ਸਿੱਪੀ ਗਿੱਲ ਨੇ ਸਿੱਧੂ ਮੂਸੇਵਾਲਾ ਨੂੰ ਸ਼ਰਧਾਂਜਲੀ ਦਿੰਦੇ ਹੋਏ ਕੀਤਾ ਨੇਕ ਉਪਰਾਲਾ, ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ ਵੀਡੀਓ

Reported by: PTC Punjabi Desk | Edited by: Lajwinder kaur | August 21st 2022 02:48 PM | Updated: August 21st 2022 02:56 PM

Sippy Gill Latest Video Viral: 29 ਮਈ ਨੂੰ ਪੰਜਾਬੀ ਮਿਊਜ਼ਿਕ ਜਗਤ ਦੇ ਨਾਮੀ ਗਾਇਕ ਸਿੱਧੂ ਮੂਸੇਵਾਲਾ ਜੋ ਕਿ ਇਸ ਫਾਨੀ ਸੰਸਾਰ ਤੋਂ ਰੁਖਸਤ ਹੋ ਗਿਆ ਸੀ। ਸਿੱਧੂ ਮੂਸੇਵਾਲਾ ਦੀ ਮੌਤ ਨੇ ਹਰ ਇੱਕ ਨੂੰ ਝੰਜੋੜ ਕੇ ਰੱਖ ਦਿੱਤਾ ਸੀ। ਸਾਰੀ ਹੀ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਨੇ ਸਿੱਧੂ ਮੂਸੇਵਾਲਾ ਦੀ ਮੌਤ ਉੱਤੇ ਦੁੱਖ ਜਤਾਇਆ ਸੀ। ਇਸ ਦੌਰਾਨ ਪੰਜਾਬੀ ਗਾਇਕ ਸਿੱਪੀ ਗਿੱਲ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਖੂਬ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ‘ਚ ਉਹ ਮਰਹੂਮ ਗਾਇਕ ਸਿੱਪੀ ਗਿੱਲ ਨੂੰ ਸ਼ਰਧਾਂਜਲੀ ਦਿੰਦੇ ਹੋਏ ਨਜ਼ਰ ਆ ਰਹੇ ਹਨ।

image source instagram

ਹੋਰ ਪੜ੍ਹੋ : ਮੌਨੀ ਰਾਏ ਦੁਬਈ 'ਚ ਪਤੀ ਨਾਲ ਬਿਤਾ ਰਹੀ ਹੈ ਖੁਸ਼ਨੁਮਾ ਪਲ, ਖੁਸ਼ੀ ਨਾਲ ਡਾਂਸ ਕਰਦੀ ਨਜ਼ਰ ਆਈ ਅਦਾਕਾਰਾ, ਦੇਖੋ ਵੀਡੀਓ

inside image of sippy gill image source Instagram

ਦੱਸ ਦਈਏ ਸਿੱਪੀ ਗਿੱਲ ਜੋ ਏਨੀਂ ਦਿਨੀਂ ਕੈਨੇਡਾ ‘ਚ ਆਪਣੇ ਮਿਊਜ਼ਿਕ ਸ਼ੋਅਜ਼ ਲਈ ਪਹੁੰਚੇ ਹੋਏ ਹਨ। ਉਨ੍ਹਾਂ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਵਾਇਰਲ ਹੋ ਰਿਹਾ ਹੈ। ਜਿਸ ‘ਚ ਉਨ੍ਹਾਂ ਨੇ ਦੱਸਿਆ ਕਿ ਜਿਸ ਸਟੇਜ਼ ਉੱਤੇ ਉਹ ਕੱਲ੍ਹ ਨੂੰ ਪ੍ਰਫਾਰਮੈਂਸ ਕਰਨ ਜਾ ਰਹੇ ਨੇ, ਇਹ ਉਹੀ ਸਟੇਜ਼ ਹੈ ਜਿੱਥੇ ਸ਼ੁੱਭਦੀਪ ਸਿੱਧੂ ਨੇ ਪਹਿਲੀ ਵਾਰ ਪ੍ਰਫਾਰਮੈਂਸ ਦਿੱਤੀ ਸੀ। ਜਿਸ ਕਰਕੇ ਉਹ ਇਸ ਸਟੇਜ਼ ਤੋਂ ਜਿੰਨੀ ਵੀ ਰਾਸ਼ੀ ਇਕੱਠੀ ਹੋਵੇਗੀ ਉਸ ਨੂੰ ਵਿਦੇਸ਼ ‘ਚ ਰਹਿੰਦੀਆਂ ਲੋੜਵੰਦ ਪੰਜਾਬੀ ਕੁੜੀਆਂ ਦੀ ਸਹਾਇਤਾ ਕਰਨਗੇ।

image source Instagram

ਸਿੱਪੀ ਗਿੱਲ ਨੇ ਕਿਹਾ 'ਮੈਂ ਆਪਣਾ ਸਾਰਾ ਲਾਈਵ ਸ਼ੋਅ ਸ਼ੁੱਭਦੀਪ ਸਿੱਧੂ ਨੂੰ ਸਮਰਪਿਤ ਕਰਾਂਗਾ ਤੇ ਇਸਦੀ ਸਾਰੀ Income ਦਾਨ ਕਰੂੰਗਾ’ । ਸਿੱਪੀ ਗਿੱਲ ਨੇ ਫਿਰ ਮੂਸੇਵਾਲਾ ਨੂੰ ਯਾਦ ਕਰਦਿਆਂ ਕਿਹਾ ਕਿ ਰੱਬ ਇਸ ਵਿੱਛੜੀ ਰੂਹ ਨੂੰ ਆਪਣੇ ਚਰਨਾਂ ‘ਚ ਨਿਵਾਸ ਬਖ਼ਸ਼ ਤੇ ਪਰਿਵਾਰ ਨੂੰ ਇਹ ਭਾਣਾ ਮੰਨਣ ਦੀ ਹਿੰਮਤ ਦੇਵੇ।

ਦੱਸ ਦਈਏ ਸਿੱਧੂ ਮੂਸੇਵਾਲਾ ਨੂੰ 29 ਮਈ ਨੂੰ ਜਵਾਹਰਕੇ ਪਿੰਡ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਸੀ। ਸਿੱਧੂ ਦੀ ਮੌਤ ਦਾ ਜਿੰਮਾ ਕੈਨੇਡਾ ‘ਚ ਬੈਠੇ ਗੈਂਗਸਟਰ ਗੋਲਡੀ ਬਰਾੜ ਅਤੇ ਬਿਸ਼ਨੋਈ ਗੈਂਗ ਨੇ ਲਈ ਸੀ।