ਹਰਭਜਨ ਮਾਨ ਨੇ ਆਪਣੇ ਭਰਾ ਦੇ ਨਾਲ ਬਚਪਨ ਦੀ ਯਾਦ ਸਾਂਝੀ ਕਰਦੇ ਹੋਏ ਕਿਹਾ- ‘ਮੇਰੀ ਅਤੇ ਗੁਰਸੇਵਕ ਦੀ 1983 'ਚ ਜ਼ਿੰਦਗੀ ਦੀ ਸਭ ਤੋਂ ਪਹਿਲੀ ਟੀ.ਵੀ ਰਿਕਾਰਡਿੰਗ’, ਦੇਖੋ ਵੀਡੀਓ
ਪੰਜਾਬੀ ਗਾਇਕ ਹਰਭਜਨ ਮਾਨ ਜੋ ਕਿ ਸੋਸ਼ਲ ਮੀਡੀਆ ਉੱਤੇ ਕਾਫੀ ਐਕਟਿਵ ਰਹਿੰਦੇ ਨੇ। ਉਹ ਅਕਸਰ ਹੀ ਆਪਣੇ ਚਾਹੁਣ ਵਾਲਿਆਂ ਦੇ ਲਈ ਕੁਝ ਨਾ ਕੁਝ ਨਵਾਂ ਸਾਂਝਾ ਕਰਦੇ ਹੀ ਰਹਿੰਦੇ ਨੇ। ਉਹ ਲੋਕਾਂ ਦੇ ਨਾਲ ਪੁਰਾਣੇ ਗਾਇਕਾਂ ਦੀਆਂ ਅਣਦੇਖੀਆਂ ਵੀਡੀਓਜ਼ ਸਾਂਝੀਆਂ ਕਰਦੇ ਰਹਿੰਦੇ ਨੇ। ਇਸ ਵਾਰ ਉਨ੍ਹਾਂ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਉਂਟ ਉੱਤੇ ਆਪਣੀ ਜ਼ਿੰਦਗੀ ਦੀ ਪਹਿਲੀ ਟੀਵੀ ਰਿਕਾਰਡਿੰਗ ਦਰਸ਼ਕਾਂ ਦੇ ਨਾਲ ਸਾਂਝੀ ਕੀਤੀ ਹੈ।
image source- instagram
image source-facebook
ਹਰਭਜਨ ਮਾਨ ਨੇ ਆਪਣੇ ਬਚਪਨ ਦੀ ਵੀਡੀਓ ਆਪਣੇ ਛੋਟੇ ਭਰਾ ਗੁਰਸੇਵਕ ਮਾਨ ਦੇ ਨਾਲ ਸਾਂਝੀ ਕੀਤੀ ਹੈ। ਉਨ੍ਹਾਂ ਨੇ ਕੈਪਸ਼ਨ ਦੇ ਰਾਹੀਂ ਦੱਸਿਆ ਹੈ ਕਿ-‘ ' Bapu Tere Kurrma Ne ' ਮੇਰੀ ਅਤੇ ਗੁਰਸੇਵਕ ਦੀ 1983 'ਚ ਜ਼ਿੰਦਗੀ ਦੀ ਸਭ ਤੋਂ ਪਹਿਲੀ ਟੀ.ਵੀ ਰਿਕਾਰਡਿੰਗ’।
image source-facebook
ਉਨ੍ਹਾਂ ਅੱਗੇ ਲਿਖਿਆ ਹੈ- ‘ਸਰੀ, ਬੀ. ਸੀ. ਕੈਨੇਡਾ 'ਚ ਸ਼ਾਅ ਕੇਬਲ ਤੇ ਚਾਰਲੀ ਕੰਗ ਹਫ਼ਤਾਵਰੀ ਸ਼ੋਅ ਕਰਦੇ ਸਨ, ਜਿਸ ਵਿੱਚ ਇਹ ਗੀਤ ਜੋ ਕੈਨੇਡਾ ਨਵੀਂ- ਨਵੀਂ ਗਈ ਸੱਜ ਵਿਆਹੀ ਪੰਜਾਬਣ ਮੁਟਿਆਰ ਦੀ, ਫ਼ਾਰਮ ‘ਤੇ ਕੰਮ ਕਰਦੀ ਦੀ ਮੁਸ਼ਕਲਾਂ ਭਰੀ ਜ਼ਿੰਦਗੀ ਦੀ ਕਹਾਣੀ ਪਾਉਂਦਾ ਹੈ, ਅਸੀਂ ਦੋਵੇਂ ਭਰਾਵਾਂ ਨੇ ਰਿਕਾਰਡ ਕੀਤਾ ਸੀ। ਬਾਪੂ ਤੇਰੇ ਕੁੜਮਾਂ ਨੇ, ਧੀ ਨੂੰ ਬੇਰੀ ਤੋੜਣ ਲਾਤਾ। ਓੁਸ ਵਕਤ ਕੈਨੇਡਾ 'ਚ ਸਾਡਾ ਇਹ ਗੀਤ ਬਹੁਤ ਮਕਬੂਲ ਹੋਇਆ ਅਤੇ ਸਾਡੀ ਪਹਿਚਾਣ ਬਣਿਆ ਸੀ’। ਦੋਵੇਂ ਭਰਾ ‘ਬਾਪੂ ਤੇਰੇ ਕੁੜਮਾਂ ਨੇ’ ਗੀਤ ਗਾਉਂਦੇ ਹੋਏ ਨਜ਼ਰ ਆ ਰਹੇ ਨੇ। ਦਰਸ਼ਕਾਂ ਨੂੰ ਇਹ ਵੀਡੀਓ ਖੂਬ ਪਸੰਦ ਆ ਰਹੀ ਹੈ। ਜੇ ਗੱਲ ਕਰੀਏ ਹਰਭਜਨ ਮਾਨ ਦੇ ਵਰਕ ਫਰੰਟ ਦੀ ਤਾਂ ਉਹ ਪੰਜਾਬੀ ਮਿਊਜ਼ਿਕ ਜਗਤ ਨੂੰ ਕਈ ਸੁਪਰ ਹਿੱਟ ਦੇ ਚੁੱਕੇ ਨੇ।
image source- instagram