'ਔਡੀ ਵਰਸਿਜ਼ ਕੜ੍ਹਾ' ਗੀਤ ਦੀ ਪਹਿਲੀ ਝੱਲਕ ਹੋਈ ਜਾਰੀ

ਰਮੀ ਰੰਧਾਵਾ ਤੇ ਪ੍ਰਿੰਸ ਰੰਧਾਵਾ, ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਦੇ ਇਹ ਇਹੋ ਜਿਹੇ ਨਾਮ ਨੇ ਜੋ ਸਿਰਫ਼ ਸੱਚ ਤੇ ਸਾਫ਼ ਹੀ ਗਾਉਂਦੇ ਹਨ |

ਜੀ ਹਾਂ ਇਨਾਂ ਦੋਵੇਂ ਭਰਾਵਾਂ ਨੇ ਆਪਣੀ ਗਾਇਕੀ ਦੀ ਸ਼ੁਰੂਆਤ ਹੀ ਸੱਚੇ ਤੇ ਸੁੱਚੇ ਗੀਤਾਂ ਦੇ ਨਾਲ ਕੀਤੀ ਸੀ | ਇਨਾਂ ਦੀ ਆਪਣੇ ਕੰਮ ਦੇ ਲਈ ਇਹ ਦ੍ਰਿੜ੍ਹਤਾ ਹੀ ਹੈ ਜੋ ਇਨ੍ਹਾਂ ਨੂੰ ਇੱਕੋ ਜਿਹੇ ਮੁਕਾਮ ਤੇ ਲੈ ਆਈ ਹੈ | ਹੁਣ ਜਲਦ ਹੀ ਤੁਸੀਂ ਫਿਰ ਤੋਂ ਇਨ੍ਹਾਂ ਦੋਹਾਂ ਭਰਾਵਾਂ ਨੂੰ ਇੱਕ ਨਵੇਂ ਗੀਤ 'ਚ ਵੇਖੋਂਗੇ | ਇਸ ਗੀਤ ਨੂੰ ਰਮੀ ਨੇ ਗਾਇਆ ਹੈ ਤੇ ਪ੍ਰਿੰਸ ਨੇ ਇਸ ਗਾਣੇ ਵਿਚ ਬਤੌਰ ਮਾਡਲ ਕੰਮ ਕੀਤਾ ਹੈ | ਗੀਤ ਦਾ ਨਾਮ ਹੈ 'ਔਡੀ ਵਰਸਿਜ਼ ਕੜ੍ਹਾ', ਗੀਤ ਦੀ ਅਜੇ ਪਹਿਲੀ ਝਲਕ ਯੂ-ਟਿਊਬ ਤੇ ਆਈ ਹੈ ਤੇ ਪੂਰਾ ਗੀਤ 2 ਅਕਤੂਬਰ ਨੂੰ ਰਿਲੀਜ਼ ਕੀਤਾ ਜਾਏਗਾ |