ਸਾਊਥ ਦੇ ਸੁਪਰਸਟਾਰ ਅੱਲੂ ਅਰਜੁਨ ਦੀ ਫ਼ਿਲਮ ਪੁਸ਼ਪਾ Pushpa ਦਾ ਰੰਗ ਇਨ੍ਹੀਂ ਦਿਨੀਂ ਸਾਰਿਆਂ 'ਤੇ ਛਾਇਆ ਹੋਇਆ ਹੈ। ਫ਼ਿਲਮ ਦੇ ਡਾਇਲਾਗਸ ਤੋਂ ਲੈ ਕੇ ਡਾਂਸ ਸਟੈੱਪ ਤੱਕ ਸਭ ਕਾਫੀ ਵਾਇਰਲ ਹੋ ਰਹੇ ਹਨ। ਇਸ ਦੇ ਨਾਲ ਹੀ ਫਿਲਮ ਸ਼੍ਰੀਵੱਲੀ (Srivalli) ਦਾ ਇੱਕ ਗੀਤ ਹੈ ਜਿਸ ਦਾ ਹਿੰਦੀ ਵਰਜ਼ਨ ਲਗਾਤਾਰ ਟ੍ਰੈਂਡ ਕਰ ਰਿਹਾ ਹੈ ਅਤੇ ਖਾਸ ਗੱਲ ਹੈ ਉਸ ਗੀਤ 'ਚ ਅੱਲੂ ਅਰਜੁਨ Allu Arjun ਦਾ ਹੁੱਕ ਸਟੈੱਪ । ਪੰਜਾਬੀ ਕਲਾਕਾਰਾਂ ਵੱਲੋਂ ਸ਼੍ਰੀਵੱਲੀ ਗੀਤ ਨੂੰ ਖੂਬ ਪਿਆਰ ਦਿੱਤਾ ਜਾ ਰਿਹਾ ਹੈ। ਹੁਣ ਹਾਰਡੀ ਸੰਧੂ Harrdy Sandhu ਨੇ ਵੀ ਇਸ ਗੀਤ ਉੱਤੇ ਆਪਣੀ ਵੀਡੀਓ ਬਣਾਈ ਹੈ।
Image Source: Instagramਹਾਰਡੀ ਸੰਧੂ ਨੇ ਇਸ ਵੀਡੀਓ ਨੂੰ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ਉੱਤੇ ਪੋਸਟ ਕੀਤਾ ਹੈ। ਵੀਡੀਓ ‘ਚ ਤਸੀਂ ਦੇਖ ਸਕਦੇ ਹੋ ਬਿਜਲੀ ਬਿਜਲੀ ਫੇਮ ਗਾਇਕ ਅੱਲੂ ਅਰਜੁਨ ਦਾ ਹੁੱਕ ਸਟੈੱਪ ਕਰਦਾ ਹੋਇਆ ਨਜ਼ਰ ਆ ਰਿਹਾ ਹੈ। ਉਨ੍ਹਾਂ ਨੇ ਇਸ ਵੀਡੀਓ ਨੂੰ ਪੋਸਟ ਕਰਦੇ ਹੋਏ ਲਿਖਿਆ ਹੈ- ਗੀਤ ਤੇ ਫ਼ਿਲਮ ਨੇ ਹੋਸ਼ ਉੱਡਾ ਦਿੱਤੇ ਨੇ.. ਦੁਨੀਆ ਦੀ ਬਾਕਮਾਲ composition ਹੈ ਨਾਲ ਹੀ ਉਨ੍ਹਾਂ ਨੇ ਅੱਲੂ ਅਰਜੁਨ ਤੇ ਗਾਇਕ ਜਾਵੇਦ ਅਲੀ ਨੂੰ ਟੈੱਗ ਕੀਤਾ ਹੈ। ਇਹ ਵੀਡੀਓ ਦਰਸ਼ਕਾਂ ਨੂੰ ਖੂਬ ਪਸੰਦ ਆ ਰਿਹਾ ਹੈ । ਜਦੋਂ ਐਕਟਰ ਅੱਲੂ ਅਰਜੁਨ ਨੇ ਦੇਖਿਆ ਅਤੇ ਕਮੈਂਟ ਕਰਕੇ ਹਾਰਡੀ ਦਾ ਧੰਨਵਾਦ ਕੀਤਾ ਹੈ ਏਨਾਂ ਪਿਆਰ ਦੇਣ ਲਈ। ਚਾਰ ਲੱਖ ਤੋਂ ਵੱਧ ਲਾਈਕਸ ਤੇ ਕਮੈਂਟ ਇਸ ਇੰਸਟਾ ਰੀਲ ਉੱਤੇ ਆ ਚੁੱਕੇ ਹਨ ।
ਜੇ ਗੱਲ ਕਰੀਏ ਹਾਰਡੀ ਸੰਧੂ ਦੇ ਵਰਕ ਫਰੰਟ ਦੀ ਤਾਂ ਉਹ ਹਾਲ ਹੀ ਚ ਬਿਜਲੀ ਬਿਜਲੀ ਸੌਂਗ ਦੇ ਨਾਲ ਵਾਹ ਵਾਹੀ ਲੁੱਟ ਚੁੱਕੇ ਨੇ। ਇਸ ਗੀਤ ਨੇ ਸੋਸ਼ਲ ਮੀਡੀਆ ਉੱਤੇ ਖੂਬ ਧੂਮ ਮਚਾਈ ਹੈ। ਇਸ ਤੋਂ ਇਲਾਵਾ ਹਾਰਡੀ ਸੰਧੂ ਜੋ ਕਿ ਕਬੀਰ ਖ਼ਾਨ ਦੀ ਫ਼ਿਲਮ 83 ਚ ਨਜ਼ਰ ਆਇਆ ਸੀ। ਇਹ ਫ਼ਿਲਮ ਬਹੁਤ ਜਲਦ ਓਟੀਟੀ ਪਲੇਟਫਾਰਮ ਉੱਤੇ ਨਜ਼ਰ ਆਵੇਗੀ। ਹਾਰਡੀ ਸੰਧੂ ਪੰਜਾਬੀ ਮਿਊਜ਼ਿਕ ਜਗਤ ਨੂੰ ਕਈ ਹਿੱਟ ਗੀਤ ਦੇ ਚੁੱਕੇ ਹਨ।
View this post on Instagram
