Watch Video: ਰਣਬੀਰ ਕਪੂਰ ਦਾ ਇਹ ਅੰਦਾਜ਼ ਵੇਖ ਫੈਨਜ਼ ਹੋਏ ਖੁਸ਼, ਸਿਕਊਰਟੀ ਗਾਰਡ ਨਾਲ ਬੇਹੱਦ ਪਿਆਰ ਭਰੇ ਅੰਦਾਜ਼ 'ਚ ਹੱਥ ਮਿਲਾਉਂਦੇ ਆਏ ਨਜ਼ਰ
Ranbir Kapoor Sweet Gesture for Security Guard: ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰ ਰਣਬੀਰ ਕਪੂਰ ਇਨ੍ਹੀਂ ਦਿਨੀਂ ਆਪਣੀ ਫ਼ਿਲਮ 'ਐਨੀਮਲ' ਨੂੰ ਲੈ ਕੇ ਸੁਰਖੀਆਂ 'ਚ ਹਨ। ਹਾਲ ਹੀ 'ਚ ਰਣਬੀਰ ਕਪੂਰ ਨੋਇਡਾ ਵਿਖੇ ਇੱਕ ਈਵੈਂਟ 'ਚ ਸ਼ਿਰਕਤ ਕਰਨ ਪਹੁੰਚੇ। ਇਸ ਦੌਰਾਨ ਕੁਝ ਅਜਿਹਾ ਹੋਇਆ ਕਿ ਅਦਾਕਾਰ ਨੇ ਫੈਨਜ਼ ਦਾ ਦਿਲ ਜਿੱਤ ਲਿਆ, ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਅਦਾਕਾਰ ਨੇ ਅਜਿਹਾ ਕੀ ਕੀਤਾ।
ਜਿਵੇਂ ਹੀ ਰਣਬੀਰ ਕਪੂਰ ਨੇ ਈਵੈਂਟ 'ਚ ਐਂਟਰੀ ਲਈ ਤਾਂ ਫੈਨਜ਼ ਆਪਣੇ ਚਹੇਤੇ ਐਕਟਰ ਨੂੰ ਦੇਖ ਕੇ ਦੀਵਾਨੇ ਹੋ ਗਏ। ਫੈਨਜ਼ ਰਣਬੀਰ ਆਈ ਲਵ ਯੂ ਕਹਿ ਕੇ ਜ਼ੋਰ-ਜ਼ੋਰ ਨਾਲ ਹੂਟਿੰਗ ਕਰਦੇ ਤੇ ਚੀਅਰ ਕਰਦੇ ਨਜ਼ਰ ਆਏ। ਜਦੋਂ ਅਦਾਕਾਰ ਸਟੇਜ 'ਤੇ ਪਹੁੰਚੇ ਤਾਂ ਹਰ ਕੋਈ ਉਨ੍ਹਾਂ ਨੂੰ ਛੂਹਣ ਲਈ ਉਤਾਵਲਾ ਸੀ।
ਰਣਬੀਰ ਨੇ ਪਿਆਰ ਭਰੇ ਅੰਦਾਜ਼ 'ਚ ਸਿਕਊਰਟੀ ਗਾਰਡ ਨਾਲ ਮਿਲਿਇਆ ਹੱਥ
ਇਸੇ ਦੌਰਾਨ ਇੱਕ ਸਿਕਊਰਟੀ ਗਾਰਡ ਰਣਬੀਰ ਨਾਲ ਹੱਥ ਮਿਲਾਉਣ ਸਟੇਜ਼ ਕੋਲ ਪਹੁੰਚਿਆ ਤਾਂ ਰਣਬੀਰ ਨੇ ਵੀ ਅੱਗੇ ਵਧ ਕੇ ਬੇਹੱਦ ਸਹਿਜ ਵਿਵਹਾਰ ਕਰਦਿਆਂ ਉਸ ਨਾਲ ਪਿਆਰ ਭਰੇ ਅੰਦਾਜ਼ 'ਚ ਹੱਥ ਮਿਲਾਇਆ। ਅਦਾਕਾਰ ਦੀ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਹੀ ਹੈ ਅਤੇ ਲੋਕ ਉਨ੍ਹਾਂ ਦੇ ਇਸ ਅੰਦਾਜ਼ ਦੀ ਤਾਰੀਫ ਕਰ ਰਹੇ ਹਨ।
ਫੈਨਜ਼ ਨੇ ਦਿੱਤਾ ਰਿਐਕਸ਼ਨ
ਵੀਡੀਓ 'ਚ ਫੈਨਜ਼ ਰਣਬੀਰ ਕਪੂਰ ਦੀ ਬਾਡੀ ਲੈਂਗਵੇਜ ਦੇਖ ਰਹੇ ਹਨ। ਫੈਨਜ਼ ਵੀਡੀਓ 'ਤੇ ਕਮੈਂਟ ਕਰਕੇ ਆਪੋ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਇੱਕ ਪ੍ਰਸ਼ੰਸਕ ਨੇ ਲਿਖਿਆ, 'ਓਹ ਉਹ ਸੁਰੱਖਿਆ ਗਾਰਡ।' ਇੱਕ ਹੋਰ ਪ੍ਰਸ਼ੰਸਕ ਨੇ ਲਿਖਿਆ, 'ਡਾਊਨ ਟੂ ਅਰਥ ਐਕਟਰ' ਇਸ ਦੇ ਨਾਲ ਹੀ ਕਈ ਲੋਕਾਂ ਨੇ ਕਮੈਂਟ ਸੈਕਸ਼ਨ 'ਚ ਹਾਰਟ ਈਮੋਜੀਸ ਵੀ ਬਣਾਏ ਹਨ।
- PTC PUNJABI