ਫਿਲਮ ਧਾਕੜ ਦੇ ਟ੍ਰੇਲਰ 'ਚ ਨਜ਼ਰ ਆਇਆ ਕੰਗਨਾ ਰਣੌਤ ਦਾ ਦਮਦਾਰ ਲੁੱਕ, ਵੇਖੋ ਵੀਡੀਓ

ਬਾਲੀਵੁੱਡ ਦੀ ਕੁਈਨ ਕੰਗਨਾ ਰਣੌਤ ਜਲਦ ਹੀ ਆਪਣੀ ਫਿਲਮ 'ਧਾਕੜ' ਨਾਲ ਵੱਡੇ ਪਰਦੇ 'ਤੇ ਦਸਤਕ ਦੇਣ ਜਾ ਰਹੀ ਹੈ। ਫਿਲਮ ਦਾ ਟੀਜ਼ਰ ਕੁਝ ਸਮਾਂ ਪਹਿਲਾਂ ਹੀ ਰਿਲੀਜ਼ ਹੋਇਆ ਹੈ, ਜਿਸ ਨੂੰ ਪ੍ਰਸ਼ੰਸਕਾਂ ਵਲੋਂ ਕਾਫੀ ਪਸੰਦ ਕੀਤਾ ਗਿਆ ਸੀ। ਇਸ ਫਿਲਮ 'ਚ ਕੰਗਨਾ ਸੱਤ ਵੱਖ-ਵੱਖ ਰੂਪਾਂ 'ਚ ਨਜ਼ਰ ਆਵੇਗੀ। ਅੱਜ ਫਿਲਮ ਦਾ ਟ੍ਰੇਲਰ ਰਿਲੀਜ਼ ਹੋ ਚੁੱਕਾ ਹੈ।

Image Source: Youtube

ਫਿਲਮ ਮੇਕਰਸ ਨੇ ਦਰਸ਼ਕਾਂ ਨੂੰ ਸਰਪ੍ਰਾਈਜ਼ ਦਿੰਦੇ ਹੋਏ ਇਸ ਫਿਲਮ ਦਾ ਟ੍ਰੇਲਰ ਰਿਲੀਜ਼ ਕਰ ਦਿੱਤਾ ਹੈ। ਇਸ ਫਿਲਮ ਵਿੱਚ ਕੰਗਨਾ ਰਣੌਤ ਬਹੁਤ ਹੀ ਦਮਦਾਰ ਲੁੱਕ ਵਿੱਚ ਅਤੇ ਐਕਸ਼ਨ ਸੀਨ ਕਰਦੀ ਹੋਈ ਨਜ਼ਰ ਆਵੇਗੀ।

Image Source: instagram

ਬੀਤੇ ਦਿਨ ਕੰਗਨਾ ਰਣੌਤ ਨੇ ਇਸ ਫਿਲਮ ਦੇ ਟ੍ਰੇਲਰ ਰਿਲੀਜ਼ ਦੀ ਜਾਣਕਾਰੀ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ਉੱਤੇ ਦਿੱਤੀ ਸੀ। ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਕੰਗਨਾ ਨੇ ਲਿਖਿਆ, " ਅਜਿਹੀ ਤਬਾਹੀ ਉਦੋਂ ਹੁੰਦੀ ਹੈ ਜਦੋਂ ਕੋਈ ਬਵੰਡਰ ਜਵਾਲਾਮੁਖੀ ਨਾਲ ਮਿਲਦਾ ਹੈ। ਇਹ ਆਹਮਣਾ-ਸਾਹਮਣਾ ਬੇਹੱਦ ਭਿਆਨਕ ਹੋਵੇਗਾ। ਤੁਸੀਂ ਕਿਸ ਦਾ ਸਾਥ ਦਵੋਂਗੇ। ਜਲਦ ਹੀ ਤੁਹਾਡੇ ਸਭ ਦੇ ਰੁਬਰੂ ਹੋਵੇਗਾ "ਧਾਕੜ" ਦਾ ਟ੍ਰੇਲਰ। 20 ਮਈ ਨੂੰ ਸਿਨੇਮਾਘਰਾਂ ਵਿੱਚ ਏਜੰਟ ਅਗਨੀ ਅਤੇ ਰੁਦਰਵੀਰ ਨੂੰ ਮਿਲਣ ਲਈ ਤਿਆਰ ਹੋ ਜਾਓ। "

ਹੋਰ ਪੜ੍ਹੋ : ਗ੍ਰੈਮੀ ਅਵਾਰਡਸ ਦੌਰਾਨ ਲਤਾ ਮੰਗੇਸ਼ਕਰ ਨੂੰ ਸ਼ਰਧਾਂਜਲੀ ਨਾਂ ਦੇਣ 'ਤੇ ਭੜਕੀ ਕੰਗਨਾ ਰਣੌਤ, 'ਲੋਕਲ ਅਵਾਰਡ' ਨੂੰ ਬਾਈਕਾਟ ਕਰਨ ਦੀ ਆਖੀ ਗੱਲ

ਰਜਨੀਸ਼ ਰਾਜੀ ਘਈ ਦੇ ਨਿਰਦੇਸ਼ਨ 'ਚ ਬਣ ਰਹੀ ਇਸ ਫਿਲਮ 'ਚ ਕੰਗਨਾ ਅਗਨੀ ਨਾਂ ਦੇ ਜਾਸੂਸ ਏਜੰਟ ਦਾ ਕਿਰਦਾਰ ਨਿਭਾਅ ਰਹੀ ਹੈ। ਕੰਗਨਾ ਦੇ ਫੈਨਜ਼ ਆਪਣੀ ਇਸ ਪੰਗਾ ਗਰਲ ਦਾ ਧਾਕੜ ਅੰਦਾਜ਼ ਵੇਖਣ ਲਈ ਬਹੁਤ ਜਿਆਦਾ ਉਤਸ਼ਾਹਿਤ ਹਨ।

Image Source: instagram

ਫਿਲਮ ਦਾ ਟੀਜ਼ਰ ਸਾਹਮਣੇ ਆਉਣ ਤੋਂ ਬਾਅਦ ਹੀ ਪਤਾ ਲੱਗਾ ਸੀ ਕਿ ਕੰਗਨਾ ਇਸ 'ਚ ਜ਼ਬਰਦਸਤ ਸਟੰਟ ਅਤੇ ਐਕਸ਼ਨ ਸੀਨ ਕਰਦੀ ਨਜ਼ਰ ਆਵੇਗੀ। ਕੰਗਨਾ ਤੋਂ ਇਲਾਵਾ ਫਿਲਮ 'ਚ ਅਰਜੁਨ ਰਾਮਪਾਲ ਅਤੇ ਦਿਵਿਆ ਦੱਤਾ ਵੀ ਮੁੱਖ ਭੂਮਿਕਾਵਾਂ 'ਚ ਹਨ।