ਇਰਫਾਨ ਖ਼ਾਨ ਦੇ ਪੁੱਤਰ ਨੇ ਪਿਤਾ ਨੂੰ ਯਾਦ ਕਰਦੇ ਹੋਏ ਪਾਈ ਭਾਵੁਕ ਪੋਸਟ

ਅਦਾਕਾਰ ਇਰਫਾਨ ਖ਼ਾਨ ਬੇਸ਼ੱਕ ਅੱਜ ਇਸ ਫਾਨੀ ਸੰਸਾਰ ਨੂੰ ਅਲਵਿਦਾ ਕਹਿ ਚੁੱਕੇ ਹਨ ।ਪਰ ਬਾਲੀਵੁੱਡ ਇੰਡਸਟਰੀ ਨੂੰ ਅਜਿਹਾ ਸਦਮਾ ਦੇ ਗਏ ਹਨ ਜੋ ਸ਼ਾਇਦ ਹੀ ਕਦੇ ਕੋਈ ਭੁੱਲ ਸਕੇਗਾ । ੳੇੁਨ੍ਹਾਂ ਦੇ ਪਰਿਵਾਰ ‘ਤੇ ਵੀ ਇਹ ਮੌਤ ਕਹਿਰ ਬਣ ਕੇ ਟੁੱਟੀ ਹੈ । ਪਿਛਲੇ ਕੁਝ ਦਿਨਾਂ ਤੋਂ ਉਨ੍ਹਾਂ ਦਾ ਪਰਿਵਾਰ ਵੀ ਇਮੋਸ਼ਨਲ ਪੋਸਟਾਂ ਲਿਖ ਕੇ ਉਨ੍ਹਾਂ ਦੀਆਂ ਪੁਰਾਣੀਆਂ ਵੀਡੀਓਜ਼ ਅਤੇ ਤਸਵੀਰਾਂ ਸ਼ੇਅਰ ਕਰ ਰਿਹਾ ਹੈ ।

https://www.instagram.com/p/B_pvVwbhUj3/

ਇਰਫਾਨ ਦੇ ਬੇਟੇ ਅਯਾਨ ਖ਼ਾਨ ਨੇ ਵੀ ਹੁਣ ਆਪਣੇ ਪਿਤਾ ਦੇ ਨਾਲ ਇੱਕ ਤਸਵੀਰ ਸਾਂਝੀ ਕੀਤੀ ਹੈ । ਇਹ ਤਸਵੀਰ ਅਯਾਨ ਦੇ ਬਚਪਨ ਦੀ ਹੈ । ਜਿਸ ‘ਚ ਉਹ ਬਾਈਕ ‘ਤੇ ਬੈਠੇ ਹੋਏ ਨਜ਼ਰ ਆ ਰਹੇ ਨੇ । ਇਸ ਤਸਵੀਰ ‘ਚ ਅਯਾਨ ਅੱਗੇ ਬੈਠੇ ਹੋਏ ਹਨ ਜਦੋਂਕਿ ਇਰਫਾਨ ਬਾਈਕ ਚਲਾਉਂਦੇ ਹੋਏ ਨਜ਼ਰ ਆ ਰਹੇ ਹਨ ।ਦੱਸ ਦਈਏ ਕਿ ਇਰਫਾਨ ਖ਼ਾਨ ਦਾ ਬੀਤੇ ਦਿਨੀਂ ਦਿਹਾਂਤ ਹੋ ਗਿਆ ਸੀ । ਇਸ ਤੋਂ ਪਹਿਲਾਂ ਉਨ੍ਹਾਂ ਦੀ ਮਾਤਾ ਦਾ ਵੀ ਦਿਹਾਂਤ ਹੋ ਗਿਆ ਸੀ । ਪਰ ਲਾਕ ਡਾਊਨ ਕਰਕੇ ਉਹ ਉਨ੍ਹਾਂ ਦੀਆਂ ਅੰਤਿਮ ਰਸਮਾਂ ‘ਚ ਸ਼ਾਮਿਲ ਨਹੀਂ ਸਨ ਹੋ ਸਕੇ