Viral Video: ਇਸ ਅਨੋਖੀ ਦੁਲਹਨ ਨੇ ਟੋਇਆਂ ਨਾਲ ਭਰੀ ਸੜਕ 'ਤੇ ਕਰਵਾਇਆ ਫੋਟੋਸ਼ੂਟ

Reported by: PTC Punjabi Desk | Edited by: Lajwinder kaur | September 21st 2022 09:11 PM | Updated: September 21st 2022 09:26 PM

Kerala bride's photoshoot Viral: ਵਿਆਹ ਵਾਲਾ ਦਿਨ ਹਰ ਕਿਸੇ ਦੀ ਜ਼ਿੰਦਗੀ ਦਾ ਸਭ ਤੋਂ ਖ਼ੂਬਸੂਰਤ ਅਤੇ ਖ਼ਾਸ ਦਿਨਾਂ 'ਚੋਂ ਇੱਕ ਹੁੰਦਾ ਹੈ। ਹੋਰ ਕੋਈ ਆਪਣੇ ਵਿਆਹ ਨੂੰ ਖ਼ਾਸ ਢੰਗ ਦੇ ਨਾਲ ਮਨਾਉਣਾ ਚਾਹੁੰਦਾ ਹੈ। ਜਿਸ ਕਰਕੇ ਅਕਸਰ ਖ਼ੂਬਸੂਰਤ ਥਾਵਾਂ ਉੱਤੇ ਦੁਲਹਨਾਂ ਆਪੋ ਆਪਣੇ ਫੋਟੋਸ਼ੂਟ ਕਰਵਾਉਂਦੀਆਂ ਹਨ।

ਪਰ ਸੋਸ਼ਲ ਮੀਡੀਆ ਉੱਤੇ ਇੱਕ ਦੁਲਹਨ ਦਾ ਅਨੋਖਾ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਜੀ ਹਾਂ ਇਸ ਦੁਲਹਨ ਨੇ ਫੈਨਸੀ ਫੋਟੋਸ਼ੂਟ ਨੂੰ ਛੱਡ ਕੇ ਆਪਣੇ ਰਾਜ ਦੀ ਅਸਲੀਅਤ ਨੂੰ ਸਾਹਮਣੇ ਲਿਆਉਣਾ ਚੁਣਿਆ। ਦੱਸ ਦਈਏ ਇਹ ਦੁਲਹਨ ਕੇਰਲ ਰਾਜ ਤੋਂ ਸਬੰਧ ਰੱਖਦੀ ਹੈ। ਇਸ ਫੋਟੋਸ਼ੂਟ ਦੀਆਂ ਤਸਵੀਰਾਂ ਤੇ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਖੂਬ ਵਾਇਰਲ ਹੋ ਰਹੀਆਂ ਹਨ।

viral pic image source Instagram

ਹੋਰ ਪੜ੍ਹੋ : ਆਪਣੇ ਬਚਪਨ ਦੀਆਂ ਯਾਦਾਂ ‘ਚ ਗੁਆਚੇ ਗਾਇਕ ਗੁਰਦਾਸ ਮਾਨ, ਆਪਣੀ ਤੀਜੀ ਜਮਾਤ ਵਾਲੇ ਕਮਰੇ ਦੀ ਤਸਵੀਰ ਕੀਤੀ ਸਾਂਝੀ

bridal viral pic image source Instagram

ਸੋਸ਼ਲ ਮੀਡੀਆ ਪਲੇਟਫਾਰਮਾਂ 'ਤੇ ਵਾਇਰਲ ਹੋਈ ਇਸ ਵੀਡੀਓ ਵਿੱਚ, ਇੱਕ ਸੁੰਦਰ ਦੁਲਹਨ ਜਿਸ ਨੇ ਆਪਣੇ ਵਿਆਹ ਵਾਲਾ ਜੋੜਾ ਪਹਿਣਿਆ ਹੋਇਆ ਹੈ ਤੇ ਨਾਲ ਹੀ ਬਹੁਤ ਸਾਰੇ ਗਹਿਣੇ ਵੀ ਪਾਏ ਹੋਏ ਹਨ । ਇਹ ਦੁਲਹਨ ਗੰਦੇ ਪਾਣੀ ਨਾਲ ਭਰੇ ਟੋਇਆਂ ਵਾਲੀ ਸੜਕ 'ਤੇ ਤੁਰਦੀ ਹੋਈ ਨਜ਼ਰ ਆ ਰਹੀ ਹੈ। ਇਹ ਵਿਆਹ ਦਾ ਫੋਟੋਸ਼ੂਟ ਕਰਵਾਉਣ ਦਾ ਸਭ ਤੋਂ ਅਨੋਖਾ ਦੇਖਣ ਨੂੰ ਮਿਲ ਰਿਹਾ ਹੈ। ਇਸ ਵੀਡੀਓ ‘ਚ ਇੱਕ ਵੀਡੀਓਗ੍ਰਾਫਰ ਵੀ ਨਜ਼ਰ ਆ ਰਿਹਾ ਹੈ ਜੋ ਕਿ ਦੁਲਹਨ ਦੀ ਖ਼ੂਬਸੂਰਤੀ ਨੂੰ ਆਪਣੇ ਕੈਮਰੇ 'ਚ ਕੈਦ ਕਰਦਾ ਹੋਇਆ ਦਿਖਾਈ ਦੇ ਰਿਹਾ ਹੈ।

bridal photoshoot image source Instagram

ਇਸ ਵੀਡੀਓ ਨੂੰ ਇੰਸਟਾਗ੍ਰਾਮ ਹੈਂਡਲ 'ਤੇ 'Arrow_weddingcompany' ਨਾਮ ਦੇ ਪੇਜ ਦੁਆਰਾ ਪੋਸਟ ਕੀਤਾ ਗਿਆ ਹੈ। ਵੀਡੀਓ ਨੂੰ ਕੈਪਸ਼ਨ ਦਿੱਤਾ ਗਿਆ ਹੈ, ‘ਸੜਕ ਦੇ ਵਿਚਕਾਰ ਵਿਆਹ ਦਾ ਫੋਟੋਸ਼ੂਟ’

ਜਦੋਂ ਤੋਂ ਇਹ ਵੀਡੀਓ ਵਾਇਰਲ ਹੋਇਆ ਹੈ ਲੋਕ ਇਸ ਗੱਲ ਤੋਂ ਪ੍ਰਭਾਵਿਤ ਹੋਏ ਹਨ ਕਿ ਕਿਵੇਂ ਦੁਲਹਨ ਨੇ ਕੇਰਲ ਰਾਜ ਦੀ ਮੁੱਖ ਸਮੱਸਿਆ ਨੂੰ ਸਭ ਤੋਂ ਖੂਬਸੂਰਤ ਢੰਗ ਬਿਆਨ ਕੀਤਾ ਹੈ। ਯੂਜ਼ਰ ਵੀ ਕਮੈਂਟ ਕਰਕੇ ਆਪੋ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ।