ਬੀ ਪਰਾਕ ਦੀ ਪਤਨੀ ਮੀਰਾ ਬੱਚਨ ਨੇ ਆਪਣੇ ਮਰਹੂਮ ਨਵਜੰਮੇ ਦੂਜੇ ਬੱਚੇ ਲਈ ਪਾਈ ਭਾਵੁਕ ਪੋਸਟ, ਕਿਹਾ- ‘I Love You My Angel’
ਮਸ਼ਹੂਰ ਗਾਇਕ ਬੀ ਪਰਾਕ ਆਪਣੇ ਦੂਜੇ ਬੱਚੇ ਦੇ ਜਨਮ ਲਈ ਕਾਫ਼ੀ ਉਤਸ਼ਾਹਿਤ ਸਨ, ਪਰ ਪਰਮਾਤਮਾ ਨੂੰ ਕੁਝ ਹੋਰ ਹੀ ਮਨਜ਼ੂਰ ਸੀ, ਜਿਸ ਕਰਕੇ ਦੂਜੇ ਬੱਚੇ ਦਾ ਜਨਮ ਵੇਲੇ ਹੀ ਦਿਹਾਂਤ ਹੋ ਗਿਆ ਸੀ। ਇਸ ਦੀ ਜਾਣਕਾਰੀ ਖੁਦ ਬੀ ਪਰਾਕ ਨੇ ਦਿੱਤੀ ਸੀ। ਸੋਗ ਦੇ ਕਈ ਦਿਨਾਂ ਬਾਅਦ ਮੀਰਾ ਰਾਜਪੂਤ ਨੇ ਆਪਣੇ ਬੱਚੇ ਲਈ ਬਹੁਤ ਹੀ ਪਿਆਰ ਤੇ ਇਮੋਸ਼ਨਲ ਨੋਟ ਪਾਇਆ ਹੈ।
ਮੀਰਾ ਬੱਚਨ ਨੇ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ਉੱਤੇ ਇੱਕ ਨੋਟ ਸ਼ੇਅਰ ਕੀਤਾ ਹੈ। ਜਿਸ ‘ਚ ਉਨ੍ਹਾਂ ਨੇ ਆਪਣੇ ਦਿਲ ਦੀਆਂ ਭਾਵਨਾਵਾਂ ਨੂੰ ਬਿਆਨ ਕੀਤਾ ਹੈ।
Image Source: Instagram
ਮੀਰਾ ਨੇ ਇੰਸਟਾਗ੍ਰਾਮ ਪੋਸਟ ’ਚ ਲਿਖਿਆ, ‘‘ਸਵਰਗ ’ਚ ਇੱਕ ਖ਼ਾਸ Angel ਹੈ, ਜੋ ਮੇਰਾ ਇੱਕ ਹਿੱਸਾ ਹੈ, ਇਹ ਉਹ ਜਗ੍ਹਾ ਨਹੀਂ ਹੈ, ਜਿਥੇ ਮੈਂ ਉਸ ਨੂੰ ਹੋਣ ਦੇਣਾ ਚਾਹੁੰਦੀ ਸੀ, ਸਗੋਂ ਭਗਵਾਨ ਚਾਹੁੰਦੇ ਸਨ ਕਿ ਉਹ ਉਥੇ ਹੋਵੇ...ਉਹ ਇਥੇ ਇੱਕ ਪਲ ਲਈ ਇੱਕ ਸ਼ੂਟਿੰਗ ਸਟਾਰ ਵਾਂਗ ਆਇਆ ਸੀ ਤੇ ਹੁਣ ਉਹ ਸਵਰਗ ’ਚ ਹੈ...ਉਸ ਨੇ ਬਹੁਤਿਆਂ ਦੇ ਦਿਲਾਂ ਨੂੰ ਛੂਹਿਆ, ਜਿਵੇਂ ਸਿਰਫ ਇੱਕ ਮਸੀਹਾ ਹੀ ਕਰ ਸਕਦਾ ਹੈ...'
Image Source: Instagram
ਉਨ੍ਹਾਂ ਨੇ ਅੱਗੇ ਲਿਖਿਆ ਹੈ- ‘ਮੈਂ ਉਸ ਨੂੰ ਬਹੁਤ ਪਿਆਰ ਕਰਦੀ ਜੇਕਰ ਮੈਨੂੰ ਪਤਾ ਹੁੰਦਾ...ਭਾਵੇਂ ਤੂੰ ਮੇਰੇ ਨਾਲ ਨਹੀਂ ਹੈ, ਮੈਂ ਤੈਨੂੰ ਪਿਆਰ ਕਰਨਾ ਕਦੇ ਨਹੀਂ ਛੱਡਾਂਗੀ...ਮੈਂ ਹਰ ਪਲ ਤੇਰੇ ਬਾਰੇ ਸੋਚਦੀ ਹਾਂ ਤੇ ਸਿਰਫ ਇਹੀ ਚਾਹੁੰਦੀ ਹਾਂ ਕਿ ਮੈਂ ਸਮੇਂ ਨੂੰ ਆਪਣੇ ਹਿੱਸੇ ’ਚ ਕਰ ਸਕਾਂ ਤੇ ਤੈਨੂੰ ਦੱਸ ਸਕਾਂ ਕਿ ਅਸੀਂ ਤੈਨੂੰ ਕਿੰਨਾ ਪਿਆਰ ਕਰਦੇ ਹਾਂ...'
Image Source: Instagram
ਮੀਰਾ ਨੇ ਅੱਗੇ ਕਿਹਾ ਹੈ- ‘ਇੰਨੇ ਮਹੀਨੇ ਤੇਰਾ ਨੰਨ੍ਹਾ ਦਿਲ ਇੰਨੀ ਜ਼ੋਰ ਨਾਲ ਧੜਕ ਰਿਹਾ ਸੀ, ਉਹ ਹੁਣ ਖਾਮੋਸ਼ ਹੈ...ਤੇਰੇ ਨੰਨ੍ਹੇ-ਨੰਨ੍ਹੇ ਹੱਥ-ਪੈਰ ਜ਼ੋਰ-ਜ਼ੋਰ ਨਾਲ ਚੱਲ ਰਹੇ ਸਨ ਇੰਨੇ ਮਹੀਨੇ, ਹੁਣ ਸ਼ਾਂਤ ਹਨ...ਅਸੀਂ ਤੈਨੂੰ ਵਧਦੇ ਹੋਏ, ਤੈਨੂੰ ਕੱਸ ਕੇ ਫੜਦੇ ਹੋਏ ਦੇਖਣ ਦਾ ਬਹੁਤ ਸੁਫ਼ਨਾ ਦੇਖਿਆ ਸੀ ਪਰ ਕਿਸਮਤ ਨੂੰ ਕੁਝ ਹੋਰ ਹੀ ਮਨਜ਼ੂਰ ਸੀ...ਮੈਂ ਸਿਰਫ ਤੇਰੀ ਮੁਸਕਾਨ ਦੇ ਸੁਫ਼ਨੇ ਦੇਖਦੀ ਹਾਂ,...ਮੰਮਾ ਤੁਹਾਨੂੰ ਅੰਤ ਤਕ ਪਿਆਰ ਕਰਦੀ ਰਹੇਗੀ ਤੇ ਸੱਚਾਈ ਇਹ ਹੈ ਕਿ ਤੂੰ ਸੀ, ਤੂੰ ਹੈ ਤੇ ਹਮੇਸ਼ਾ ਮੇਰਾ ਰਹੇਂਗਾ। ਆਈ ਲਵ ਯੂ ਮਾਈ ਏਂਜਲ'। ਇਹ ਦਿਲ ਨੂੰ ਛੂਹ ਜਾਣ ਵਾਲਾ ਨੋਟ ਉਨ੍ਹਾਂ ਨੇ ਆਪਣੇ ਦੂਜੇ ਬੱਚੇ ਲਈ ਲਿਖਿਆ ਹੈ। ਇਸ ਪੋਸਟ ਉੱਤੇ ਕਲਾਕਾਰ ਤੇ ਪ੍ਰਸ਼ੰਸਕ ਕਮੈਂਟ ਕਰਕੇ ਕਹਿ ਰਹੇ ਨੇ ਕਿ ਭਾਬੀ ਜੀ ਹਿੰਮਤ ਰੱਖੋ।
View this post on Instagram