ਗਾਇਕ ਗੁਰਨਾਮ ਭੁੱਲਰ ਨੇ ਆਪਣੇ ਪ੍ਰਸ਼ੰਸਕ ਦੇ ਘਰ ਪਹੁੰਚ ਕੇ ਗਿਲੇ ਸ਼ਿਕਵੇ ਕੀਤੇ ਦੂਰ
ਕੁਝ ਦਿਨ ਪਹਿਲਾਂ ਕਸਬਾ ਭਿੱਖੀਵਿੰਡ ਵਿੱਚ ਇੱਕ ਮੇਲੇ ਦੌਰਾਨ ਗਾਇਕ ਗੁਰਨਾਮ ਭੁੱਲਰ ਦਾ ਅਖਾੜਾ ਲੱਗਿਆ ਸੀ । ਇਸ ਦੌਰਾਨ ਉਹਨਾਂ ਦਾ ਇੱਕ ਪ੍ਰਸ਼ੰਸਕ ਉਹਨਾਂ ਨੂੰ ਇੱਕ ਫੋਟੋ ਗਿਫਟ ਦੇਣ ਲਈ ਆਇਆ ਸੀ । ਪਰ ਕੁਝ ਸ਼ਰਾਰਤੀ ਅਨਸਰਾਂ ਨੇ ਇਸ ਸਭ ਦੀ ਵੀਡੀਓ ਬਣਾਕੇ ਸੋਸ਼ਲ ਮੀਡੀਆ ਤੇ ਵਾਇਰਲ ਕਰ ਦਿੱਤੀ ਸੀ । ਇਸ ਵੀਡੀਓ ਦੇ ਰਾਹੀਂ ਸ਼ਰਾਰਤੀ ਅਨਸਰਾਂ ਨੇ ਭੁੱਲਰ ਦੀ ਛਵੀ ਨੂੰ ਖਰਾਬ ਕਰਨ ਦੀ ਕੋਸ਼ਿਸ ਕੀਤੀ ਸੀ ।
https://www.instagram.com/p/B2jPb2_AcTJ/
ਇਸ ਮਾਮਲੇ ਨੂੰ ਵੱਧਦਾ ਦੇਖ ਭੁੱਲਰ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਤੋਂ ਲਾਈਵ ਹੋ ਕੇ ਇਸ ਮਾਮਲੇ ਨੂੰ ਸੁਲਝਾ ਦਿੱਤਾ ਸੀ । ਪਰ ਹੁਣ ਗੁਰਨਾਮ ਭੁੱਲਰ ਤੇ ਗਾਇਕ ਸੁਰਜੀਤ ਭੁੱਲਰ ਖੁਦ ਵੀਡੀਓ ਵਾਲੇ ਮੁੰਡੇ ਰਾਜੂ ਬੇਦੀ ਦੇ ਘਰ ਪਹੁੰਚੇ । ਇਸ ਮੁਲਾਕਾਤ ਦੌਰਾਨ ਗੁਰਨਾਮ ਭੁੱਲਰ ਨੇ ਰਾਜੂ ਬੇਦੀ ਦੇ ਜੋ ਵੀ ਗਿਲੇ ਸ਼ਿਕਵੇ ਸਨ ਉਹ ਦੂਰ ਕੀਤੇ ।
ਇਸ ਮੌਕੇ ਰਾਜੂ ਬੇਦੀ ਕਾਫੀ ਖੁਸ ਨਜ਼ਰ ਆਇਆ ਕਿਉਂਕਿ ਜਿਸ ਗਾਇਕ ਦਾ ਉਹ ਕੱਟੜ ਫੈਨ ਹੈ ਉਹ ਖੁਦ ਉਸ ਨੂੰ ਮਿਲਣ ਲਈ ਆਇਆ ਸੀ । ਗੁਰਨਾਮ ਭੁੱਲਰ ਦੀ ਇਸ ਹਲੀਮੀ ਤੇ ਨਿਮਰਤਾ ਨੇ ਉਹਨਾਂ ਦੇ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤ ਲਿਆ ਹੈ ।
https://www.instagram.com/p/B2314bpnlFu/?igshid=1ceyw962pgf7b