ਅਜੇ ਦੇਵਗਨ ਦੀ ਫ਼ਿਲਮ 'ਭੋਲਾ' ਦਾ ਦੂਜਾ ਟੀਜ਼ਰ ਹੋਇਆ ਰਿਲੀਜ਼, ਤ੍ਰਿਸ਼ੂਲ ਨਾਲ ਖ਼ਤਰਨਾਕ ਸਟੰਟ ਕਰਦੇ ਨਜ਼ਰ ਆਏ ਅਦਾਕਾਰ, ਵੇਖੋ ਵੀਡੀਓ

Bholaa Teaser Out: ਇਨ੍ਹੀਂ ਦਿਨੀਂ ਬਾਲੀਵੁੱਡ ਦੀਆਂ ਵੱਡੀਆਂ ਫਿਲਮਾਂ ਨੂੰ ਲੈ ਕੇ ਕਾਫੀ ਚਰਚਾ ਹੈ। ਕਈਆਂ ਦੀ ਸ਼ੂਟਿੰਗ ਚੱਲ ਰਹੀ ਹੈ ਅਤੇ ਕਈ ਰਿਲੀਜ਼ ਲਈ ਤਿਆਰ ਹਨ। ਇਸ ਸਭ ਦੇ ਵਿਚਕਾਰ ਅਜੇ ਦੇਵਗਨ ਅਤੇ ਤੱਬੂ ਦੀ ਫ਼ਿਲਮ 'ਭੋਲਾ' ਦਾ ਟੀਜ਼ਰ ਕਾਫੀ ਸੁਰਖੀਆਂ 'ਚ ਆ ਗਿਆ ਹੈ। ਇਸ ਫ਼ਿਲਮ ਦਾ ਇੱਕ ਹੋਰ ਧਮਾਕੇਦਾਰ ਟੀਜ਼ਰ ਰਿਲੀਜ਼ ਹੋ ਗਿਆ ਹੈ। ਜਿਸ ਨੂੰ ਦਰਸ਼ਕ ਬਹੁਤ ਪਸੰਦ ਕਰ ਰਹੇ ਹਨ।

ਇਸ ਟੀਜ਼ਰ 'ਚ ਅਜੇ ਦੇਵਗਨ ਦਾ ਮੁੜ ਇੱਕ ਵਾਰ ਫਿਰ ਤੋਂ ਐਕਸ਼ਨ ਅਵਤਾਰ ਦੇਖਣ ਨੂੰ ਮਿਲਿਆ ਹੈ। ਟੀਜ਼ਰ 'ਚ ਅਜੇ ਦੇਵਗਨ ਖ਼ਤਰਨਾਕ ਸਟੰਟ ਕਰਦੇ ਨਜ਼ਰ ਆ ਰਹੇ ਹਨ। ਕੁਝ ਹੀ ਸਕਿੰਟਾਂ 'ਚ ਅਜੇ ਨੇ ਇਸ ਟੀਜ਼ਰ ਨਾਲ ਅਜਿਹਾ ਸ਼ਾਨਦਾਰ ਕੰਮ ਕੀਤਾ ਹੈ ਕਿ ਪ੍ਰਸ਼ੰਸਕਾਂ ਦੇ ਹੋਸ਼ ਉੱਡ ਗਏ ਹਨ।

image source YouTube

ਫ਼ਿਲਮ 'ਭੋਲਾ' ਦਾ ਇਹ ਟੀਜ਼ਰ ਟ੍ਰੇਲਰ ਜਿੰਨਾ ਲੰਬਾ ਹੈ ਅਤੇ ਇਸ ਪੂਰੇ ਟੀਜ਼ਰ ਵਿੱਚ ਅਜੇ ਦੇਵਗਨ ਇੱਕ ਤੋਂ ਬਾਅਦ ਇੱਕ ਕਈ ਧਮਾਕੇਦਾਰ ਐਕਸ਼ਨ ਕਰਦੇ ਨਜ਼ਰ ਆ ਰਹੇ ਹਨ। ਇਸ ਟੀਜ਼ਰ ਦੀ ਸ਼ੁਰੂਆਤ ਅਜੇ ਦੇਵਗਨ ਦੀ ਆਵਾਜ਼ ਅਤੇ ਇੱਕ ਡਾਇਲਾਗ ਨਾਲ ਹੁੰਦੀ ਹੈ- 'ਜਿਹੜਾ ਪਿਤਾ 10 ਸਾਲਾਂ 'ਚ ਗੁੱਡੀ ਨਹੀਂ ਦੇ ਸਕਿਆ, ਉਹ ਇੱਕ ਰਾਤ 'ਚ ਦੁਨੀਆ ਦੇਣ ਦੀ ਸੋਚ ਰਿਹਾ ਹੈ'।

ਫ਼ਿਲਮ 'ਗਾਈਡ' ਦਾ ਗੀਤ 'ਆਜ ਫਿਰ ਜੀਨੇ ਕੀ ਤਮੰਨਾ ਹੈ' ਟੀਜ਼ਰ ਦੀ ਬੈਕਗ੍ਰਾਊਂਡ 'ਚ ਚੱਲ ਰਿਹਾ ਹੈ। ਇਸ ਦੇ ਨਾਲ ਹੀ ਇਸ ਪੂਰੇ ਟੀਜ਼ਰ ਦੇ ਹਰ ਸੀਨ 'ਚ ਇੱਕ ਤੋਂ ਵਧ ਕੇ ਇੱਕ ਧਮਾਕੇਦਾਰ ਐਕਸ਼ਨ ਸੀਨਸ ਨਾਲ ਭਰਪੂਰ ਹਨ।

ਹੋਰ ਪੜ੍ਹੋ: ਹਿਮਾਚਲ ਵਿਖੇ ਸ਼੍ਰੀ ਬਗਲਮੁੱਖੀ ਮੰਦਿਰ ਦਰਸ਼ਨ ਕਰਨ ਪਹੁੰਚੀ ਹਿਮਾਂਸੀ ਖੁਰਾਣਾ, ਅਦਾਕਾਰਾ ਨੇ ਸ਼ੇਅਰ ਕੀਤੀਆਂ ਤਸਵੀਰਾਂ

ਇਸ ਟੀਜ਼ਰ 'ਚ ਅਜੇ ਦੇਵਗਨ ਕਈ ਸਟੰਟ ਕਰਦੇ ਨਜ਼ਰ ਆ ਰਹੇ ਹਨ। ਉਸ ਨੇ ਚਾਕੂ ਨਾਲ ਕੁਝ ਸਟੰਟ ਕੀਤੇ ਹਨ ਅਤੇ ਇਸ ਤੋਂ ਬਾਅਦ ਇਕ ਸੀਨ ਆਉਂਦਾ ਹੈ ਜਿਸ 'ਚ ਉਹ ਭਗਵਾਨ ਸ਼ਿਵ ਦੀ ਮੂਰਤੀ ਦੇ ਸਾਹਮਣੇ ਤ੍ਰਿਸ਼ੂਲ ਨਾਲ ਲੜਦਾ ਨਜ਼ਰ ਆ ਰਿਹਾ ਹੈ। ਇਸ ਸੀਨ 'ਚ ਉਹ ਤ੍ਰਿਸ਼ੂਲ ਨਾਲ ਹਵਾ 'ਚ ਛਾਲ ਮਾਰਦਾ ਹੈ ਅਤੇ ਅਜਿਹੇ ਸਟੰਟ ਕਰਦਾ ਹੈ ਕਿ ਦੇਖਣ ਵਾਲਿਆਂ ਦੇ ਰੋਂਗਟੇ ਖੜੇ ਹੋ ਜਾਂਦੇ ਹਨ। ਦੱਸ ਦੇਈਏ ਕਿ ਇਹ ਫ਼ਿਲਮ 30 ਮਾਰਚ 2023 ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਣ ਜਾ ਰਹੀ ਹੈ।