ਇਰਫਾਨ ਖ਼ਾਨ ਦੀ ਮੌਤ 'ਤੇ ਗੁਰੂ ਰੰਧਾਵਾ ਤੋਂ ਲੈ ਕੇ ਦਿਲਜੀਤ ਦੋਸਾਂਝ ਤੇ ਕਈ ਹੋਰ ਪੰਜਾਬੀ ਕਲਾਕਾਰਾਂ ਨੇ ਵੀ ਜਤਾਇਆ ਦੁੱਖ
ਬਾਲੀਵੁੱਡ ਦੇ ਦਿੱਗਜ ਅਦਾਕਾਰ ਇਰਫਾਨ ਖ਼ਾਨ ਇਸ ਸੰਸਾਰ ਨੂੰ ਅਲਵਿਦਾ ਕਹਿ ਗਏ ਨੇ । ਇਰਫਾਨ ਖ਼ਾਨ ਦੀ ਮੌਤ ਦੀ ਖ਼ਬਰ ਨੇ ਉਨ੍ਹਾਂ ਨੂੰ ਚਾਹੁਣ ਵਾਲਿਆਂ ਦੇ ਨਾਲ ਮਨੋਰੰਜਨ ਜਗਤ ਦੇ ਨਾਲ ਜੁੜੇ ਹਰ ਕਲਾਕਾਰ ਲਈ ਵੱਡਾ ਸਦਮਾ ਹੈ । ਉਨ੍ਹਾਂ ਦੀ ਮੌਤ ਫ਼ਿਲਮੀ ਜਗਤ ਲਈ ਕਦੇ ਨਾ ਪੂਰਾ ਹੋਣ ਵਾਲਾ ਘਾਟਾ ਪਾ ਗਈ ਹੈ ।
ਪੰਜਾਬੀ ਗਾਇਕ ਗੁਰੂ ਰੰਧਾਵਾ ਨੇ ਵੀ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ‘ਤੇ ਇਰਫਾਨ ਖ਼ਾਨ ਨਾਲ ਆਪਣੀ ਯਾਦ ਨੂੰ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ, 'ਧੰਨਵਾਦ ਸਾਨੂੰ ਸਭ ਤੋਂ ਮਹਾਨ ਸਿਨੇਮਾ ਦੇਣ ਲਈ ਸਰ । ਮੈਂ ਤੁਹਾਡੇ ਨਾਲ ਕੰਮ ਕਰਨ ਦੀ ਹਮੇਸ਼ਾ ਕਦਰ ਕਰਾਂਗਾ , ਮੈਂ ਤੁਹਾਡੇ ਨਾਲ ਤਿੰਨ ਦਿਨ ਕੰਮ ਕੀਤਾ ਸੀ ਸੂਟ ਸੂਟ ਅਤੇ ਪਟੋਲਾ ਗਾਣੇ ਦੇ ਦੌਰਾਨ । ਤੁਹਾਡੇ ਨਾਲ ਮੇਰੀ ਬਾਲੀਵੁੱਡ ਵਿਚ ਐਂਟਰੀ ਮਿਲੀ ਸੀ ਸਰ । ਤੁਹਾਡੇ ਤੋਂ ਬਹੁਤ ਕੁਝ ਸਿੱਖਿਆ ਹੈ ਸਰ । ਪ੍ਰਮਾਤਮਾ ਤੁਹਾਡੀ ਰੂਹ ਨੂੰ ਸ਼ਾਂਤੀ ਬਖਸ਼ੇ । ਲਵ ਯੂ ਸਰ ।'
ਦਿਲਜੀਤ ਦੋਸਾਂਝ ਨੇ ਵੀ ਆਪਣੀ ਇੰਸਟਾਗ੍ਰਾਮ ਅਕਾਉਂਟ ਸਟੋਰੀ ‘ਚ ਇਰਫਾਨ ਖ਼ਾਨ ਦੀ ਫੋਟੋ ਸ਼ੇਅਰ ਕਰਦੇ ਹੋਏ ਉਨ੍ਹਾਂ ਦੀ ਮੌਤ ‘ਤੇ ਦੁੱਖ ਪ੍ਰਗਟ ਕੀਤਾ ਹੈ ।
ਪੰਜਾਬੀ ਅਦਾਕਾਰਾ ਯੁਵਰਾਜ ਹੰਸ ਨੇ ਵੀ ਇਰਫਾਨ ਖ਼ਾਨ ਦੀ ਫੋਟੋ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ ਕਿ ਮੈਨੂੰ ਯਕੀਨ ਨਹੀਂ ਹੋ ਰਿਹਾ ਹੈ ਕਿ ਤੁਸੀਂ ਸਾਡੇ ਵਿਚਕਾਰ ਨਹੀਂ ਰਹੇ ਹੋ । ਉਨ੍ਹਾਂ ਨੇ ਨਾਲ ਹੀ ਪ੍ਰਮਾਤਮਾ ਅੱਗੇ ਅਰਦਾਸ ਕੀਤੀ ਹੈ ਕਿ ਇਰਫਾਨ ਖ਼ਾਨ ਦੀ ਰੂਹ ਨੂੰ ਸ਼ਾਂਤੀ ਮਿਲੇ । ਸੋਨਮ ਬਾਜਵਾ, ਅਲਾਪ ਸਿਕੰਦਰ, ਸਿਮਰਨ ਕੌਰ ਮੁੰਡੀ ਤੇ ਕਈ ਹੋਰ ਅਦਾਕਾਰ ਤੇ ਗਾਇਕਾਂ ਨੇ ਇਰਫਾਨ ਖ਼ਾਨ ਦੀ ਮੌਤ 'ਤੇ ਦੁੱਖ ਜਤਾਇਆ ਹੈ ।
View this post on Instagram
May Your Soul Rest In Peace. I Still Can’t Believe☹️☹️???? #irfankhan ????
ਇਰਫਾਨ ਖ਼ਾਨ ਅਖੀਰਲੀ ਵਾਰ ‘ਇੰਗਲਿਸ਼ ਮੀਡੀਅਮ’ ਨਾਂਅ ਦੀ ਫ਼ਿਲਮ ‘ਚ ਨਜ਼ਰ ਆਏ ਸਨ । ਉਹ ‘ਪਾਨ ਸਿੰਘ ਤੋਮਰ’, ਪਿਕੋ, ਹਿੰਦੀ ਮੀਡੀਅਮ, Lunch Box ਵਰਗੀਆਂ ਕਈ ਸੁਪਰ ਹਿੱਟ ਹਿੰਦੀ ਫ਼ਿਲਮਾਂ ਦੇ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕਰ ਚੁੱਕੇ ਨੇ । ਇਸ ਤੋਂ ਇਲਾਵਾ ਉਹ ਹਾਲੀਵੁੱਡ ਦੀਆਂ ਕਈ ਫ਼ਿਲਮਾਂ ‘ਚ ਵੀ ਅਦਾਕਾਰੀ ਕਰ ਚੁੱਕੇ ਸੀ ।