ਜੁਬਿਨ ਨੌਟਿਆਲ ਦਾ ਨਵਾਂ ਗੀਤ ‘ਬੇਵਫਾ ਤੇਰਾ ਮਾਸੂਮ ਚਿਹਰਾ’ ਸਰੋਤਿਆਂ ਨੂੰ ਆ ਰਿਹਾ ਪਸੰਦ

ਮਸ਼ਹੂਰ ਗਾਇਕ ਜੁਬਿਨ ਨੌਟਿਆਲ ਦਾ ‘ਬੇਵਫਾ ਤੇਰਾ ਮਾਸੂਮ ਚਿਹਰਾ’ ਦੇ ਨਾਂਅ ਦੇ ਰੋਮਾਂਟਿਕ ਗਾਣੇ ਨਾਲ ਹਾਜ਼ਰ ਹੋਏ ਨੇ । ਉਨ੍ਹਾਂ ਦੇ ਨਾਲ ਇਸ ਗੀਤ ‘ਚ ਅਦਾਕਾਰ ਕਰਣ ਮਹਿਰਾ ਅਤੇ ਇਹਾਨਾ ਢਿੱਲੋਂ ਨੇ ਅਦਾਕਾਰੀ ਕੀਤੀ ਹੈ । ਗੀਤ ਨੂੰ ਰੋਚਕ ਕੋਹਲੀ ਨੇ ਕੰਪੋਜ਼ ਕੀਤਾ ਹੈ ।

ਇਸ ਗੀਤ ਨੂੰ ਲੈ ਕੇ ਜਿੱਥੇ ਕਰਣ ਅਤੇ ਇਹਾਨਾ ਕਾਫੀ ਐਕਸਾਈਟਿਡ ਹਨ, ਉੱਥੇ ਹੀ ਫੈਂਸ ਨੂੰ ਵੀ ਇਸ ਗੀਤ ਦਾ ਬੇਸਬਰੀ ਦੇ ਨਾਲ ਇੰਤਜ਼ਾਰ ਸੀ । ਗੀਤ ਨੂੰ ਸਰੋਤਿਆਂ ਦਾ ਵੀ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ । ਗੀਤ ਦਾ ਵੀਡੀਓ ਨਵਜੀਤ ਬੁੱਟਰ ਨੇ ਤਿਆਰ ਕੀਤਾ ਹੈ ਅਤੇ ਬੋਲ ਲਿਖੇ ਨੇ ਰਸ਼ਮੀ ਵਿਰਾਗ ਨੇ ।

ਹੋਰ ਪੜ੍ਹੋ : ਜੁਬਿਨ ਨੌਟਿਆਲ ਦਾ ‘ਏ ਮੇਰੇ ਦੇਸ਼’ ਗੀਤ ਸੁਣ ਕੇ ਰੰਗੇ ਜਾਵੋਗੇ ਦੇਸ਼ ਭਗਤੀ ਦੇ ਰੰਗ ‘ਚ, ਦੇਖੋ ਵੀਡੀਓ

ਗੀਤ ਨੂੰ ਟੀ ਸੀਰੀਜ਼ ਦੇ ਲੇਬਲ ਹੇਠ ਰਿਲੀਜ਼ ਕੀਤਾ ਗਿਆ ਹੈ । ਇਸ ਗੀਤ ‘ਚ ਇੱਕ ਕੁੜੀ ਦੀ ਬੇਵਫਾਈ ਨੂੰ ਬਿਆਨ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਹੈ, ਕਿ ਕਿਸ ਤਰ੍ਹਾਂ ਇੱਕ ਕੁੜੀ ਪਿਆਰ ਕਿਸੇ ਹੋਰ ਨਾਲ ਕਰਦੀ ਹੈ ਅਤੇ ਉਸ ਨੂੰ ਨਿਭਾਉਂਦੀ ਕਿਸੇ ਹੋਰ ਦੇ ਨਾਲ ਹੈ ।

ਜਿਸ ਨੂੰ ਮੁੰਡਾ ਵੀ ਜਾਣ ਜਾਂਦਾ ਹੈ, ਪਰ ਉਹ ਕਦੇ ਵੀ ਇਸ ਦਾ ਗਿਲਾ ਕੁੜੀ ਦੇ ਨਾਲ ਨਹੀਂ ਕਰਦਾ ।