Movie Review: 'ਗੋਲਕ, ਬੁਗਨੀ, ਬੈਂਕ ਤੇ ਬਟੂਆ' ਸਿਨੇਮਾਘਰਾਂ 'ਚ ਪਾ ਰਹੀ ਹੈ ਧਮਾਲਾਂ

ਪਿਛਲੇ ਕਈ ਦਿਨਾਂ ਤੋਂ ਬੇਸਬਰੀ ਨਾਲ ਉਡੀਕੀ ਜਾ ਰਹੀ ਪੰਜਾਬੀ ਫ਼ਿਲਮ ਗੋਲਕ, ਬੁਗਨੀ, ਬੈਂਕ ਤੇ ਬਟੂਆ Golak Bugni Bank Te Batua ਅੱਜ ਹੋ ਗਈ ਹੈ ਰਿਲੀਜ਼ । ਇਸ ਫ਼ਿਲਮ ਨੂੰ ਸੈਂਸਰ ਬੋਰਡ ਵੱਲੋਂ ਆਖਰੀ ਸਮੇਂ ਤੱਕ ਵਿਚਾਰਨ ਮਗਰੋਂ ਕੁੱਝ ਕੱਟ ਲਾਉਣ ਤੋਂ ਬਾਅਦ ਸਰਟੀਫ਼ਿਕੇਟ ਦਿੱਤਾ ਗਿਆ ਹੈ। ਸੈਂਸਰ ਬੋਰਡ ਵੱਲੋਂ ਸਰਕਾਰ ਦੇ ਨੋਟਬੰਦੀ ਦੇ ਫ਼ੈਸਲੇ 'ਤੇ ਵਿਅੰਗ ਕਰਨ ਕਰਕੇ ਇਸ ਫਿਲਮ ਨੂੰ ਨੱਕੇ ਵਿਚੋਂ ਲੰਘਾਇਆ ਗਿਆ ਹੈ।

ਗੋਲਕ, ਬੁਗਨੀ, ਬੈਂਕ ਤੇ ਬਟੂਆ Golak Bugni Bank Te Batua ਫਿਲਮ ਜਿੱਥੇ ਨੋਟਬੰਦੀ 'ਤੇ ਵਿਅੰਗ ਕਰਦੀ ਹੈ, ਉਥੇ ਇਸ ਵਿਚ ਸੰਦੇਸ਼ ਵੀ ਦਿੱਤਾ ਗਿਆ ਹੈ ਕਿ ਪੈਸਿਆਂ ਨਾਲ ਰਿਸ਼ਤਿਆਂ ਦੀ ਅਹਿਮੀਅਤ ਵੱਧ ਹੈ। ਜਦੋਂ ਨੋਟਬੰਦੀ ਮੌਕੇ ਘਰਾਂ 'ਚ ਪਏ ਪੈਸੇ ਬਾਜ਼ਾਰ 'ਚ ਚੱਲਣੋਂ ਬੰਦ ਹੋ ਗਏ ਤਾਂ ਰਿਸ਼ਤੇ ਹੀ ਕੰਮ ਆਏ। ਇਸ ਲਈ ਪੈਸਿਆਂ ਨਾਲ ਰਿਸ਼ਤੇ ਨਹੀਂ ਤੋਲਣੇ ਚਾਹੀਦੇ।

ਫਿਲਮ ਵਿਚ ਹਰੀਸ਼ ਵਰਮਾ Harish Verma , ਸਿੰਮੀ ਚਾਹਲ, ਅਨੀਤਾ ਦੇਵਗਨ, ਜਸਵਿੰਦਰ ਭੱਲਾ, ਬੀ. ਐੱਨ. ਸ਼ਰਮਾ ਤੇ ਗੁਰਸ਼ਬਦ ਨੇ ਅਦਾਕਾਰੀ ਕੀਤੀ ਹੈ। ਇਹ ਫ਼ਿਲਮ ਸ਼ਿਤਿਜ ਚੌਧਰੀ ਵੱਲੋਂ ਨਿਰਦੇਸ਼ਤ ਕੀਤੀ ਗਈ ਹੈ। 'ਰਿਦਮ ਬੁਆਏਜ਼ ਐਂਟਰਟੇਨਮੈਂਟ' ਨੇ ਇਸ ਤੋਂ ਪਹਿਲਾਂ ਜਿੰਨੀਆਂ ਵੀ ਫ਼ਿਲਮਾਂ ਦਰਸ਼ਕਾਂ ਦੀ ਝੋਲੀ ਪਾਈਆਂ ਹਨ, ਸੱਭ ਨੇ ਕਮਾਲ ਕੀਤੀ ਹੈ। ਤੇ ਹੁਣ ਫ਼ਿਲਮ ਗੋਲਕ, ਬੁਗਨੀ, ਬੈਂਕ ਤੇ ਬਟੂਆ Golak Bugni Bank Te Batua ਵੀ ਅੱਤ ਕਰਵਾ ਰਹੀ ਹੈ | ਇਸ ਵਾਰ 'ਰਿਦਮ ਬੁਆਏਜ਼' ਨਾਲ 'ਹੇਅਰ ਓਮਜੀ ਸਟੂਡੀਓਜ਼' ਨੇ ਮਿਲ ਕੇ ਕੰਮ ਕੀਤਾ ਹੈ। ਫ਼ਿਲਮ ਦੇ ਨਿਰਮਾਤਾਵਾਂ ਵਿਚ ਕਾਰਜ ਗਿੱਲ ਤੇ ਤਲਵਿੰਦਰ ਸਿੰਘ ਹੇਅਰ ਦੇ ਨਾਂ ਸ਼ਾਮਲ ਹਨ।

ਫਿਲਮ ਦਾ ਸੰਗੀਤ ਜਤਿੰਦਰ ਸ਼ਾਹ ਨੇ ਤਿਆਰ ਕੀਤਾ ਹੈ। ਫ਼ਿਲਮ ਦਾ ਕਮਾਲ ਇਸ ਗੱਲ ਵਿਚ ਵੀ ਹੈ ਕਿ ਪੰਜਾਬੀਆਂ ਦੇ ਦਿਲਾਂ ਦੀ ਧੜਕਣ ਅਮਰਿੰਦਰ ਗਿੱਲ ਦੀ ਵੀ ਇਸ ਵਿਚ ਅਦਾਕਾਰੀ ਹੈ। ਉਨ੍ਹਾਂ ਭਾਵੇਂ ਮਹਿਮਾਨ ਰੋਲ ਅਦਾ ਕੀਤਾ ਹੈ ਪਰ ਹਰ ਪਾਸੇ ਉਨ੍ਹਾਂ ਦੇ ਕਿਰਦਾਰ ਦੀ ਚਰਚਾ ਹੋ ਰਹੀ ਹੈ।