ਨੀਂਦ ਨਾ ਆਉਣ ਦੀ ਸਮੱਸਿਆ ਨੂੰ ਦੂਰ ਕਰਨ ਦੇ ਲਈ ਅਪਣਾਓ ਇਹ ਅਚੁੱਕ ਉਪਾਅ

ਅੱਜ ਕੱਲ੍ਹ ਦੀ ਤੇਜ਼ ਰਫਤਾਰ ਤੇ ਤਣਾਅ ਭਰੀ ਜ਼ਿੰਦਗੀ ਦੇ ਚੱਲਦੇ ਬਹੁਤ ਸਾਰੇ ਲੋਕ ਨੀਂਦ ਨਾ ਆਉਣ ਦੀ ਸਮੱਸਿਆ ਤੋਂ ਪੀੜਤ ਨੇ । ਕਈ ਵਾਰ ਨੀਂਦ ਪੂਰੀ ਨਾ ਹੋਣ ਦੇ ਕਾਰਨ ਹੋਰ ਕਈ ਸਰੀਰਕ ਤੇ ਮਾਨਸਿਕ ਬਿਮਾਰੀਆਂ ਦਾ ਵੀ ਸਾਹਮਣਾ ਕਰਨਾ ਪੈ ਸਕਦਾ ਹੈ ।

ਕਈ ਵਾਰ ਸ਼ੋਰ ਸ਼ਰਾਬਾ ,ਤੇਜ਼ ਰੋਸ਼ਨੀ, ਤੇਜ਼ ਗਰਮੀ ਤੇ ਜ਼ਿਆਦਾ ਸਰਦੀ ਵੀ ਨੀਂਦ ਨਾ ਆਉਣ ਦਾ ਕਾਰਨ ਬਣਦੇ ਨੇ । ਇਸ ਸਮੱਸਿਆ ਨੂੰ ਦੂਰ ਕਰਨ ਲਈ ਹੇਠ ਦੱਸੀਆਂ ਗੱਲਾਂ ਦਾ ਧਿਆਨ ਰੱਖੋ :-

ਸੌਣ ਤੋਂ ਲੱਗਭਗ ਦੋ ਘੰਟੇ ਪਹਿਲਾਂ ਭੋਜਨ ਕਰ ਲੈਣਾ ਚਾਹੀਦਾ ਹੈ । ਰਾਤ ਨੂੰ ਮਸਾਲੇਦਾਰ ਤੇ ਤਲੇ ਹੋਏ ਪਕਵਾਨ ਤੋਂ ਪ੍ਰਹੇਜ਼ ਕਰਨਾ ਚਾਹੀਦਾ ਹੈ ।

ਸੌਣ ਵਾਲੇ ਕਮਰੇ 'ਚ ਹਲਕੇ ਰੰਗ ਤੇ ਹਲਕੀ ਰੌਸ਼ਨੀ ਦੀ ਵਰਤੋਂ ਕਰਨੀ ਚਾਹੀਦੀ ਹੈ । ਸੌਣ ਵਾਲਾ ਬਿਸਤਰਾ ਆਰਾਮਦਾਇਕ ਹੋਣ ਚਾਹੀਦਾ ਹੈ ।

ਸੌਣ ਤੋਂ ਪਹਿਲਾਂ ਗਰਮ ਦੁੱਧ ਪੀਣਾ ਚਾਹੀਦਾ ਹੈ ।

ਸੌਣ ਤੋਂ ਪਹਿਲਾਂ ਜੇ ਪੈਰ ਧੋਏ ਜਾਣ ਤਾਂ ਨੀਂਦ ਚੰਗੀ ਆਉਂਦੀ ਹੈ । ਇਸ ਤਰ੍ਹਾਂ ਕਰਨ ਨਾਲ ਦਿਮਾਗ ਦਾ ਤਣਾਅ ਘੱਟ ਹੁੰਦਾ ਹੈ ।

ਸੌਣ ਤੋਂ ਦੋ -ਤਿੰਨ ਘੱਟੇ ਪਹਿਲਾਂ ਇਲੋਕਟ੍ਰੋਨਿਕ ਗੈਜ਼ਟਸ ਜਿਵੇਂ ਮੋਬਾਇਲ ਫੋਨ, ਲੈਪਟੋਪ ਆਦਿ ਦੀ ਵਰਤੋਂ ਨਹੀਂ ਕਰਨੀ ਚਾਹੀਦੀ ਹੈ ।

ਰਾਤ ਦੇ ਸਮੇਂ ਕਾਫੀ ਜਾਂ ਚਾਹ ਦਾ ਸੇਵਨ ਨਹੀਂ ਕਰਨਾ ਚਾਹੀਦਾ ਹੈ । 

ਚੰਗੀ ਨੀਂਦ ਦੇ ਲਈ ਆਪਣੀ ਰੂਟੀਨ ਚ ਯੋਗ ਜਾਂ ਫਿਰ ਸਵੇਰ ਦੀ ਸੈਰ ਨੂੰ ਸ਼ਾਮਿਲ ਕਰੋ। ਯੋਗ ਕਰਨ ਦੇ ਨਾਲ ਮਾਨਸਿਕ ਤਣਾਅ ਦੂਰ ਹੁੰਦਾ ਹੈ ਤੇ ਮਨ ਨੂੰ ਸ਼ਾਂਤੀ ਮਿਲਦੀ ਹੈ।