ਕੌਮਾਂਤਰੀ ਸਾਈਕਲ ਦਿਹਾੜੇ 'ਤੇ ਸੁਣੋ ਪੰਜਾਬੀ ਗਾਇਕਾਂ ਵੱਲੋਂ ਗਾਏ ਗਏ ਸਾਈਕਲ 'ਤੇ ਗੀਤ
ਕੌਮਾਂਤਰੀ ਸਾਈਕਲ ਦਿਹਾੜਾ ਹਰ ਸਾਲ 3 ਜੂਨ ਨੂੰ ਮਨਾਇਆ ਜਾਂਦਾ ਹੈ । ਇਸ ਵਾਰ ਵੀ ਕੌਮਾਂਤਰੀ ਸਾਈਕਲ ਦਿਹਾੜੇ 'ਤੇ ਕਈ ਪ੍ਰੋਗਰਾਮ ਕਰਵਾਏ ਗਏ । ਕਦੇ ਸਾਈਕਲ ਟਾਵੇਂ ਟਾਵੇਂ ਬੰਦੇ ਕੋਲ ਹੁੰਦਾ ਸੀ । ਪਰ ਜਿਉਂ ਜਿਉਂ ਜ਼ਮਾਨਾ ਅੱਗੇ ਵਧਿਆ ਤਾਂ ਆਵਾਜਾਈ ਦੇ ਸਾਧਨ ਵੀ ਬਦਲ ਗਏ ।
https://www.youtube.com/watch?v=q2G-FGO1LLo
ਹੁਣ ਲੋਕਾਂ ਕੋਲ ਆਵਾਜਾਈ ਲਈ ਅਨੇਕਾਂ ਸਾਧਨ ਹਨ,ਪਰ ਆਵਾਜਾਈ ਦੇ ਸਾਧਨ ਵੱਧਣ ਨਾਲ ਜਿੱਥੇ ਵਾਤਾਵਰਨ ਨੂੰ ਨੁਕਸਾਨ ਪਹੁੰਚਿਆ ਹੈ ਉੱਥੇ ਹੀ ਟ੍ਰੈਫਿਕ ਵਰਗੀਆਂ ਸਮੱਸਿਆਵਾਂ ਦਾ ਸਾਹਮਣਾ ਵੀ ਸਾਨੂੰ ਕਰਨਾ ਪੈ ਰਿਹਾ ਹੈ ਇਸ ਦੇ ਨਾਲ ਹੀ ਕਈ ਗੰਭੀਰ ਬਿਮਾਰੀਆਂ ਦਾ ਵੀ ਸ਼ਿਕਾਰ ਅਸੀਂ ਹੋ ਚੁੱਕੇ ਹਾਂ । ਪਰ ਹੁਣ ਮੁੜ ਤੋਂ ਇਤਿਹਾਸ ਦੁਹਰਾਇਆ ਜਾ ਰਿਹਾ ਹੈ ਅਤੇ ਲੋਕਾਂ ਨੂੰ ਜਾਗਰੂਕ ਕਰਨ ਲਈ ਸਾਈਕਲ ਦੇ ਇਸਤੇਮਾਲ 'ਤੇ ਜ਼ੋਰ ਦਿੱਤਾ ਜਾ ਰਿਹਾ ਹੈ ।
https://www.youtube.com/watch?v=Wqod8pklXVE
ਪੰਜਾਬ ਦੇ ਕਈ ਗਾਇਕਾਂ ਨੇ ਸਾਈਕਲ ਨਾਲ ਸਬੰਧਤ ਗੀਤ ਗਾਏ ਹਨ । ਸਾਰਥੀ ਕੇ ਨੇ ਵੀ ਸਾਈਕਲ ਨਾਲ ਸਬੰਧਤ ਗੀਤ ਗਾਇਆ ਹੈ ਉਨ੍ਹਾਂ ਨੇ ਵੀ ਆਪਣੇ ਇਸ ਗੀਤ 'ਚ ਪੁਰਾਣੇ ਸਮਿਆਂ ਦੀ ਗੱਲ ਕੀਤੀ ਸੀ । ਉਨ੍ਹਾਂ ਦਾ ਇਹ ਗੀਤ 2014 'ਚ ਆਇਆ ਸੀ ।ਇਸ ਤੋਂ ਇਲਾਵਾ ਗੁਰਦਾਸ ਮਾਨ ਨੇ ਵੀ ਸਾਈਕਲ 'ਤੇ ਗੀਤ ਗਾਇਆ ਹੈ ।ਜਿਸ ਨੂੰ ਕਿ ਸਰੋਤਿਆਂ ਦਾ ਭਰਵਾਂ ਹੁੰਗਾਰਾ ਮਿਲਿਆ ਸੀ ।