‘RRR’ ਫ਼ਿਲਮ ਇੱਕ ਨਹੀਂ ਸਗੋਂ ਦੋ OTT ਪਲੇਟਫਾਰਮਾਂ 'ਤੇ ਹੋਵੇਗੀ ਰਿਲੀਜ਼, ਜਾਣੋ ਪੂਰੀ ਜਾਣਕਾਰੀ

Reported by: PTC Punjabi Desk | Edited by: Lajwinder kaur | April 04th 2022 03:59 PM | Updated: April 04th 2022 03:59 PM

ਬਾਕਸ ਆਫ਼ਿਸ 'ਤੇ 'RRR' ਸ਼ਾਨਦਾਰ ਕਮਾਲ ਕਰ ਰਹੀ ਹੈ। ਦਰਸ਼ਕਾਂ ਵੱਲੋਂ ਆਰਆਰਆਰ ਫ਼ਿਲਮ ਨੂੰ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ। ਫ਼ਿਲਮ ਨੇ ਹੁਣ ਤੱਕ ਦੁਨੀਆ ਭਰ 'ਚ 750 ਕਰੋੜ ਤੋਂ ਵੱਧ ਦੀ ਕਮਾਈ ਕਰ ਲਈ ਹੈ। ਜੂਨੀਅਰ ਐਨਟੀਆਰ, ਰਾਮਚਰਨ, ਆਲੀਆ ਭੱਟ ਅਤੇ ਅਜੇ ਦੇਵਗਨ ਸਟਾਰਰ ਫਿਲਮ ਨੂੰ ਦਰਸ਼ਕਾਂ ਦਾ ਕਾਫੀ ਪਿਆਰ ਮਿਲ ਰਿਹਾ ਹੈ। ਇਹ ਫ਼ਿਲਮ ਹਿੰਦੀ, ਤੇਲਗੂ, ਮਲਿਆਲਮ, ਤਾਮਿਲ ਅਤੇ ਕੰਨੜ ਵਿੱਚ ਰਿਲੀਜ਼ ਹੋਈ ਸੀ। ਪਰ ਏਨੀਂ ਦਿਨੀਂ ਓਟੀਟੀ ਪਲੇਟਫਾਰਮ ਦਾ ਕਾਫੀ ਕ੍ਰੇਜ਼ ਹੈ ਜਿਸ ਕਰਕੇ ਹੁਣ ਪ੍ਰਸ਼ੰਸਕ ਇਸ ਫ਼ਿਲਮ ਬਾਰੇ ਜਾਣਨਾ ਚਾਹੁੰਦੇ ਹਨ ਕਿ ਇਹ OTT 'ਤੇ ਕਦੋਂ ਰਿਲੀਜ਼ ਹੋਵੇਗੀ। ਜੀ ਹਾਂ ਇਹ ਫ਼ਿਲਮ ਓਟੀਟੀ ਪਲੇਟਫਾਰਮ ਤੇ ਵੀ ਰਿਲੀਜ਼ ਹੋਵੇਗੀ।

ਹੋਰ ਪੜ੍ਹੋ : Lock Upp: ਕੀ ‘ਪਵਿੱਤਰ ਰਿਸ਼ਤਾ’ ਫੇਮ ਅੰਕਿਤਾ ਲੋਖੰਡੇ ਗਰਭਵਤੀ ਹੈ? ਕੰਗਨਾ ਰਣੌਤ ਨੂੰ ਕਿਹਾ- ‘ਵਿੱਕੀ ਨੂੰ ਵੀ ਅਜੇ ਪਤਾ ਨਹੀਂ ਹੈ’

ਦਰਅਸਲ, 'RRR' ਇੱਕ ਨਹੀਂ ਬਲਕਿ ਦੋ OTT ਪਲੇਟਫਾਰਮਾਂ 'ਤੇ ਰਿਲੀਜ਼ ਹੋਵੇਗੀ। RRR ਖੇਤਰੀ ਭਾਸ਼ਾਵਾਂ ਵਿੱਚ ZEE5 'ਤੇ ਜਾਰੀ ਕੀਤਾ ਜਾਵੇਗਾ। ਪ੍ਰਾਪਤ ਜਾਣਕਾਰੀ ਅਨੁਸਾਰ, RRR ਨੂੰ Zee5 'ਤੇ ਤੇਲਗੂ, ਤਾਮਿਲ, ਮਲਿਆਲਮ ਅਤੇ ਕੰਨੜ ਭਾਸ਼ਾਵਾਂ 'ਚ ਦੇਖਿਆ ਜਾ ਸਕਦਾ ਹੈ। ਰਿਲੀਜ਼ ਦੇ ਦੋ ਮਹੀਨੇ ਬਾਅਦ ਫ਼ਿਲਮ ਜ਼ੀ5 'ਤੇ ਆਵੇਗੀ ਯਾਨੀ ਫ਼ਿਲਮ OTT 'ਤੇ 25 ਮਈ ਨੂੰ ਹਿੰਦੀ ਨੂੰ ਛੱਡ ਕੇ ਸਾਰੀਆਂ ਭਾਸ਼ਾਵਾਂ 'ਚ ਆਵੇਗੀ।

'RRR' Hindi OTT Release Date: When and where to watch Hindi dubbed version of 'RRR'? Image Source: Twitter

ਇਸ ਦੇ ਨਾਲ ਹੀ ਜੇਕਰ ਹਿੰਦੀ ਖੇਤਰਾਂ ਦੀ ਗੱਲ ਕਰੀਏ ਤਾਂ ਹਿੰਦੀ ਦੇ ਦਰਸ਼ਕਾਂ ਨੂੰ ਓਟੀਟੀ 'ਤੇ ਫ਼ਿਲਮ ਦੇਖਣ ਲਈ ਥੋੜਾ ਹੋਰ ਇੰਤਜ਼ਾਰ ਕਰਨਾ ਪਵੇਗਾ। ਹਿੰਦੀ ਵਰਜ਼ਨ 'ਚ ਇਹ ਫ਼ਿਲਮ ਨੈੱਟਫਲਿਕਸ 'ਤੇ ਰਿਲੀਜ਼ ਹੋਵੇਗੀ। ਪਰ RRR ਰਿਲੀਜ਼ ਦੇ ਤਿੰਨ ਮਹੀਨਿਆਂ ਬਾਅਦ ਯਾਨੀ 25 ਜੂਨ ਨੂੰ, ਇਹ OTT 'ਤੇ ਆ ਜਾਵੇਗੀ। OTT ਪਲੇਟਫਾਰਮ 'ਤੇ ਫ਼ਿਲਮ ਦੇਖਣ ਲਈ ਦਰਸ਼ਕਾਂ ਨੂੰ ਫਿਲਹਾਲ ਥੋੜਾ ਇੰਤਜ਼ਾਰ ਕਰਨਾ ਪਵੇਗਾ।

RRR Worldwide Box Office Collection: SS Rajamouli's 'RRR' crosses Rs 700 crore mark Image Source: Twitter

ਆਰਆਰਆਰ ਅਜੇ ਵੀ ਥੀਏਟਰ ਵਿੱਚ ਕਮਾਈ ਕਰ ਰਿਹਾ ਹੈ। ਫ਼ਿਲਮ ਦੀ ਗੱਲ ਕਰੀਏ ਤਾਂ ਫਿਲਮ ਦੇ ਮਿਊਜ਼ਿਕ ਤੋਂ ਲੈ ਕੇ ਐਕਸ਼ਨ ਤੱਕ ਇਸ ਨੂੰ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਖਾਸ ਤੌਰ 'ਤੇ ਲੋਕ VFX ਦੀ ਖੂਬ ਤਾਰੀਫ ਕਰ ਰਹੇ ਹਨ। ਸੋਸ਼ਲ ਮੀਡੀਆ 'ਤੇ ਇਸ ਫ਼ਿਲਮ ਦੀ ਕਾਫੀ ਤਾਰੀਫ ਹੋ ਰਹੀ ਹੈ। ਕਲਾਕਾਰਾਂ ਵੀ ਇਸ ਫ਼ਿਲਮ ਦੀ ਖੂਬ ਤਾਰੀਫ ਕਰ ਰਹੇ ਹਨ।