Hollywood movie 'Avatar 2' Review: ਜੇਮਜ਼ ਕੈਮਰਨ ਆਪਣੀਆਂ ਫਿਲਮਾਂ ਰਾਹੀਂ ਸਿਨੇਮੈਟਿਕ ਸੰਸਾਰ ਦੀ ਸਿਰਜਣਾ ਕਰਨ ਲਈ ਮਸ਼ਹੂਰ ਹਨ। ਜੇਮਜ਼ ਕੈਮਰਨ ਦੀ ਡਾਇਰੈਕਸ਼ਨ ਅਜਿਹੀ ਹੈ ਕਿ ਉਹ ਵਿਲੱਖਣ ਕਹਾਣੀਆਂ ਨੂੰ ਆਪਣੀ ਸ਼ਾਨਦਾਰ ਸ਼ੈਲੀ ਵਿੱਚ ਬਿਆਨ ਕਰਦੇ ਹਨ। ਅਜਿਹੀ ਹੀ ਇੱਕ ਹੋਰ ਫ਼ਿਲਮ ਹੈ ‘ਅਵਤਾਰ 2’ ਜੋ ਕਿ ਹਾਲ ਹੀ ਵਿੱਚ ਰਿਲੀਜ਼ ਹੋਈ ਹੈ। ਦਰਸ਼ਕਾਂ ਨੂੰ ਇਹ ਫ਼ਿਲਮ ਬੇਹੱਦ ਪਸੰਦ ਆ ਰਹੀ ਹੈ।
Image Source : Instagramਫ਼ਿਲਮ 'ਅਵਤਾਰ- ਦਿ ਵੇਅ ਆਫ ਵਾਟਰ' ਇਕ ਅਜਿਹੀ ਫ਼ਿਲਮ ਹੈ, ਜਿਸ ਨੂੰ ਦੇਖ ਕੇ ਤੁਹਾਡੀਆਂ ਅੱਖਾਂ 'ਚੋਂ ਹੰਝੂ ਆ ਜਾਣਗੇ। ਹਾਲਾਂਕਿ ਜੇਮਸ ਕੈਮਰਨ ਨੇ 13 ਸਾਲ ਪਹਿਲਾਂ ਆਪਣੀ ਹੀ ਫ਼ਿਲਮ 'ਅਵਤਾਰ' ਰਾਹੀਂ ਪਾਂਡੋਰਾ ਦੀ ਅਨੋਖੀ ਦੁਨੀਆ ਨੂੰ ਸਿਨੇਮੇ ਦੇ ਪਰਦੇ 'ਤੇ ਬਹੁਤ ਹੀ ਵੱਖਰੇ ਤਰੀਕੇ ਨਾਲ ਦਿਖਾਉਣ ਦੀ ਕੋਸ਼ਿਸ਼ ਕੀਤੀ ਸੀ, ਪਰ ਇਸ ਵਾਰ ਇਹ ਲੜਾਈ ਪਾਣੀ ਦੇ ਅੰਦਰ ਹੀ ਲੜੀ ਗਈ ਹੈ, ਜੋ ਹੈਰਾਨੀਜਨਕ ਤੌਰ 'ਤੇ ਪੇਸ਼ ਕੀਤੀ ਗਈ ਹੈ।
Image Source : Instagramਫ਼ਿਲਮ ‘ਅਵਤਾਰ 2’ ਦਾ ਹਰ ਸੀਨ, ਹਰ ਫਰੇਮ ਅਜਿਹੀ ਖ਼ੂਬਸੂਰਤੀ ਨਾਲ ਬਣਾਇਆ ਗਿਆ ਹੈ ਕਿ ਦਰਸ਼ਕ ਹੈਰਾਨ ਹੋਏ ਬਿਨਾਂ ਨਹੀਂ ਰਹਿ ਸਕਣਗੇ ਅਤੇ ਫ਼ਿਲਮ ਦੇਖਦੇ ਸਮੇਂ ਇਹੀ ਖ਼ਿਆਲ ਰਹੇਗਾ ਕਿ ਆਖ਼ਿਰਕਾਰ ਜੇਮਸ ਹਾਉ ਕੈਮਰਨ ਨੇ ਪੈਂਡੋਰਾ ਨਾਂਅ ਦੀ ਦੁਨੀਆ ਨੂੰ ਇੱਕ ਵਾਰ ਫਿਰ ਕਿਵੇਂ ਸੋਚਿਆ।
ਜਿਵੇਂ ਕਿ ਫ਼ਿਲਮ ਦੇ ਨਾਂ 'ਅਵਤਾਰ- ਦਿ ਵੇਅ ਆਫ ਵਾਟਰ' ਤੋਂ ਹੀ ਪਤਾ ਲੱਗਦਾ ਹੈ ਕਿ ਫ਼ਿਲਮ ਦੀ ਕਹਾਣੀ ਦਾ ਵੱਡਾ ਹਿੱਸਾ ਪਾਣੀ ਦੇ ਵਿਚਕਾਰ ਅਤੇ ਪਾਣੀ ਦੇ ਹੇਠਾਂ ਸ਼ੂਟ ਕੀਤਾ ਗਿਆ ਹੈ। ਹਾਲਾਂਕਿ ਹਾਲੀਵੁੱਡ ਦੀਆਂ ਅਜਿਹੀਆਂ ਕਈ ਫਿਲਮਾਂ ਹਨ, ਜਿਨ੍ਹਾਂ 'ਚ ਅਸੀਂ ਸਾਹ ਰੋਕ ਦੇਣ ਵਾਲੇ ਅੰਡਰਵਾਟਰ ਸੀਨ ਦੇਖੇ ਹਨ ਪਰ 'ਅਵਤਾਰ - ਦਿ ਵੇ ਆਫ ਵਾਟਰ' ਦੀ ਗੱਲ ਕੁਝ ਹੋਰ ਹੈ। ਫ਼ਿਲਮ ਦੇ ਅੰਡਰਵਾਟਰ ਅਤੇ ਸਾਰੇ ਐਕਸ਼ਨ ਸੀਨ ਸ਼ਾਨਦਾਰ ਹਨ, ਜਿਨ੍ਹਾਂ ਨੂੰ ਪਰਦੇ 'ਤੇ ਬਹੁਤ ਹੀ ਸ਼ਾਨਦਾਰ ਤਰੀਕੇ ਨਾਲ ਪੇਸ਼ ਕੀਤਾ ਗਿਆ ਹੈ।
Image Source : Instagramਜੈਕ ਸਰਲੀ ਤੋਂ ਬਦਲਾ ਲੈਣ ਦੀ ਇਸ ਕਹਾਣੀ ਵਿਚ ਮਨੁੱਖੀ ਜਜ਼ਬਾਤ ਨੂੰ ਵੀ ਬਹੁਤ ਮਹੱਤਵ ਦਿੱਤਾ ਗਿਆ ਹੈ, ਜੋ ਬਾਗੀ ਹੋ ਕੇ ਪਾਂਡੋਰਾ 'ਚ ਵੱਸ ਗਿਆ ਅਤੇ ਬਾਅਦ 'ਚ ਉਸ ਨੇ ਪਾਂਡੋਰਾ 'ਤੇ ਕਬਜ਼ਾ ਕਰ ਲਿਆ। ਜੇਕਰ ਦੇਖਿਆ ਜਾਵੇ ਤਾਂ ਪੂਰੀ ਫ਼ਿਲਮ ਜੈਕ ਸੁਲੀ ਅਤੇ ਉਸ ਦੇ ਪਰਿਵਾਰ ਦੇ ਆਲੇ-ਦੁਆਲੇ ਘੁੰਮਦੀ ਹੈ, ਜਿਸ ਨੂੰ ਨਿਰਦੇਸ਼ਕ ਜੇਮਸ ਕੈਮਰਨ ਨੇ ਬਹੁਤ ਭਾਵੁਕਤਾ ਨਾਲ ਬਿਆਨ ਕੀਤਾ ਹੈ।
View this post on Instagram
