ਅੱਜ ਹੈ ਮੁਹੰਮਦ ਰਫੀ ਦਾ ਜਨਮ ਦਿਨ, ਮੌਲਵੀਆਂ ਦੇ ਕਹਿਣ ’ਤੇ ਰਫੀ ਨੇ ਗਾਉਣਾ ਛੱਡ ਦਿੱਤਾ ਸੀ, ਇਸ ਵਜ੍ਹਾ ਕਰਕੇ ਦੁਬਾਰਾ ਗਾਉਣ ਲਈ ਹੋਏ ਰਾਜ਼ੀ

written by Rupinder Kaler | December 24, 2020

ਮਖਮਲੀ ਆਵਾਜ਼ ਦੇ ਬਾਦਸ਼ਾਹ ਮੁਹੰਮਦ ਰਫੀ ਦਾ ਜਨਮ 24 ਦਸੰਬਰ 1924 ਨੂੰ ਹੋਇਆ ਸੀ ।ਹਾਜੀ ਅਲੀ ਮੁਹੰਮਦ ਦੇ 6 ਬੱਚਿਆਂ ਵਿੱਚੋਂ ਰਫੀ ਦੂਸਰੇ ਨੰਬਰ ਤੇ ਸਨ । ਰਫੀ ਨੂੰ ਘਰ ਵਿੱਚ ਫੀਕੋ ਕਿਹਾ ਜਾਂਦਾ ਸੀ । ਗਲੀ ਵਿੱਚ ਫਕੀਰ ਨੂੰ ਗਾਉਂਦਾ ਦੇਖ ਕੇ ਰਫੀ ਨੇ ਗਾਉਣਾ ਸ਼ੁਰੂ ਕੀਤਾ ਸੀ । ਰਫੀ ਨੂੰ ਗਾਉਣ ਦਾ ਪਹਿਲਾ ਮੌਕਾ ਪੰਜਾਬੀ ਫ਼ਿਲਮ ਗੁਲਬਲੋਚ ਵਿੱਚ ਮਿਲਿਆ ਸੀ । ਹੋਰ ਪੜ੍ਹੋ :

ਨੌਸ਼ਾਦ ਤੇ ਹੁਸਨਲਾਲ ਭਗਤਰਾਮ ਨੇ ਰਫੀ ਦੇ ਹੁਨਰ ਨੂੰ ਪਹਿਚਾਣਿਆ ਸੀ ਤੇ ਫ਼ਿਲਮ ਬੀਵੀ ਵਿੱਚ ਉਹਨਾਂ ਨੂੰ ਮੌਕਾ ਦਿੱਤਾ ਸੀ । ਜਦੋਂ ਮੁਹੰਮਦ ਰਫੀ ਆਪਣੇ ਕਰੀਅਰ ਦੇ ਸਿਖਰ ਉੱਤੇ ਸਨ ਤਾਂ ਉਹਨਾਂ ਨੇ ਮੌਲਵੀਆਂ ਦੇ ਕਹਿਣ ਤੇ ਗਾਉਣਾ ਛੱਡ ਦਿੱਤਾ ਸੀ । ਇਹ ਗੱਲ ਉਦੋਂ ਦੀ ਹੈ ਜਦੋਂ ਉਹ ਹੱਜ ਕਰਨ ਲਈ ਗਏ ਸਨ । ਰਫੀ ਹੱਜ ਤੋਂ ਵਾਪਿਸ ਆਏ ਤਾਂ ਕੁਝ ਲੋਕਾਂ ਨੇ ਉਹਨਾਂ ਨੂੰ ਕਿਹਾ ਕਿ ਹੁਣ ਉਹ ਹਾਜੀ ਹੋ ਗਏ ਹਨ ਤੇ ਉਹਨਾਂ ਨੂੰ ਗਾਉਣਾ ਨਹੀਂ ਚਾਹੀਦਾ । ਜਦੋਂ ਬਾਲੀਵੁੱਡ ਵਿੱਚ ਇਸ ਗੱਲ ਦਾ ਪਤਾ ਲੱਗਿਆਂ ਤਾ ਹੜਕੰਪ ਮਚ ਗਿਆ । ਇਸ ਗੱਲ ਨੂੰ ਲੈ ਕੇ ਉਹਨਾਂ ਦਾ ਪਰਿਵਾਰ ਵੀ ਕਾਫੀ ਪਰੇਸ਼ਾਨ ਹੋ ਗਿਆ । ਨੌਸ਼ਾਦ ਨੇ ਰਫੀ ਨੂੰ ਸਮਝਾਇਆ ਕਿ ਉਹਨਾਂ ਦਾ ਗਲਾ ਹੀ ਪਰਿਵਾਰ ਦੇ ਰੋਜ਼ਗਾਰ ਦਾ ਜ਼ਰੀਆ ਹੈ । ਜੇਕਰ ਗਾਣਾ ਬੰਦ ਕਰ ਦਿੱਤਾ ਤਾਂ ਘਰ ਨਹੀਂ ਚਲੇਗਾ । ਇਸ ਤੋਂ ਬਾਅਦ ਉਹਨਾਂ ਨੇ ਗਾਣਾ ਸ਼ੁਰੂ ਕਰ ਦਿੱਤਾ । 31 ਜੁਲਾਈ 1980 ਨੂੰ ਰਮਜਾਨ ਦੇ ਮਹੀਨੇ ਉਹਨਾਂ ਦਾ ਦਿਹਾਂਤ ਹੋ ਗਿਆ ਸੀ । ਉਹਨਾਂ ਦੇ ਨਾਂਅ 26 ਹਜ਼ਾਰ ਗੀਤ ਗਾਉਣ ਦਾ ਰਿਕਾਰਡ ਹੈ ।

0 Comments
0

You may also like