ਕੀ ਗਾਇਕ ਹਿੰਮਤ ਸੰਧੂ ਨੇ ਕਰਵਾ ਲਈ ਹੈ ਮੰਗਣੀ ? ਸੋਸ਼ਲ ਮੀਡੀਆ ਤੇ ਮਿਲ ਰਹੀਆਂ ਹਨ ਵਧਾਈਆਂ
ਗਾਇਕ ਹਿੰਮਤ ਸੰਧੂ ਸੋਸ਼ਲ ਮੀਡੀਆ ਤੇ ਕਾਫੀ ਐਕਟਿਵ ਰਹਿੰਦੇ ਹਨ । ਉਹਨਾਂ ਵੱਲੋਂ ਆਪਣੇ ਗਾਣਿਆਂ ਨੂੰ ਲੈ ਕੇ ਹਰ ਅਪਡੇਟ ਸ਼ੇਅਰ ਕੀਤੀ ਜਾਂਦੀ ਹੈ । ਪਰ ਹਾਲ ਹੀ ਵਿੱਚ ਉਹਨਾਂ ਨੇ ਜਿਹੜੀ ਤਸਵੀਰ ਆਪਣੇ ਇੰਸਟਾਗ੍ਰਾਮ ਤੇ ਸ਼ੇਅਰ ਕੀਤੀ ਹੈ, ਉਸ ਨੂੰ ਲੈ ਕੇ ਉਹ ਸੁਰਖੀਆਂ ਵਿੱਚ ਆ ਗਏ ਹਨ । ਹਿੰਮਤ ਸੰਧੂ ਦੀ ਤਸਵੀਰ ਦੀ ਗੱਲ ਕੀਤੀ ਜਾਵੇ ਤਾਂ ਇਸ ਵਿੱਚ ਦੋ ਹੱਥ ਦਿਖਾਈ ਦਿੰਦੇ ਹਨ ।
image from himmat sandhu's instagram
ਹੋਰ ਪੜ੍ਹੋ :
ਕਿਸਾਨ ਮੋਰਚੇ ਵਿੱਚ ਗਾਇਕ ਜੱਸ ਬਾਜਵਾ ਦਾ ਗੁਅਚਿਆ ਮੋਬਾਈਲ ਫੋਨ, ਲੱਭਣ ਵਾਲੇ ਨੂੰ ਇਨਾਮ ਦੇਣ ਦਾ ਐਲਾਨ
image from himmat sandhu's instagram
ਇੱਕ ਹੱਥ ਕੁੜੀ ਦਾ ਹੈ ਤੇ ਦੂਜਾ ਮੁੰਡੇ ਦਾ । ਕੁੜੀ ਦੇ ਹੱਥ ਵਿੱਚ ਇੱਕ ਕੜਾ ਪਾਇਆ ਹੋਇਆ ਹੈ ਜਿਸ ’ਤੇ ਹਿੰਮਤ ਸੰਧੂ ਦਾ ਉਪ ਨਾਂਅ ਸੰਧੂ ਉਕਰਿਆ ਹੋਇਆ ਹੈ। ਜਿਸ ਕਰਕੇ ਇਹ ਤਸਵੀਰ ਸੁਰਖੀਆਂ ਵਿੱਚ ਹੈ । ਕੁਝ ਲੋਕ ਇਸ ਤਸਵੀਰ ਨੂੰ ਦੇਖ ਕੇ ਅੰਦਾਜਾ ਲਗਾ ਰਹੇ ਹਨ ਕਿ ਹਿੰਮਤ ਸੰਧੂ ਨੇ ਮੰਗਣੀ ਕਰਵਾ ਲਈ ਹੈ । ਉਹਨਾਂ ਦੇ ਕੁਝ ਪ੍ਰਸ਼ੰਸਕਾਂ ਨੇ ਤਾਂ ਹਿੰਮਤ ਸੰਧੂ ਨੂੰ ਵਧਾਈ ਵੀ ਦੇ ਦਿੱਤੀ ਹੈ ।
image from himmat sandhu's instagram
ਜਦੋਂ ਕਿ ਕੁਝ ਲੋਕਾਂ ਦਾ ਇਸ ਤਸਵੀਰ ਨੂੰ ਲੈ ਕੇ ਕਹਿਣਾ ਹੈ ਕਿ ਹਿੰਮਤ ਸੰਧੂ ਕੋਈ ਨਵਾਂ ਗਾਣਾ ਲੈ ਕੇ ਆ ਰਹੇ ਹਨ । ਜਿਸ ਦੀ ਪ੍ਰਮੋਸ਼ਨ ਲਈ ਸੰਧੂ ਨੇ ਇਹ ਸਟੰਟ ਵਰਤਿਆ ਹੈ । ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਇਸ ਤੋਂ ਪਹਿਲਾਂ ਗੁਰੁ ਰੰਧਾਵਾ ਦੀ ਇੱਕ ਤਸਵੀਰ ਨੂੰ ਲੈ ਕੇ ਇਸ ਤਰ੍ਹਾਂ ਦੇ ਅੰਦਾਜੇ ਲਗਾਏ ਗਏ ਸਨ ।
ਪਰ ਬਾਅਦ ਵਿੱਚ ਗੁਰੂ ਰੰਧਾਵਾ ਨੇ ਖੁਦ ਇਸ ਦਾ ਖੁਲਾਸਾ ਕੀਤਾ ਸੀ ਕਿ ਉਹਨਾਂ ਨੇ ਕੋਈ ਮੰਗਣੀ ਨਹੀਂ ਕੀਤੀ ਬਲਕਿ ਉਹ ਗਾਣਾ ਲੈ ਕੇ ਆ ਰਹੇ ਹਨ । ਹੁਣ ਹਿੰਮਤ ਸੰਧੂ ਦੇ ਮਾਮਲੇ ਵਿੱਚ ਕੀ ਸਚਾਈ ਹੈ ਇਹ ਤਾਂ ਸਮਾਂ ਹੀ ਦੱਸੇਗਾ ।