ਗੀਤ ਰੀਮੇਕ ਕਰਨ ਨੂੰ ਲੈ ਕੇ ਨੇਹਾ ਕੱਕੜ ਤੋਂ ਨਾਰਾਜ਼ ਹੋਈ ਫਾਲਗੁਨੀ ਪਾਠਕ, ਜਾਣੋ ਗਾਇਕਾ ਨੇ ਕੀ ਕਿਹਾ

Falguni Pathak angry On Neha Kakkar: ਨੇਹਾ ਕੱਕੜ ਨੇ ਹਾਲ ਹੀ 'ਚ ਲੀਜੈਂਡ ਸਿੰਗਰ ਫਾਲਗੁਨੀ ਪਾਠਕ ਦੇ ਮਸ਼ਹੂਰ ਗੀਤ 'ਮੈਨੇਂ ਪਾਇਲ ਹੈ ਛਨਕਾਈ' ਨੂੰ ਮੁੜ ਰੀਕ੍ਰੀਏਟ ਕੀਤਾ ਹੈ। ਇਸ ਮਸ਼ਹੂਰ ਗੀਤ ਦੇ ਰੀਮੇਕ ਦੇ ਬਾਅਦ ਤੋਂ ਹੀ ਇਸ ਨੂੰ ਲੈ ਕੇ ਵਿਵਾਦ ਸ਼ੁਰੂ ਹੋ ਗਿਆ ਹੈ। ਜਿੱਥੇ ਇੱਕ ਪਾਸੇ ਸੋਸ਼ਲ ਮੀਡੀਆ 'ਤੇ ਇਸ ਦੇ ਰੀਮੇਕ ਨੂੰ ਲੈ ਕੇ ਨੇਹਾ ਕੱਕੜ ਨੂੰ ਟ੍ਰੋਲ ਕੀਤਾ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਇਸ ਦੀ ਅਸਲੀ ਗਾਇਕਾ ਫਾਲਗੁਨੀ ਪਾਠਕ ਨੇ ਵੀ ਇਸ ਬਾਰੇ ਨਾਰਾਜ਼ਗੀ ਜ਼ਾਹਿਰ ਕੀਤੀ ਹੈ।

image source twitter

ਆਪਣੇ ਗੀਤ ਨੂੰ ਰੀਕ੍ਰੀਏਟ ਕਰਨ ਨੂੰ ਲੈ ਕੇ ਫਾਲਗੁਨੀ ਪਾਠਕ ਨੇ ਕਿਹਾ ਕਿ ਉਹ ਨੇਹਾ ਕੱਕੜ ਦੇ ਖਿਲਾਫ ਕਾਨੂੰਨੀ ਕਾਰਵਾਈ ਕਰਨਾ ਚਾਹੁੰਦੀ ਹੈ। 53 ਸਾਲਾ ਗਾਇਕਾ ਨੇ ਇੱਕ ਇੰਟਰਵਿਊ ਵਿੱਚ ਦੱਸਿਆ ਕਿ ਉਹ ਅਸਲ ਵਿੱਚ 1999 ਵਿੱਚ ਰਿਲੀਜ਼ ਹੋਏ ਅਸਲ ਗੀਤ ਲਈ ਆਪਣੇ ਫੈਨਜ਼ ਦੇ ਪਿਆਰ ਨੂੰ ਦੇਖ ਕੇ ਖੁਸ਼ ਹੈ।

ਫਾਲਗੁਨੀ ਨੇ ਕਿਹਾ, "ਇਸ ਗੀਤ ਲਈ ਹਰ ਪਾਸਿਓਂ ਇੰਨਾ ਪਿਆਰ ਮਿਲਣ 'ਤੇ ਮੈਂ ਬਹੁਤ ਖੁਸ਼ ਹਾਂ, ਇਸ ਲਈ ਮੈਨੂੰ ਉਨ੍ਹਾਂ ਦੀਆਂ ਭਾਵਨਾਵਾਂ ਸਾਂਝੀਆਂ ਕਰਨੀਆਂ ਪਈਆਂ।" ਫਾਲਗੁਨੀ ਨੇ ਇਹ ਵੀ ਦੱਸਿਆ ਕਿ ਕੱਕੜ ਦੇ ਗੀਤ 'ਓ ਸੱਜਣਾ' ਦੇ ਨਿਰਮਾਤਾਵਾਂ ਨੇ ਉਸ ਨਾਲ ਸੰਪਰਕ ਨਹੀਂ ਕੀਤਾ ਸੀ।

image source twitter

ਮੀਡੀਆ ਰਿਪੋਰਟਸ ਦੇ ਮੁਤਾਬਕ, ਫਾਲਗੁਨੀ ਨੇ ਆਪਣੇ ਫੈਨਜ਼ ਵੱਲੋਂ ਸਾਂਝੀ ਕੀਤੀ ਗਈ ਇੱਕ ਸਟੋਰੀ ਸ਼ੇਅਰ ਕੀਤੀ ਹੈ ਜਿਸ ਵਿੱਚ ਉਨ੍ਹਾਂ ਨੇ ਨੇਹਾ ਕੱਕੜ 'ਤੇ ਕੇਸ ਕਰਨ ਦੀ ਗੱਲ ਆਖੀ। ਕਾਨੂੰਨੀ ਕਾਰਵਾਈ ਬਾਰੇ ਸਵਾਲ ਪੁੱਛੇ ਜਾਣ 'ਤੇ ਕਿ ਕੀ ਉਹ ਕਾਨੂੰਨੀ ਰਾਹ ਅਪਣਾਉਣ ਦੀ ਯੋਜਨਾ ਬਣਾ ਰਹੀ ਹੈ।

ਫਾਲਗੁਨੀ ਨੇ ਕਿਹਾ: "ਕਾਸ਼ ਮੈਂ ਕਰ ਸਕਦੀ ਪਰ ਮੇਰੇ ਕੋਲ ਗੀਤ ਦੇ ਅਧਿਕਾਰ ਨਹੀਂ ਹਨ।" ਇਹ ਪੁੱਛੇ ਜਾਣ 'ਤੇ ਕਿ ਕੀ ਨਿਰਮਾਤਾਵਾਂ ਜਾਂ ਕੱਕੜ ਨੇ ਉਸ ਦੀਆਂ ਇੰਸਟਾਗ੍ਰਾਮ ਸਟੋਰੀਜ਼ ਨੂੰ ਦੇਖਣ ਤੋਂ ਬਾਅਦ ਉਸ ਨਾਲ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ, ਫਾਲਗੁਨੀ ਨੇ ਕਿਹਾ ਕਿ ਅਜਿਹੀ ਕੋਈ ਕੋਸ਼ਿਸ਼ ਨਹੀਂ ਕੀਤੀ ਗਈ ਹੈ।

image source twitter

image source twitter

ਹੋਰ ਪੜ੍ਹੋ: ਬਿਪਾਸ਼ਾ ਬਾਸੂ ਦਾ ਬੇਬੀ ਸ਼ਾਵਰ ਦੀ ਵੀਡੀਓ ਹੋਈ ਵਾਇਰਲ, ਪਤੀ ਕਰਨ ਸਿੰਘ ਗਰੋਵਰ ਨਾਲ ਮਸਤੀ ਕਰਦੀ ਨਜ਼ਰ ਆਈ ਅਦਾਕਾਰਾ, ਵੇਖੋ ਵੀਡੀਓ

ਦੱਸ ਦੇਈਏ ਕਿ ਨੇਹਾ ਕੱਕੜ ਨੇ ਹਾਲ ਹੀ 'ਚ ਫਾਲਗੁਨੀ ਪਾਠਕ ਦੇ ਸੁਪਰਹਿੱਟ ਗੀਤ 'ਮੈਨੇ ਪਾਇਲ ਹੈ ਛਨਕਾਈ' ਰੀਕ੍ਰੀਏਟ ਕੀਤਾ ਹੈ। ਨੇਹਾ ਨੇ ਇਸ ਗੀਤ ਦਾ ਨਾਮ 'ਓ ਸੱਜਣਾ' ਹੈ, ਜਿਸ ਨੂੰ ਨਵੇਂ ਤਰੀਕੇ ਅਤੇ ਨਵੀਂ ਧੁਨ ਨਾਲ ਪੇਸ਼ ਕੀਤਾ ਗਿਆ ਹੈ। ਗੀਤ 'ਚ ਨੇਹਾ ਕੱਕੜ ਸ਼ਾਨਦਾਰ ਡਾਂਸ ਕਰ ਰਹੀ ਹੈ। ਮਿਊਜ਼ਿਕ ਵੀਡੀਓ ਵਿੱਚ ਟੀਵੀ ਸਟਾਰ ਪ੍ਰਿਯਾਂਕ ਸ਼ਰਮਾ ਵੀ ਹਨ, ਪਰ ਇਸ ਸਭ ਤੋਂ ਇਸ ਗੀਤ ਦੀ ਅਸਲ ਗਾਇਕਾ ਫਾਲਗੁਨੀ ਪਾਠਕ ਬੇਹੱਦ ਨਾਰਾਜ਼ ਹੈ।