ਜਲਦ ਆ ਰਿਹਾ ਹੈ ਸਟੈਂਡ ਅੱਪ ‘ਤੇ ਪਾਓ ਖੱਪ ਸੀਜ਼ਨ-2, 19 ਅਗਸਤ ਤੱਕ ਭੇਜ ਸਕਦੇ ਹੋ ਵਾਇਲਡ ਕਾਰਡ ਐਂਟਰੀ
ਅੱਜ ਦੀ ਤਣਾਅ ਭਰੀ ਜ਼ਿੰਦਗੀ ‘ਚ ਹਰ ਕੋਈ ਹਾਸਿਆਂ ਦੇ ਪਲ ਲੱਭਦਾ ਹੈ । ਇਸੇ ਮਕਸਦ ਦੇ ਨਾਲ ਪੀਟੀਸੀ ਪੰਜਾਬੀ ਵੱਲੋਂ ਆਪਣੇ ਦਰਸ਼ਕਾਂ ਦੇ ਮਨੋਰੰਜਨ ਦਾ ਖ਼ਿਆਲ ਰੱਖਦੇ ਹੋਏ ਸਟੈਂਡ ਅੱਪ ‘ਤੇ ਪਾਓ ਖੱਪ ਸੀਜ਼ਨ-2 (Stand Up Te Paao Khapp Season 2) ਲੈ ਕੇ ਆ ਰਿਹਾ ਹੈ । ਇਸ ਸੀਜ਼ਨ ‘ਚ ਲੱਗਣਗੇ ਹਾਸਿਆਂ ਦੇ ਠਹਾਕੇ ਅਤੇ ਸ਼ੋਅ ਨੂੰ ਹੋਸਟ ਕਰ ਰਹੇ ਹਨ ਪਰਵਿੰਦਰ ਸਿੰਘ ।
ਹੋਰ ਪੜ੍ਹੋ : ਦੋਗਲੇ ਲੋਕਾਂ ਬਾਰੇ ਭਾਈ ਸਾਹਿਬ ਨੇ ਬਿਆਨ ਕੀਤਾ ਗੁਰੂ ਸਾਹਿਬ ਦਾ ਫਰਮਾਨ, ਦਰਸ਼ਨ ਔਲਖ ਨੇ ਸਾਂਝਾ ਕੀਤਾ ਵੀਡੀਓ
ਜੀ ਹਾਂ ਇਸ ਵਾਰ ਦਰਸ਼ਕ ਜੋ ਕਿ ਆਪਣੀ ਕਾਮੇਡੀ ਦੇ ਨਾਲ ਅਕਸਰ ਆਪਣੇ ਘਰ ਪਰਿਵਾਰ ‘ਚ ਰੌਣਕਾਂ ਲਗਾਉਂਦੇ ਹਨ ਉਨ੍ਹਾਂ ਨੂੰ ਵੀ ਪੀਟੀਸੀ ਪੰਜਾਬੀ ‘ਤੇ ਛਾ ਜਾਣ ਦਾ ਮੌਕਾ ਮਿਲ ਸਕਦਾ ਹੈ । ਇਸ ਲਈ ਤੁਹਾਨੂੰ ਬਨਾਉਣਾ ਪਵੇਗਾ ਆਪਣਾ ਇੱਕ ਮਿੰਟ ਦਾ ਵੀਡੀਓ ਤਾਂ ਫਿਰ ਦੇਰ ਕਿਸ ਗੱਲ ਆ ਜਾਓ ਤੇ ਛਾ ਜਾਓ ।
ਹੋਰ ਪੜ੍ਹੋ : ਕੀ ਹਿਮਾਂਸ਼ੀ ਖੁਰਾਣਾ ਨੇ ਹਟਾਇਆ ਬੱਬੂ ਮਾਨ ਦੇ ਨਾਂਅ ਵਾਲਾ ਟੈਟੂ! ਜਾਣੋ ਪੂਰੀ ਖ਼ਬਰ
ਬਣਾਓ ਆਪਣੀ ਇੱਕ ਮਿੰਟ ਦੀ ਵੀਡੀਓ ਤੇ ਕਰੋ ਅਪਲੋਡ ਆਪਣੇ ਫੇਸਬੁੱਕ ਪੇਜ ‘ਤੇ ਜਾਂ ਇੰਸਟਾਗ੍ਰਾਮ ਪ੍ਰੋਫਾਈਲ ‘ਤੇ, ਉਸ ‘ਚ ਇਸਤੇਮਾਲ ਕਰੋ #ਸਟੈਂਡਅੱਪਤੇਪਾਓਖੱਪ ਹੈਸ਼ਟੈਗ ਤੇ ਨਾਲ ਹੀ ਟੈਗ ਕਰ ਦਿਓ ਪੀਟੀਸੀ ਪੰਜਾਬੀ ਅਤੇ ਪੀਟੀਸੀ ਪਲੇਅ ਐਪ ਦੇ ਆਫੀਸ਼ੀਅਲ ਪੇਜ ਨੂੰ। ਜੇ ਤੁਹਾਡੀ ਵੀਡੀਓ ਸਿਲੈਕਟ ਹੁੰਦੀ ਹੈ ਤਾਂ ਤੁਹਾਨੂੰ ਮਿਲੇਗੀ ‘ਵਾਇਲਡ ਕਾਰਡ ਐਂਟਰੀ’ ਪੀਟੀਸੀ ਪੰਜਾਬੀ ‘ਚ । ਜਿਸ ਦਾ ਵੀ ਵੀਡੀਓ ਸਿਲੈਕਟ ਹੋਵੇਗਾ, ਉਸ ਨੂੰ ਸਟੈਂਡ ਅੱਪ ‘ਤੇ ਪਾਓ ਖੱਪ ‘ਚ ਪਰਫਾਰਮ ਕਰਨ ਦਾ ਮੌਕਾ ਵੀ ਮਿਲੇਗਾ ।
ਜੇ ਤੁਸੀਂ ਆਪਣਾ ਵੀਡੀਓ ਪੀਟੀਸੀ ਪੰਜਾਬੀ ‘ਤੇ ਵਾਇਲਡ ਕਾਰਡ ਐਂਟਰੀ ਲਈ ਭੇਜ ਰਹੇ ਹੋ ਤਾਂ ਹੇਠ ਲਿਖੀਆਂ ਸ਼ਰਤਾਂ ਅਤੇ ਨਿਯਮਾਂ ਦਾ ਧਿਆਨ ਰੱਖਣਾ ਪਵੇਗਾ ।
1 ਪੀਟੀਸੀ ਨੈੱਟਵਰਕ ਕੋਲ ਸਬੰਧਤ ਸਮੱਗਰੀ ਦੇ ਸਾਰੇ ਕਾਪੀਰਾਈਟ ਹੋਣਗੇ ।
2 ਕੋਈ ਵੀ ਵਿਅਕਤੀ ਇੰਸਟਾਗ੍ਰਾਮ/ਫੇਸਬੁੱਕ ਉਪਭੋਗਤਾ ਜੋ ਸਟੈਂਡ ਅੱਪ ਕਾਮੇਡੀ ਕਰ ਸਕਦਾ ਹੈ, ਵਾਇਲਡ ਕਾਰਡ ਐਂਟਰੀ ਸਹੂਲਤ ਦਾ ਹਿੱਸਾ ਬਣਨ ਲਈ ਇੰਸਟਾਗ੍ਰਾਮ/ਫੇਸਬੁੱਕ ਰਾਹੀਂ ਆਪਣੀ ਐਂਟਰੀ ਭੇਜ ਸਕਦਾ ਹੈ।
3 ਪੀਟੀਸੀ ਨੈੱਟਵਰਕ ਨੂੰ ਵਾਇਲਡ ਕਾਰਡ ਐਂਟਰੀ ਰਾਹੀਂ ਭੇਜੀ ਗਈ ਕਿਸੇ ਵੀ ਐਂਟਰੀ ਨੂੰ ਚੁਣਨ/ ਰੱਦ ਕਰਨ ਦਾ ਅਧਿਕਾਰ ਹੈ।
4 ਭੇਜੀਆਂ ਗਈਆਂ ਸਾਰੀਆਂ ਐਂਟਰੀਆਂ ਸ਼ੋਅ ਵਿੱਚ ਪ੍ਰਦਰਸ਼ਿਤ ਹੋਣ ਦੇ ਹੱਕਦਾਰ ਨਹੀਂ ਹਨ, ਸਿਰਫ਼ ਚੁਣੀਆਂ ਗਈਆਂ ਐਂਟਰੀਆਂ ਹੀ ਸ਼ੋਅ ਵਿੱਚ ਪ੍ਰਦਰਸ਼ਿਤ ਹੋ ਸਕਦੀਆਂ ਹਨ ਜਾਂ ਸ਼ੋਅ ਦੇ ਨਿਰਮਾਣ ਲਈ ਵਰਤੀਆਂ ਜਾ ਸਕਦੀਆਂ ਹਨ।
5 ਪੀਟੀਸੀ ਨੈੱਟਵਰਕ ਸਮੇਂ ਦੇ ਕਿਸੇ ਵੀ ਬਿੰਦੂ 'ਤੇ ਬਿਨਾਂ ਕਿਸੇ ਕਾਰਨ ਦਾ ਹਵਾਲਾ ਦਿੱਤੇ ਐਂਟਰੀ ਨੂੰ ਰੱਦ/ਵਾਪਸ ਲੈਣ/ਰੋਕਣ ਦਾ ਅਧਿਕਾਰ ਰੱਖਦਾ ਹੈ।
6 ਪ੍ਰਤੀਭਾਗੀਆਂ ਨੂੰ ਦਿੱਤੇ ਗਏ ਹੈਸ਼ਟੈਗ #StandUpTePaaoKhapp Season2 ਦੀ ਵਰਤੋਂ ਕਰਨੀ ਪਵੇਗੀ।
7 ਪ੍ਰਤੀਭਾਗੀਆਂ ਨੂੰ 'ਪੀਟੀਸੀ ਪੰਜਾਬੀ ' ਅਤੇ 'ਪੀਟੀਸੀ ਪਲੇ ਆਫੀਸ਼ੀਅਲ' ਦੇ ਇੰਸਟਾਗ੍ਰਾਮ ਅਤੇ ਫੇਸਬੁੱਕ ਖਾਤੇ ਨੂੰ ਟੈਗ ਕਰਨਾ ਹੋਵੇਗਾ।
8 ਜਿਸ ਵਿਅਕਤੀ ਦੀ ਰੀਲ ‘ਤੇ ਸਭ ਤੋਂ ਜ਼ਿਆਦਾ ਲਾਈਕਸ ਹੋਣਗੇ ਉਨ੍ਹਾਂ ‘ਤੇ ਵਿਚਾਰ ਕੀਤਾ ਜਾਵੇਗਾ
9 ਭਾਗ ਲੈਣ ਵਾਲੇ ਵਿਅਕਤੀ ਦਾ ਪ੍ਰੋਫਾਈਲ ਜਨਤਕ ਹੋਣਾ ਚਾਹੀਦਾ ਹੈ।
10 ਨਸਲ, ਧਰਮ, ਭਾਈਚਾਰਾ, ਲਿੰਗ ਅਤੇ ਲੋਕਾਂ ਨੂੰ ਠੇਸ ਪਹੁੰਚਾਉਣ ਵਾਲੇ ਵਿਸ਼ਿਆਂ 'ਤੇ ਚੁਟਕਲੇ ਬਰਦਾਸ਼ਤ ਨਹੀਂ ਕੀਤੇ ਜਾਣਗੇ ਅਤੇ ਦਾਖਲੇ ਨੂੰ ਅਯੋਗ ਕਰਾਰ ਦਿੱਤਾ ਜਾਵੇਗਾ।
11 ਭਾਗੀਦਾਰ ਕਈ ਐਂਟਰੀਆਂ ਭੇਜ ਸਕਦੇ ਹਨ।
12 ਭਾਗ ਲੈਣ ਦੀ ਆਖਰੀ ਮਿਤੀ 19 ਅਗਸਤ, 2022 ਹੈ ਪਰ ਤੁਸੀਂ ਹੁਣ ਤੋਂ ਪੀਟੀਸੀ ਪੰਜਾਬੀ ਦੇ ਅਧਿਕਾਰਤ ਇੰਸਟਾਗ੍ਰਾਮ ਖਾਤੇ 'ਤੇ ਐਂਟਰੀਆਂ ਭੇਜ ਸਕਦੇ ਹੋ।
13 ਰੀਲ ਦੀ ਮਿਆਦ 30 ਸਕਿੰਟ ਤੋਂ -1 ਮਿੰਟ ਹੋਣੀ ਚਾਹੀਦੀ ਹੈ।