‘ਬੈਸਟ ਮਿਊਜ਼ਿਕ ਵੀਡਿਓ ਡਾਇਰੈਕਟਰ ' ਕੈਟਾਗਿਰੀ ਵਿੱਚ ਅਰਵਿੰਦਰ ਖਹਿਰਾ ਨੂੰ ਮਿਲਿਆ 'ਪੀਟੀਸੀ ਪੰਜਾਬੀ ਮਿਊਜ਼ਿਕ ਅਵਾਰਡ-2018
ਸੁਰਾਂ ਦੀ ਸੁਰੀਲੀ ਸ਼ਾਮ ਦਾ ਆਗਾਜ਼ ਹੋ ਚੁੱਕਿਆ ਹੈ । ਪੀਟੀਸੀ ਦੇ ਵਿਹੜੇ 'ਚ ਸੰਗੀਤਮਈ ਸੁਰਾਂ ਦੇ ਸਰਤਾਜ਼ ਆ ਚੁੱਕੇ ਨੇ ਅਤੇ ਇਸ ਸੁਰੀਲੀ ਸ਼ਾਮ ਨੂੰ ਰੰਗੀਨ ਬਨਾਉਣ ਲਈ ਅੱਜ ਪੀਟੀਸੀ ਦੇ ਵਿਹੜੇ 'ਚ ਕਈ ਮਾਇਨਾਜ਼ ਹਸਤੀਆਂ ਮੌਜੂਦ ਨੇ । ਇਸ ਸ਼ਾਮ ਨੂੰ ਹੋਰ ਵੀ ਰੰਗੀਨ ਬਣਾ ਰਹੀ ਹੈ ਨਾਮੀ ਕਲਾਕਾਰਾਂ ਦੀ ਪਰਫਾਰਮੈਂਸ । ਜਿਨ੍ਹਾਂ ਨੇ ਆਪਣੀ ਪਰਫਾਰਮੈਂਸ ਨਾਲ ਸਮਾਂ ਬੰਨਿਆ ਹੋਇਆ ਹੈ ਅਤੇ ਪੰਜਾਬ ਦੇ ਸ਼ਾਨਾਮੱਤੀ ਸੱਭਿਆਚਾਰ ,ਪੰਜਾਬ ਅਤੇ ਪੰਜਾਬੀਅਤ ਨੂੰ ਦੁਨੀਆ ਦੇ ਕੋਨੇ ਕੋਨੇ ਤੱਕ ਪਹੁੰਚਾਉਣ ਵਾਲੇ ਇਨ੍ਹਾਂ ਗਾਇਕਾਂ ਦਾ ਅੱਜ ਪੀਟੀਸੀ ਦੇ ਵਿਹੜੇ 'ਚ ਸਨਮਾਨ ਕੀਤਾ ਜਾ ਰਿਹਾ ਹੈ । ਇੰਝ ਲੱਗਦਾ ਹੈ ਕਿ ਅਰਸ਼ਾਂ ਤੋਂ ਉੱਤਰ ਕੇ ਇਹ ਸਿਤਾਰੇ ਜ਼ਮੀਨ 'ਤੇ ਆ ਗਏ ਨੇ ਅਤੇ ਇਨ੍ਹਾਂ ਖੁਸ਼ੀਆਂ ਨੂੰ ਹੋਰ ਵੀ ਚਾਰ ਚੰਨ ਲਗਾ ਰਹੀ ਹੈ ਇੱਥੇ ਉਨ੍ਹਾਂ ਲੋਕਾਂ ਦੀ ਮੌਜਦੂਗੀ ਜੋ ਇਸ ਅਵਾਰਡ ਸਮਾਰੋਹ ਦੇ ਗਵਾਹ ਬਣ ਰਹੇ ਨੇ । ਇਸ ਵਾਰ ਬੈਸਟ ਮਿਊਜ਼ਿਕ ਵੀਡਿਓ ਡਾਇਰੈਕਟਰ ਕੈਟਾਗਿਰੀ ਵਿੱਚ ਪੀਟੀਸੀ ਪੰਜਾਬੀ ਮਿਊਜ਼ਿਕ ਅਵਾਰਡ 2018 ਮਿਲਿਆ ਹੈ, ਡਾਇਰੈਕਟਰ ਅਰਵਿੰਦਰ ਖਹਿਰਾ ਨੂੰ ਉਹਨਾਂ ਨੇ ਗਾਣੇ ਮਸਤਾਨੀ ਨੂੰ ਡਾਇਰੈਕਟ ਕੀਤਾ ਸੀ ।
ਇਸ ਕੈਟਾਗਿਰੀ ਵਿੱਚ ਬਹੁਤ ਸਾਰੇ ਗਾਣੇ ਸ਼ਾਮਿਲ ਕੀਤਾ ਗਏ ਸਨ ਜਿਹੜੇ ਕਿ ਇਸ ਤਰ੍ਹਾਂ ਹਨ : ---
Video Director | Song |
Ankur Chaudhary / Harry Bhatti Films | Bulandiyan |
Arvindr Khaira | Masstaani |
Baljit Singh Deo | Sooraj |
Frame Singh | Mainu Mangdi |
Parmish Verma | Rondi |
R.swami | Jaan Lain Tak |
ਪਰ ਡਾਇਰੈਕਟਰ ਅਰਵਿੰਦਰ ਖਹਿਰਾ ਦੇ ਗਾਣੇ ਨੇ ਸਭ ਨੂੰ ਪਿੱਛੇ ਛੱਡ ਦਿੱਤਾ ਹੈ ਜਿਸ ਦੀ ਵਜਾ ਕਰਕੇ ਉਹਨਾਂ ਨੂੰ ਪੀਟੀਸੀ ਪੰਜਾਬੀ ਮਿਊਜ਼ਿਕ ਅਵਾਰਡ 2018 ਨਾਲ ਨਿਵਾਜਿਆ ਗਿਆ ਹੈ । ਇਹ ਅਵਾਰਡ ਦੇਣ ਤੋਂ ਪਹਿਲਾਂ ਇਸ ਲਈ ਵੋਟਿੰਗ ਕਰਵਾਈ ਗਈ ਸੀ ਜਿਸ ਦੇ ਨਤੀਜਿਆਂ ਤੋਂ ਬਾਅਦ ਇਹ ਅਵਾਰਡ ਦਿੱਤਾ ਗਿਆ ਹੈ ।