ਸਾਊਥ ਅਦਾਕਾਰ ਅਜੀਤ ਕੁਮਾਰ ਦੇ ਫੈਨ ਨੇ ਚੱਲਦੀ ਲਾਰੀ ਤੋਂ ਮਾਰੀ ਛਾਲ, ਹੋਈ ਮੌਤ

Ajith Kumar Fan Death: ਸਾਊਥ ਸਟਾਰਸ ਦਾ ਸਟਾਰਡਮ ਕਿਸੇ ਤੋਂ ਲੁਕਿਆ ਨਹੀਂ ਹੈ। ਆਪਣੇ ਚਹੇਤੇ ਕਲਾਕਾਰਾਂ ਦੀਆਂ ਫਿਲਮਾਂ ਦੇਖਣ ਲਈ ਸਿਨੇਮਾਘਰਾਂ ਵਿੱਚ ਕਾਫੀ ਭੀੜ ਲੱਗੀ ਹੁੰਦੀ ਹੈ। ਅਜਿਹੇ 'ਚ ਕਈ ਵਾਰ ਪ੍ਰਸ਼ੰਸਕ ਇੰਨੇ ਬੇਕਾਬੂ ਹੋ ਜਾਂਦੇ ਹਨ ਕਿ ਉਨ੍ਹਾਂ ਨੂੰ ਆਪਣੀ ਜਾਨ ਦੀ ਵੀ ਪਰਵਾਹ ਨਹੀਂ ਹੁੰਦੀ। ਅਜਿਹਾ ਹੀ ਇੱਕ ਮਾਮਲਾ ਸਾਹਮਣੇ ਆਇਆ ਹੈ।

Image Source : Twitter

ਮੀਡੀਆ ਰਿਪੋਰਟਸ ਦੇ ਮੁਤਾਬਕ ਤਾਮਿਲ ਸੁਪਰਸਟਾਰ ਅਜੀਤ ਕੁਮਾਰ ਦੇ ਇੱਕ ਪ੍ਰਸ਼ੰਸਕ ਨੇ ਜੋਸ਼ ਅਤੇ ਖੁਸ਼ੀ ਵਿੱਚ ਅਜਿਹਾ ਕਦਮ ਚੁੱਕ ਲਿਆ, ਜਿਸ ਦੀ ਕੀਮਤ ਉਸ ਨੂੰ ਜਾਨ ਦੇ ਕੇ ਚੁੱਕਾਉਣੀ ਪਈ।

ਦੱਸ ਦਈਏ ਕਿ ਤਮਿਲ ਅਦਾਕਾਰ ਅਜੀਤ ਕੁਮਾਰ ਦੇ ਇੱਕ ਫੈਨ ਦੀ ਮੌਤ ਦਾ ਤਾਜ਼ਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਫੈਨ ਦੀ ਪਛਾਣ ਭਰਤ ਕੁਮਾਰ ਵਜੋ ਹੋਈ ਹੈ। ਭਰਤ ਕੁਮਾਰ ਨਾਂਅ ਦਾ ਇਹ ਪ੍ਰਸ਼ੰਸਕ ਅਦਾਕਾਰ ਦੀ ਨਵੀਂ ਫ਼ਿਲਮ ਥੁਨੀਵੂ (Thunivu) ਦੀ ਰਿਲੀਜ਼ ਹੋਣ 'ਤੇ ਪਟਾਕੇ ਚਲਾ ਕੇ ਜਸ਼ਨ ਮਨਾ ਰਿਹਾ ਸੀ, ਪਰ ਇਹ ਜਸ਼ਨ ਉਸ ਦੀ ਜ਼ਿੰਦਗੀ 'ਤੇ ਭਾਰੀ ਪੈ ਗਿਆ।

Image Source : Twitter

ਦਰਅਸਲ, ਅਦਾਕਾਰ ਅਜੀਤ ਕੁਮਾਰ ਦੀ ਫ਼ਿਲਮ ਦੇ ਰਿਲੀਜ਼ ਹੋਣ ਤੋਂ ਬਾਅਦ ਪ੍ਰਸ਼ੰਸਕ ਕਾਫੀ ਉਤਸ਼ਾਹਿਤ ਹਨ। ਪਹਿਲਾਂ ਫ਼ਿਲਮ ਦੇਖਣ ਦੇ ਲਈ ਸਿਨੇਮਾਘਰਾਂ 'ਚ ਫੈਨਜ਼ ਦੀ ਭਾਰੀ ਭੀੜ ਇੱਕਠੀ ਹੋ ਗਈ ਅਤੇ ਇਸ ਦੌਰਾਨ ਵੱਡੀ ਗਿਣਤੀ 'ਚ ਫੈਨਜ਼ ਪਟਾਕੇ ਚਲਾ ਕੇ ਅਤੇ ਨੱਚ ਕੇ ਜਸ਼ਨ ਮਨਾਉਂਦੇ ਹੋਏ ਨਜ਼ਰ ਆਏ। ਚੇਨਈ 'ਚ ਫ਼ਿਲਮ ਦੇ ਰਿਲੀਜ਼ ਹੋਣ 'ਤੇ ਪ੍ਰਸ਼ੰਸਕ ਜਸ਼ਨ ਮਨਾ ਰਹੇ ਸਨ। ਇਸ ਦੌਰਾਨ ਇਹ ਦੁਖਦਾਈ ਘਟਨਾ ਵਾਪਰੀ।

Tamil Nadu | Bharath Kumar, a fan of actor Ajith Kumar, who jumped in excitement from a slow-moving lorry succumbed to injuries on Poonamallee highways near Rohini theatre, Chennai. Case registered. He had come to watch #Thunivu film's 1 am show at the theater: Police officials

— ANI (@ANI) January 11, 2023

ਫੈਨ ਨੇ ਚੱਲਦੀ ਲਾਰੀ ਦੇ ਅੱਗੇ ਮਾਰੀ ਛਾਲ

ਨਿਊਜ਼ ਏਜੰਸੀ ਏਐਨਆਈ ਮੁਤਾਬਕ ਅਦਾਕਾਰ ਅਜੀਤ ਕੁਮਾਰ ਦੇ ਪ੍ਰਸ਼ੰਸਕ ਭਰਤ ਕੁਮਾਰ ਦੀ ਤਾਮਿਲਨਾਡੂ ਵਿੱਚ ਮੌਤ ਹੋ ਗਈ ਹੈ। ਪੁਲਿਸ ਅਧਿਕਾਰੀਆਂ ਨੇ ਇਸ ਸਬੰਧੀ ਜਾਣਕਾਰੀ ਦਿੱਤੀ ਹੈ। ਖਬਰਾਂ ਦੀ ਮੰਨੀਏ ਤਾਂ ਭਰਤ ਕੁਮਾਰ ਫ਼ਿਲਮ ਦੀ ਰਿਲੀਜ਼ ਨੂੰ ਲੈ ਕੇ ਇੰਨੇ ਉਤਸ਼ਾਹਿਤ ਸਨ ਕਿ ਉਨ੍ਹਾਂ ਨੇ ਹੌਲੀ-ਹੌਲੀ ਚੱਲ ਰਹੀ ਲਾਰੀ ਤੋਂ ਛਾਲ ਮਾਰ ਦਿੱਤੀ। ਇਸ ਘਟਨਾ 'ਚ ਉਹ ਜ਼ਖਮੀ ਹੋ ਗਿਆ ਅਤੇ ਇਸ ਕਾਰਨ ਉਸ ਦੀ ਮੌਤ ਹੋ ਗਈ।

Image Source : Twitter

ਹੋਰ ਪੜ੍ਹੋ: ਆਲੀਆ ਭੱਟ ਨੇ 'ਨਾਟੂ ਨਾਟੂ' ਲਈ ਗੋਲਡਨ ਗਲੋਬ ਜਿੱਤਣ 'ਤੇ RRR ਦੀ ਟੀਮ ਨੂੰ ਦਿੱਤੀ ਵਧਾਈ

ਦੱਸ ਦੇਈਏ ਕਿ ਇਹ ਘਟਨਾ ਚੇਨਈ ਦੇ ਰੋਹਿਣੀ ਥੀਏਟਰ ਨੇੜੇ ਪੂਨਮੱਲੀ ਹਾਈਵੇ ਦੀ ਦੱਸੀ ਜਾ ਰਹੀ ਹੈ। ਜਿੱਥੇ ਫ਼ਿਲਮ ਥੁਨੀਵੂ ਦਾ 1 ਵਜੇ ਦਾ ਸ਼ੋਅ ਦੇਖਣ ਪਹੁੰਚੇ ਸਨ। ਪੁਲਿਸ ਨੇ ਇਸ ਮਾਮਲੇ ਵਿੱਚ ਕੇਸ ਦਰਜ ਕਰ ਲਿਆ ਹੈ।

#WATCH | Chennai, Tamil Nadu: Fans of actor Ajith Kumar and of actor Vijay burst firecrackers, dance and celebrate outside a movie theatre as they gather to watch the former's #Thunivu and the latter's #Varisu

Both films have released on the same day after 8 years. pic.twitter.com/3YKX2gtMRe

— ANI (@ANI) January 11, 2023