ਰੂਹਾਨੀ ਸਕੂਨ ਦੇਵੇਗਾ ਕਨਵਰ ਗਰੇਵਾਲ ਦਾ ਗਾਣਾ 'ਗੁਰੂ ਗੁਰੂ'
ਸੂਫ਼ੀਆਨਾ ਰੰਗ ਵਿੱਚ ਰੰਗੇ ਗਾਇਕ ਕਨਵਰ ਗਰੇਵਾਲ ਦਾ ਨਵਾਂ ਗਾਣਾ ਗੁਰੂ ਗੁਰੂ ਛੇਤੀ ਹੀ ਰਿਲੀਜ਼ ਹੋਣ ਵਾਲਾ ਹੈ । ਬੀਤੇ ਦਿਨ ਇਸ ਗਾਣੇ ਦਾ ਟੀਜ਼ਰ ਸਾਹਮਣੇ ਆਇਆ ਹੈ । ਕਨਵਰ ਦੇ ਇਸ ਗਾਣੇ ਦੇ ਟੀਜ਼ਰ ਨੂੰ ਕਾਫੀ ਪਸੰਦ ਕੀਤਾ ਗਿਆ ਹੈ । ਇਸ ਵਿੱਚ ਗੁਰੂ ਰਵੀਦਾਸ ਜੀ ਦਾ ਗੁਣਗਾਣ ਕੀਤਾ ਗਿਆ ਹੈ । ਗਾਣੇ ਦੀ ਗੱਲ ਕੀਤੀ ਜਾਵੇ ਤਾਂ ਕਨਵਰ ਗਰੇਵਾਲ ਦੀ ਅਵਾਜ਼ ਵਿੱਚ ਗਾਏ ਇਸ ਗਾਣੇ ਦਾ ਮਿਊਜ਼ਕ ਰੁਪਿਨ ਕਾਹਲੋਂ ਨੇ ਤਿਆਰ ਕੀਤਾ ਹੈ ।
https://www.youtube.com/watch?v=xEUVBQHO-R4
ਜਦੋਂ ਕਿ ਗਾਣੇ ਦਾ ਵੀਡਿਓ ਪ੍ਰਿੰਸ ਨੇ ਤਿਆਰ ਕੀਤਾ ਹੈ । ਇਸ ਗਾਣੇ ਨੂੰ ਰੁਬਾਈ ਲੇਬਲ ਹੇਠ ਜਾਰੀ ਕੀਤਾ ਜਾਵੇਗਾ । ਇਸ ਟੀਜ਼ਰ ਨੂੰ ਲੋਕਾਂ ਨੇ ਏਨਾਂ ਪਸੰਦ ਕੀਤਾ ਹੈ ਕਿ ਇੱਕ ਦਿਨ ਵਿੱਚ ਹੀ ਇਸ ਟੀਜ਼ਰ ਦੇ ਵੀਵਰਜ਼ ਦੀ ਗਿਣਤੀ ਇੱਕ ਲੱਖ ਤੋਂ ਉਪਰ ਪਹੁੰਚ ਗਈ ਹੈ । ਕਨਵਰ ਗਰੇਵਾਲ ਦੇ ਕੰਮ ਦੀ ਗੱਲ ਕੀਤੀ ਜਾਵੇ ਤਾਂ ਉਸ ਦਾ ਹਰ ਗਾਣਾ ਰੂਹਾਨੀ ਹੁੰਦਾ ਹੈ ਜਿਸ ਨੂੰ ਸੁਣਕੇ ਰੁਹਾਨੀ ਸਕੂਨ ਮਿਲਦਾ ਹੈ ।