Trending:
ਐਮੀ ਵਿਰਕ ਨੇ ਇੰਗਲੈਂਡ ‘ਚੋਂ ਲਾਈਵ ਹੋ ਕੇ ਕਿਸਾਨਾਂ ਦੀ ਜਿੱਤ ਲਈ ‘ਸਤਨਾਮ ਵਾਹਿਗੁਰੂ’ ਦਾ ਕੀਤਾ ਜਾਪ, ਨਾਲ ਹੀ ਅਕਸ਼ੇ ਕੁਮਾਰ ਨਾਲ ਵਾਇਰਲ ਹੋ ਰਹੀ ਤਸਵੀਰ ਦਾ ਦੱਸਿਆ ਅਸਲ ਸੱਚ
ਪੰਜਾਬੀ ਗਾਇਕ ਐਮੀ ਵਿਰਕ ਜੋ ਕਿ ਏਨੀਂ ਦਿਨੀਂ ਇੰਗਲੈਂਡ ਪਹੁੰਚ ਹੋਏ ਨੇ । ਉਨ੍ਹਾਂ ਨੇ ਉੱਥੋਂ ਹੀ ਇੰਸਟਾਗ੍ਰਾਮ ਲਾਈਵ ਚ ਆ ਕੇ ਕਿਸਾਨਾਂ ਵੀਰਾਂ ਦੇ ਲਈ ਗੱਲ ਕੀਤੀ ਤੇ ਨਾਲ ਹੀ ਲੋਕਾਂ ਦੀ ਗਲਤਫਹਿਮੀ ਨੂੰ ਵੀ ਦੂਰ ਕੀਤਾ ਹੈ ।
ਜੀ ਹਾਂ ਸੋਸ਼ਲ ਮੀਡੀਆ ਉੱਤੇ ਐਮੀ ਵਿਰਕ ਦੀ ਅਕਸ਼ੇ ਕੁਮਾਰ ਦੇ ਨਾਲ ਇੱਕ ਤਸਵੀਰ ਖੂਬ ਵਾਇਰਲ ਹੋ ਰਹੀ ਹੈ। ਜਿਸ ਕਰਕੇ ਐਮੀ ਵਿਰਕ ਦੇ ਖਿਲਾਫ ਲੋਕਾਂ ‘ਚ ਨਰਾਜ਼ਗੀ ਦੇਖਣ ਨੂੰ ਮਿਲ ਰਹੀ ਹੈ । ਕਿਉਂਕਿ ਬਾਲੀਵੁੱਡ ਐਕਟਰ ਅਕਸ਼ੇ ਕੁਮਾਰ ਨੇ ਕਿਸਾਨਾਂ ਦੇ ਹੱਕ ਦੀ ਥਾਂ ਕੇਂਦਰ ਸਰਕਾਰ ਦੇ ਪੱਖ ਦੀ ਗੱਲ ਕੀਤੀ ਹੈ । ਜਿਸ ਕਰਕੇ ਲੋਕਾਂ ਚ ਕਾਫੀ ਗੁੱਸਾ ਹੈ ।
ਐਮੀ ਵਿਰਕ ਨੇ ਦੱਸਿਆ ਹੈ ਕਿ ਇਹ ਤਸਵੀਰ ਦੋ-ਤਿੰਨ ਮਹੀਨੇ ਪੁਰਾਣੀ ਹੈ । ਇਹ ‘ਫਿਲਹਾਲ -2’ ਗਾਣੇ ਦੀ ਸ਼ੂਟਿੰਗ ਟਾਈਮ ਦੀ ਹੈ । ਇਹ ਵੀਡੀਓ ਉਨ੍ਹਾਂ ਨੇ ਬੀ ਪਰਾਕ ਤੇ ਜਾਨੀ ਭਰਾਵਾਂ ਲਈ ਕੀਤੀ ਸੀ ਨਾ ਕੇ ਪੈਸਿਆਂ ਲਈ । ਉਨ੍ਹਾਂ ਨੇ ਨਾਲ ਇਹ ਵੀ ਕਿਹਾ ਹੈ ਕਿ ਹੁਣ ਪਤਾ ਲੱਗ ਗਿਆ ਕਿਸ ਦੇ ਨਾਲ ਕੰਮ ਕਰਨਾ ਹੈ । ਜੋ ਅੱਜ ਕਿਸਾਨਾਂ ਦੇ ਨਾਲ ਖੜ੍ਹੇ ਨੇ ਸਿਰਫ ਉਨ੍ਹਾਂ ਦੇ ਨਾਲ ਹੀ ਅੱਗੇ ਕੰਮ ਕਰਨਗੇ । ਉਨ੍ਹਾਂ ਨੇ ਸਭ ਨੂੰ ਬੇਨਤੀ ਵੀ ਕੀਤੀ ਇਕੱਠੇ ਰਹੀਏ । ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਆਪਣੀ ਟੀਮ ਦੇ ਨਾਲ ਮਿਲਕੇ ਕਿਸਾਨਾਂ ਦੀ ਕਾਮਯਾਬੀ ਲਈ ‘ਸਤਨਾਮ ਵਾਹਿਗੁਰੂ’ ਦਾ ਜਾਪ ਵੀ ਕੀਤਾ।
View this post on Instagram
