ਬੇਟੇ ‘ਗੋਲਾ’ ਲਈ ਰੱਖੀ ਨੈਨੀ ਕਰਦੀ ਪਈ ਸੀ ਅਜਿਹਾ ਕੰਮ, ਭਾਰਤੀ ਸਿੰਘ ਨੇ ਫੜ੍ਹ ਲਈ ਰੰਗੀ ਹੱਥੀ
ਟੀਵੀ ਇੰਡਸਟਰੀ ਦੀ ਮਸ਼ਹੂਰ ਜੋੜੀ ਭਾਰਤੀ ਸਿੰਘ ਅਤੇ ਹਰਸ਼ ਲਿੰਬਾਚੀਆ ਆਪਣੇ ਮਜ਼ੇਦਾਰ ਅੰਦਾਜ਼ ਲਈ ਜਾਣੇ ਜਾਂਦੇ ਹਨ। ਦੋਵੇਂ ਸੋਸ਼ਲ ਮੀਡੀਆ 'ਤੇ ਕਾਫੀ ਐਕਟਿਵ ਰਹਿੰਦੇ ਹਨ ਅਤੇ ਪ੍ਰਸ਼ੰਸਕਾਂ ਨੂੰ ਆਪਣੀ ਨਿੱਜੀ ਜ਼ਿੰਦਗੀ ਦੀਆਂ ਝਲਕੀਆਂ ਵੀ ਦਿਖਾਉਂਦੇ ਰਹਿੰਦੇ ਹਨ।
ਹਾਲਾਂਕਿ, ਇੱਕ ਬੱਚੇ ਦੇ ਮਾਤਾ-ਪਿਤਾ ਬਣਨ ਤੋਂ ਬਾਅਦ, ਉਨ੍ਹਾਂ ਦੀ ਜ਼ਿੰਦਗੀ ਹੁਣ ਉਸ ਛੋਟੇ ਬੱਚੇ ਦੇ ਆਲੇ-ਦੁਆਲੇ ਘੁੰਮਦੀ ਪਈ ਹੈ। ਬੇਟੇ ਗੋਲਾ ਦੀ ਦੇਖਭਾਲ ਲਈ ਭਾਰਤੀ ਸਿੰਘ ਨੇ ਦੋ ਨੈਨੀਆਂ ਰੱਖੀਆਂ ਹੋਈਆਂ ਹਨ। ਹਾਲ ਹੀ ਕਾਮੇਡੀ ਕੁਈਨ ਭਾਰਤੀ ਨੇ ਗੋਲਾ ਦੀ ਨੈਨੀ ਦਾ ਇੱਕ ਵੀਡੀਓ ਸਾਂਝਾ ਕੀਤਾ ਹੈ।
ਇਸ ਵੀਡੀਓ 'ਚ ਗੋਲਾ ਦੀ ਨੈਨੀ ਸ਼ਿੰਗਾਰ ਕਰਕੇ ਵੀਡੀਓ ਬਣਾਉਂਦੇ ਹੋਏ ਦਿਖਾਈ ਦੇ ਰਹੀ ਹੈ। ਜਦੋਂ ਭਾਰਤੀ ਨੇ ਇਹ ਦੇਖਿਆ ਤਾਂ ਉਸ ਨੇ ਇਸ ਪਲ ਨੂੰ ਆਪਣੇ ਕੈਮਰੇ 'ਚ ਕੈਦ ਕਰ ਲਿਆ ਹੈ। ਵੀਡੀਓ 'ਚ ਭਾਰਤੀ ਸਿੰਘ ਕਹਿੰਦੀ ਹੈ ਯੇ ਦੇਖੋ ਦੋਸਤੋ ਇਸ ਕੋ ਬੱਚੇ ਕੋ ਸੰਭਾਲਣਕੇ ਲਈ ਰੱਖਾ ਹੈ ਓਰ ਯੇ... ਵੀਡੀਓ 'ਚ ਦੇਖ ਸਕਦੇ ਹੋ ਨੈਨੀ ਹਿੰਦੀ ਗੀਤ ਉੱਤੇ ਆਪਣੀ ਡਾਂਸ ਵੀਡੀਓ ਬਣਾ ਰਹੀ ਹੈ।
ਇਸ ਵੀਡੀਓ ਨੂੰ ਸਾਂਝਾ ਕਰਦੇ ਭਾਰਤੀ ਨੇ ਕੈਪਸ਼ਨ ਚ ਲਿਖਿਆ ਹੈ- ‘ਮੈਨੂੰ ਸਮਝ ਨਹੀਂ ਆ ਰਹੀ ਹੈ ਕਿ ਮੈਂ ਏਨੂੰ ਕੰਮ ਤੇ ਰੱਖਿਆ ਹੈ ਜਾਂ ਏਨੇ ਮੈਨੂੰ ਰੱਖਿਆ..ਇਹ ਮੇਰੀ ਜ਼ਿੰਦਗੀ ਹੈ..ਨਾਲ ਹੀ ਉਨ੍ਹਾਂ ਨੇ ਹਾਸੇ ਵਾਲੇ ਇਮੋਜ਼ ਵੀ ਪੋਸਟ ਕੀਤੇ ਹਨ।
ਸਭ ਤੋਂ ਪਹਿਲਾਂ ਦੱਸ ਦੇਈਏ ਕਿ ਭਾਰਤੀ ਸਿੰਘ ਅਤੇ ਉਨ੍ਹਾਂ ਦੇ ਪਤੀ ਹਰਸ਼ ਲਿੰਬਾਚੀਆ ਪਹਿਲੀ ਵਾਰ ਇੱਕ ਰਿਆਲਿਟੀ ਸ਼ੋਅ ਦੇ ਸੈੱਟ 'ਤੇ ਮਿਲੇ ਸਨ। ਇੱਥੋਂ ਹੀ ਦੋਵਾਂ ਵਿਚਾਲੇ ਪਿਆਰ ਪਿਆ ਅਤੇ ਕੁਝ ਸਮਾਂ ਡੇਟ ਕਰਨ ਤੋਂ ਬਾਅਦ ਭਾਰਤੀ ਅਤੇ ਹਰਸ਼ ਨੇ ਸਾਲ 2017 'ਚ ਵਿਆਹ ਕਰ ਲਿਆ। ਵਿਆਹ ਦੇ ਕਰੀਬ ਪੰਜ ਸਾਲ ਬਾਅਦ 3 ਅਪ੍ਰੈਲ 2022 ਨੂੰ ਦੋਵੇਂ ਇੱਕ ਪਿਆਰੇ ਬੱਚੇ ਦੇ ਮਾਤਾ-ਪਿਤਾ ਬਣ ਗਏ ਹਨ। ਇਹ ਜੋੜਾ ਇਸ ਸਮੇਂ ਆਪਣੇ ਬੇਟੇ ਨਾਲ ਮਾਤਾ-ਪਿਤਾ ਦੇ ਹਰ ਪਲ ਦਾ ਆਨੰਦ ਲੈ ਰਿਹਾ ਹੈ। ਉਨ੍ਹਾਂ ਨੇ ਆਪਣੇ ਬੇਟੇ ਦਾ ਨਾਂ 'ਲਕਸ਼ਯ' ਰੱਖਿਆ ਹੈ। ਹਾਲਾਂਕਿ, ਉਹ ਅਜੇ ਵੀ ਉਨ੍ਹਾਂ ਨੂੰ ਪਿਆਰ ਨਾਲ 'ਗੋਲਾ' ਆਖਦੇ ਹਨ।
View this post on Instagram