ਇੱਥੋਂ ਤੱਕ ਕਿ ਪਾਕਿਸਤਾਨ ਦੇ ਲੋਕਾਂ ਨੇ ਵੀ ਇਸ ਵੀਡੀਓ ਨੂੰ ਲਾਈਕ ਤੇ ਸ਼ੇਅਰ ਕੀਤਾ ਹੈ । ਇਸ ਔਰਤ ਦਾ ਨਾਂਅ ਫਰਮਾਨੀ ਨਾਜ਼ ਹੈ, ਤੇ ਉਹ ਉੱਤਰ ਪ੍ਰਦੇਸ਼ ਦੀ ਰਹਿਣ ਵਾਲੀ ਹੈ ।ਔਰਤ ਮੁਤਾਬਿਕ ਉਸ ਨੇ ਗਾਣੇ ਗਾਉਣਾ ਕਿਸੇ ਤੋਂ ਸਿੱਖਿਆ ਨਹੀਂ । ਉਹ ਅਕਸਰ ਰੇਡੀਓ ਤੇ ਗਾਣੇ ਸੁਣਦੀ ਸੀ ਤੇ ਬਚਪਨ ਤੋਂ ਹੀ ਉਹ ਗਾਣੇ ਗਾਉਂਦੀ ਆ ਰਹੀ ਹੈ ।