MC Stan ਤੇ Virat Kohli ਦੇ ਫੈਨਜ਼ ਵਿਚਾਲੇ ਛਿੜੀ ਟਵਿੱਟਰ ਜੰਗ, ਵਾਇਰਲ ਹੋਏ ਸਕ੍ਰੀਨਸ਼ਾਟ ਨੇ ਇੰਟਰਨੈਟ 'ਤੇ ਲਿਆਂਦਾ ਭੂਚਾਲ

MC Stan and Virat Kohli's fanbase fight: ਰਿਐਲਟੀ ਸ਼ੋਅ ਬਿੱਗ ਬੌਸ ਸੀਜ਼ਨ 16 ਦੀ ਵਿਜੇਤਾ ਬਨਣ ਤੋਂ ਬਾਅਦ, ਐਮਸੀ ਸਟੈਨ ਸੋਸ਼ਲ ਮੀਡੀਆ 'ਤੇ ਲਗਾਤਾਰ ਸੁਰਖੀਆਂ ਵਿੱਚ ਬਣੇ ਹੋਏ ਹਨ। ਉਨ੍ਹਾਂ ਦੇ ਬਿੱਗ ਬੌਸ ਵਿਨਰ ਬਨਣ 'ਤੇ ਕਈ ਲੋਕਾਂ ਨੇ ਸਵਾਲ ਚੁੱਕੇ ਹਨ। ਹਾਲਾਂਕਿ ਕਈ ਲੋਕ ਉਨ੍ਹਾਂ ਦੇ ਸਮਰਥਨ 'ਚ ਖੜ੍ਹੇ ਨਜ਼ਰ ਆ ਰਹੇ ਹਨ। ਇਸ ਦੇ ਨਾਲ ਹੀ ਹੁਣ ਸੋਸ਼ਲ ਮੀਡੀਆ 'ਤੇ ਇਕ ਵੱਖਰੀ ਬਹਿਸ ਸ਼ੁਰੂ ਹੋ ਗਈ ਹੈ। ਇੰਟਰਨੈਟ 'ਤੇ ਐਮਸੀ ਸਟੈਨ ਦੀ ਫੈਨ ਫਾਲੋਇੰਗ ਦੀ ਤੁਲਨਾ ਮਸ਼ਹੂਰ ਕ੍ਰਿਕਟਰ ਵਿਰਾਟ ਕੋਹਲੀ ਨਾਲ ਕੀਤੀ ਜਾ ਰਹੀ ਹੈ।

 ਦੋਵਾਂ ਦੀਆਂ ਹਾਲੀਆ ਪੋਸਟਾਂ ਦੇ ਕੁਝ ਸਕਰੀਨਸ਼ਾਟ ਵਾਇਰਲ ਹੋ ਰਹੇ ਹਨ। ਇਨ੍ਹਾਂ ਪੋਸਟਾਂ ਵਿੱਚ, ਦੋਵਾਂ ਨੂੰ ਮਿਲੇ ਲਾਈਕਸ ਤੋਂ ਦੋਹਾਂ ਦੀ ਫੈਨ ਫਾਲੋਇੰਗ ਦੀ ਤੁਲਨਾ ਕੀਤੀ ਜਾ ਰਹੀ ਹੈ ਅਤੇ ਇਸ ਦੌੜ ਵਿੱਚ ਐਮਸੀ ਸਟੈਨ ਅੱਗੇ ਦਿਖਾਈ ਦੇ ਰਹੇ ਹਨ।

ਐਮਸੀ ਸਟੈਨ ਅਤੇ ਵਿਰਾਟ ਕੋਹਲੀ ਦੀਆਂ ਪੋਸਟਾਂ ਵਾਇਰਲ ਹੋਈਆਂ ਸਨ

ਦਰਅਸਲ, ਹਾਲ ਹੀ 'ਚ ਯੂਜ਼ਰਸ ਟਵਿੱਟਰ 'ਤੇ ਦੋ ਸਕ੍ਰੀਨਸ਼ਾਟ ਸ਼ੇਅਰ ਕਰਦੇ ਹੋਏ ਨਜ਼ਰ ਆ ਰਹੇ ਹਨ। ਇੱਕ ਸਕ੍ਰੀਨਸ਼ਾਟ ਵਿੱਚ ਐਮਸੀ ਸਟੈਨ ਬਿੱਗ ਬੌਸ ਵਿਜੇਤਾ ਦੀ ਟਰਾਫੀ ਫੜਦੇ ਹੋਏ ਦਿਖਾਈ ਦੇ ਰਹੇ ਹਨ। ਸਟੈਨ ਦੀ ਇਸ ਪੋਸਟ ਨੂੰ ਕਰੀਬ 7 ਮਿਲੀਅਨ ਲਾਈਕਸ ਮਿਲ ਚੁੱਕੇ ਹਨ। ਇਸ ਪੋਸਟ 'ਚ ਉਹ ਬਿੱਗ ਬੌਸ ਵਿਨਰ ਬਣਨ ਦੀ ਖੁਸ਼ੀ ਜ਼ਾਹਰ ਕਰਦੇ ਨਜ਼ਰ ਆ ਰਹੇ ਹਨ। ਦੂਜੇ ਸਕਰੀਨਸ਼ਾਟ 'ਚ ਉਸੇ ਦਿਨ ਵਿਰਾਟ ਕੋਹਲੀ ਵੱਲੋਂ ਵੀ ਇੱਕ ਪੋਸਟ ਪਾਈ ਗਈ ਸੀ। ਵਿਰਾਟ ਕੋਹਲੀ ਦੀ ਇਸ ਪੋਸਟ 'ਨੂੰ ਕਰੀਬ 30 ਲੱਖ ਲਾਈਕਸ ਮਿਲ ਚੁੱਕੇ ਹਨ। ਇਹ ਪੋਸਟ ਮਹਿਲਾ ਕ੍ਰਿਕਟ ਟੀਮ ਦੀ ਇਤਿਹਾਸਕ ਜਿੱਤ 'ਤੇ ਕੀਤੀ ਗਈ ਹੈ।  

ਹੋਰ ਪੜ੍ਹੋ: Rishab Shetty: ਰਿਸ਼ਭ ਸ਼ੈੱਟੀ ਨੂੰ ਦਾਦਾ ਸਾਹਿਬ ਫਾਲਕੇ ਇੰਟਰਨੈਸ਼ਨਲ ਫ਼ਿਲਮ ਫੈਸਟੀਵਲ 'ਚ 'Most promising actor' ਐਵਾਰਡ ਨਾਲ ਕੀਤਾ ਜਾਵੇਗਾ ਸਨਮਾਨਿਤ

ਫੈਨਜ਼ ਵਿਚਾਲੇ ਛਿੜੀ ਟਵਿੱਟਰ ਜੰਗ 

ਇਸ ਸਕਰੀਨਸ਼ਾਟ ਨੂੰ ਸ਼ੇਅਰ ਕਰਦੇ ਹੋਏ ਇੱਕ ਯੂਜ਼ਰ ਨੇ ਲਿਖਿਆ- 'ਐੱਮਸੀ ਸਟੈਨ ਦੀ ਪੋਸਟ ਨੂੰ ਵਿਰਾਟ ਕੋਹਲੀ ਦੀ ਹਾਲੀਆ ਪੋਸਟ ਤੋਂ ਜ਼ਿਆਦਾ ਲਾਈਕਸ ਮਿਲੇ ਹਨ। ਜਿਹੜੇ ਲੋਕ MC ਸਟੈਨ ਦੇ ਫੈਨਜ਼ 'ਤੇ ਸਵਾਲ ਕਰ ਰਹੇ ਹਨ... ਅਸਲ ਦੁਨੀਆਂ ਵਿੱਚ ਤੁਹਾਡਾ ਸੁਆਗਤ ਹੈ'। ਇਸ ਦੇ ਨਾਲ ਹੀ ਇਸ ਪੋਸਟ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਵਿਰਾਟ ਕੋਹਲੀ ਦੇ ਕਈ ਫੈਨਜ਼ ਨੇ ਜਵਾਬ ਦਿੱਤਾ ਹੈ ਕਿ ਵਿਰਾਟ ਕੋਹਲੀ ਦੀ ਤੁਲਨਾ ਐਮਸੀ ਸਟੈਨ ਨਾਲ ਕਰਨਾ ਠੀਕ ਨਹੀਂ ਹੈ। ਦਿਲਚਸਪ ਗੱਲ ਇਹ ਹੈ ਕਿ ਐਮਸੀ ਸਟੈਨ ਦੇ ਇੰਸਟਾਗ੍ਰਾਮ 'ਤੇ 8.7 ਮਿਲੀਅਨ ਫੈਨ ਫਾਲੋਇੰਗ ਹੈ ਅਤੇ ਵਿਰਾਟ ਕੋਹਲੀ ਉਸ ਤੋਂ ਕਾਫੀ ਅੱਗੇ ਹਨ। ਵਿਰਾਟ ਦੀ ਫੈਨ ਫਾਲੋਇੰਗ 236 ਮਿਲੀਅਨ ਹੈ। ਦੋਹਾਂ ਸੈਲਬਸ ਦੇ ਫੈਨਜ਼ ਵਿਚਾਲੇ ਟਵਿੱਟਰ ਜੰਗ ਛਿੜੀ ਹੋਈ ਹੈ। 

- PTC PUNJABI