ਸ਼ਤਰੂਘਨ ਸਿਨ੍ਹਾ ਨੇ ਆਪਣੀ ਗਰਲਫੈ੍ਰੱਡ ਪੂਨਮ ਲਈ ਇਸ ਅਦਾਕਾਰਾ ਨੂੰ ਦਿੱਤਾ ਸੀ ਵੱਡਾ ਧੋਖਾ

ਬਾਲੀਵੁੱਡ ਦੇ ਬਿਹਾਰੀ ਬਾਬੂ ਯਾਨੀ ਸ਼ਤਰੂਘਨ ਸਿਨ੍ਹਾ ਜਿੱਥੇ ਆਪਣੀਆਂ ਫ਼ਿਲਮਾਂ ਕਰਕੇ ਜਾਣੇ ਜਾਂਦੇ ਹਨ ਉੱਥੇ ਉਹ ਆਪਣੇ ਪ੍ਰੇਮ ਪ੍ਰਸੰਗ ਕਰਕੇ ਵੀ ਕਾਫੀ ਚਰਚਾ ਵਿੱਚ ਰਹੇ ਹਨ । ਉਹਨਾਂ ਦਾ ਅਫੇਅਰ ਉਸ ਸਮੇਂ ਦੀ ਸਭ ਤੋਂ ਖੂਬਸੁਰਤ ਅਦਾਕਾਰਾ ਰੀਨਾ ਰਾਏ ਨਾਲ ਰਿਹਾ ਹੈ । ਰੀਨਾ ਰਾਏ ਨੇ 70 ਤੇ 80 ਦੇ ਦਹਾਕੇ ਵਿੱਚ ਕਈ ਹਿੱਟ ਫ਼ਿਲਮਾਂ ਦਿੱਤੀਆਂ ਹਨ । ਰੀਨਾ ਰਾਏ ਇੱਕ ਮੁਸਲਿਮ ਪਿਤਾ ਤੇ ਹਿੰਦੂ ਮਾਂ ਦੀ ਔਲਾਦ ਸੀ । ਪਰ ਉਹਨਾਂ ਦੀ ਜ਼ਿੰਦਗੀ ਵਿੱਚ ਇੱਕ ਮੋੜ ਅਜਿਹਾ ਵੀ ਆਇਆ ਜਦੋਂ ਉਹਨਾਂ ਦੇ ਪਿਤਾ ਉਹਨਾਂ ਦੀ ਮਾਂ ਤੇ ਚਾਰ ਬੱਚਿਆਂ ਨੂੰ ਛੱਡ ਕੇ ਚਲੇ ਗਏ । ਇਸ ਤਰ੍ਹਾਂ ਦੇ ਹਲਾਤਾਂ ਵਿੱਚ ਰੀਨਾ ਘਰ ਦੇ ਗੁਜ਼ਾਰੇ ਲਈ ਹੋਟਲਾਂ ਵਿੱਚ ਕੈਬਰੇ ਕਰਦੀ ਸੀ ।

ਪਰ ਉਹਨਾਂ ਦੀ ਜ਼ਿੰਦਗੀ ਨੇ ਉਦੋਂ ਵੱਡਾ ਮੋੜ ਲਿਆ ਜਦੋਂ ਉਹਨਾਂ ਨੂੰ ਫ਼ਿਲਮਾਂ ਵਿੱਚ ਕੰਮ ਮਿਲਣ ਲੱਗਾ । ਰੀਨਾ ਨੇ ਆਪਣੇ ਫ਼ਿਲਮੀ ਕਰੀਅਰ ਦੀ ਸ਼ੁਰੂਆਤ ਬੀ ਆਰ ਇਸ਼ਾਰਾ ਦੀ ਫ਼ਿਲਮ ‘ਨਈਂ ਦੁਨੀਆ ਨਏ ਲੋਗ’ ਨਾਲ ਕੀਤੀ ਸੀ । ਇਸ ਸਭ ਦੇ ਚਲਦੇ ਰੀਨਾ ਰਾਏ ਨੇ ਸਭ ਤੋਂ ਪਹਿਲਾਂ 1973 ਵਿੱਚ ਸ਼ਤਰੂਘਨ ਸਿਨ੍ਹਾ ਨਾਲ ਫ਼ਿਲਮ ਕੀਤੀ ਸੀ ਪਰ ਇਹ ਫ਼ਿਲਮ ਫਲਾਪ ਰਹੀ ।

ਪਰ ਇਸ ਜੋੜੀ ਨੂੰ ਪਹਿਚਾਣ ਮਿਲੀ ਕਾਲੀਚਰਨ ਫ਼ਿਲਮ ਨਾਲ, ਇਸ ਫ਼ਿਲਮ ਦੇ ਨਾਲ ਹੀ ਰੀਨਾ ਰਾਏ ਤੇ ਸ਼ਤਰੂਘਨ ਸਿਨ੍ਹਾ ਦੀ ਪ੍ਰੇਮ ਕਹਾਣੀ ਵੀ ਸ਼ੁਰੂ ਹੋ ਗਈ ਸੀ । ਇਸ ਜੋੜੀ ਨੇ ਲੱਗਪਗ 15 ਫ਼ਿਲਮਾਂ ਕੀਤੀਆਂ । ਇਸ ਦੌਰ ਵਿੱਚ ਰੀਨਾ ਦੀ ਫੁਲ ਚੜਾਈ ਸੀ । ਰੀਨਾ ਸ਼ਤਰੂਘਨ ਸਿਨ੍ਹਾ ਨਾਲ ਫ਼ਿਲਮਾਂ ਕਰਨ ਨੂੰ ਹੀ ਜ਼ਿਆਦਾ ਤਵੱਜੋ ਦਿੰਦੀ ਸੀ ਇਸ ਚੱਕਰ ਵਿੱਚ ਉਸ ਨੇ ਕਈ ਵੱਡੀਆਂ ਫ਼ਿਲਮਾਂ ਨੂੰ ਵੀ ਠੋਕਰ ਮਾਰ ਦਿੱਤੀ ਸੀ । ਪਰ ਇਹ ਜੋੜੀ ਛੇਤੀ ਹੀ ਟੁੱਟਣ ਵਾਲੀ ਸੀ ਕਿਉਂਕਿ ਸ਼ਤਰੂਘਨ ਸਿਨ੍ਹਾ ਦੀਆਂ ਨਜ਼ਦੀਕੀਆਂ ਪੂਨਮ ਚੰਦੀਰਮਾਨੀ ਦੇ ਨਾਲ ਵੱਧ ਰਹੀਆਂ ਸਨ ।

ਕਹਿੰਦੇ ਹਨ ਕਿ ਸ਼ਤਰੂਘਨ ਸਿਨ੍ਹਾ ਪੂਨਮ ਨਾਲ ਲਿਵ ਇਨ ਵਿੱਚ ਰਹਿੰਦੇ ਸਨ ।ਸ਼ਤਰੂਘਨ ਸਿਨ੍ਹਾ ਦਾ ਪੂਨਮ ਨਾਲ ਵਿਆਹ ਹੋਣ ਵਾਲਾ ਸੀ । ਪਰ ਇਹ ਵਿਆਹ 1 ਸਾਲ ਲਈ ਇਸ ਲਈ ਟਾਲ ਦਿੱਤਾ ਗਿਆ ਕਿਉਂਕਿ ਰੀਨਾ ਨੇ ਸ਼ਤਰੂਘਨ ਸਿਨ੍ਹਾ ਨੂੰ ਧਮਕੀ ਦਿੱਤੀ ਸੀ ਕਿ ਉਹ ਖੁਦਕੁਸ਼ੀ ਕਰ ਲਵੇਗੀ ।

ਪਰ ਹੌਲੀ ਹੌਲੀ ਸ਼ਤਰੂਘਨ ਸਿਨ੍ਹਾ ਤੇ ਰੀਨਾ ਵਿਚਕਾਰ ਦੂਰੀਆਂ ਵੱਧਦੀਆਂ ਗਈ ਤੇ ਰੀਨਾ ਰਾਏ ਨੇ 1983 ਵਿੱਚ ਮੋਹਸਿਨ ਨਾਲ ਵਿਆਹ ਕਰਕੇ ਪਾਕਿਸਤਾਨ ਵੱਸਣ ਦਾ ਇਰਾਦਾ ਬਣਾ ਲਿਆ ਸੀ ।

ਇਹ ਜੋੜੀ ਵਿਆਹ ਕਰਵਾ ਕੇ ਪਾਕਿਸਤਾਨ ਚਲੀ ਗਈ ਪਰ ਕੁਝ ਚਿਰ ਬਾਅਦ ਮੋਹਸਿਨ ਤੇ ਰੀਨਾ ਵਾਪਿਸ ਮੁੰਬਈ ਆ ਕੇ ਵੱਸ ਗਏ । ਪਰ ਰੀਨਾ ਦਾ ਇਹ ਪਿਆਰ ਵੀ ਜ਼ਿਆਦਾ ਚਿਰ ਨਹੀਂ ਚੱਲਿਆ ਬੇਟੀ ਦੇ ਜਨਮ ਤੋਂ ਬਾਅਦ ਇਹ ਜੋੜੀ ਵੱਖ ਵੱਖ ਰਹਿਣ ਲੱਗ ਗਈ । ਰੀਨਾ ਅੱਜ ਆਪਣੀ ਬੇਟੀ ਨਾਲ ਜ਼ਿੰਦਗੀ ਗੁਜ਼ਾਰ ਰਹੀ ਹੈ ।