LIVE:
ਜਾਨੀ ਦੇ ਬੋਲਾਂ ‘ਚ ਰੰਗੇ ਨਜ਼ਰ ਆ ਰਹੇ ਨੇ ਆਯੁਸ਼ਮਾਨ ਖੁਰਾਨਾ ਤੋਂ ਲੈ ਕੇ ਨੇਹਾ ਸ਼ਰਮਾ, ‘ਫਿਲਹਾਲ’ ਗੀਤ ਮਚਾ ਰਿਹਾ ਹੈ ਯੂ-ਟਿਊਬ ‘ਤੇ ਧਮਾਲ
ਅਕਸ਼ੇ ਕੁਮਾਰ ਜੋ ਕਿ ਆਪਣੇ ਪਹਿਲੇ ਮਿਊਜ਼ਿਕ ਵੀਡੀਓ ਦੇ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤਣ ‘ਚ ਕਾਮਯਾਬ ਰਹੇ ਨੇ। ਹਾਲ ਹੀ ‘ਚ ਰਿਲੀਜ਼ ਹੋਏ ‘ਫਿਲਹਾਲ’ ਗੀਤ ਦਾ ਸਰੂਰ ਪੰਜਾਬੀ ਸਿਤਾਰਿਆਂ ਦੇ ਨਾਲ ਬਾਲੀਵੁੱਡ ਦੇ ਅਦਾਕਾਰਾਂ ਦੇ ਸਿਰ ਚੜ੍ਹ ਕੇ ਬੋਲ ਰਿਹਾ ਹੈ। ਸਿੰਮੀ ਚਾਹਲ ਤੋਂ ਲੈ ਕੇ ਜੱਸੀ ਗਿੱਲ ਨੇ ਇੰਸਟਾਗ੍ਰਾਮ ਉੱਤੇ ਸਟੋਰੀ ਪਾ ਕੇ ਦੱਸਿਆ ਗੀਤ ਰਿਪੀਟ ‘ਤੇ ਚੱਲ ਰਿਹਾ ਹੈ।
ਜਾਨੀ ਨੇ ਆਪਣੇ ਇੰਸਟਾਗ੍ਰਾਮ ਉੱਤੇ ਕੁਝ ਖ਼ਾਸ ਵੀਡੀਓ ਸ਼ੇਅਰ ਕੀਤੀਆਂ ਨੇ। ਜਿਸ ‘ਚ ਬਾਲੀਵੁੱਡ ਦੇ ਹੀਰੋ ਆਯੁਸ਼ਮਾਨ ਖੁਰਾਨਾ ਤੇ ਬਾਲੀਵੁੱਡ ਅਦਾਕਾਰਾ ਨੇਹਾ ਸ਼ਰਮਾ ‘ਫਿਲਹਾਲ’ ਗਾਣੇ ਉੱਤੇ ਆਪਣੀ ਵੀਡੀਓ ਬਣਾਈ ਹੈ। ਦੋਵੇਂ ਗਾਇਕ ਇਸ ਗਾਣੇ ਦਾ ਅਨੰਦ ਲੈਂਦੇ ਹੋਏ ਨਜ਼ਰ ਆ ਰਹੇ ਹਨ।
ਜੇ ਗੱਲ ਕਰੀਏ ਫਿਲਹਾਲ ਗਾਣੇ ਦੀ ਤਾਂ ਉਸ ਨੂੰ ਬੀ ਪਰਾਕ ਨੇ ਆਪਣੀ ਦਮਦਾਰ ਆਵਾਜ਼ ਦੇ ਨਾਲ ਸ਼ਿੰਗਾਰਿਆ ਹੈ ਤੇ ਮਿਊਜ਼ਿਕ ਵੀ ਖੁਦ ਦਿੱਤਾ ਹੈ। ਇਸ ਗਾਣੇ ਦੇ ਬੋਲ ਜਾਨੀ ਦੀ ਕਲਮ ‘ਚੋਂ ਹੀ ਨਿਕਲੇ ਨੇ ਤੇ ਵੀਡੀਓ ਅਰਵਿੰਦਰ ਖਹਿਰਾ ਵੱਲੋਂ ਸ਼ਾਨਦਾਰ ਤਿਆਰ ਕੀਤਾ ਗਿਆ ਹੈ। ਗਾਣੇ ਨੂੰ ਅਕਸ਼ੇ ਕੁਮਾਰ ਤੇ ਨੂਪੁਰ ਸੈਨਨ ਉੱਤੇ ਫਿਲਮਾਇਆ ਗਿਆ ਹੈ ਤੇ ਸਪੈਸ਼ਲ ਫੀਚਰਿੰਗ ਐਮੀ ਵਿਰਕ ਨੇ ਕੀਤੀ ਹੈ। ਗੀਤ ਨੇ ਯੂਟਿਊਬ ਤੇ ਧਮਾਲ ਮਚਾਈ ਹੋਈ ਹੈ। ਗਾਣੇ ਨੂੰ 35 ਮਿਲੀਅਨ ਤੋਂ ਵੱਧ ਵਿਊਜ਼ ਮਿਲ ਚੁੱਕੇ ਹਨ।
