ਪੀਟੀਸੀ ਰਿਕਾਰਡਜ਼ ਦੇ ਲੇਬਲ ਹੇਠ ਗੀਤਕਾਰ ਤਾਰੀ ਜੌਹਲ ਬਿਧੀਪੁਰੀਆ ਦਾ ਲਿਖਿਆ ਗੀਤ ‘ਦਿਲ ਸਾਡਾ’ ਅਫਸਾਨਾ ਖ਼ਾਨ ਤੇ ਪਾਰਸ ਮਨੀ ਦੀ ਆਵਾਜ਼ ‘ਚ ਹੋਵੇਗਾ ਰਿਲੀਜ਼
ਪੀਟੀਸੀ ਰਿਕਾਰਡਜ਼ ਅਜਿਹਾ ਪਲੇਟਫਾਰਮ ਹੈ ਜਿੱਥੇ ਕਈ ਨਾਮੀ ਗਾਇਕਾਂ ਦੇ ਗੀਤ ਰਿਲੀਜ਼ ਹੋ ਚੁੱਕੇ ਨੇ। ਇਸ ਤੋਂ ਇਲਾਵਾ ਪੀਟੀਸੀ ਰਿਕਾਰਡਜ਼ ਨਵੇਂ ਸਿੰਗਰਾਂ ਨੂੰ ਦੁਨੀਆ ਅੱਗੇ ਆਪਣਾ ਹੁਨਰ ਰੱਖਣ ਦਾ ਮੌਕਾ ਦਿੰਦਾ ਹੈ। ਜਿਸਦੇ ਚੱਲਦੇ ਵੱਡੀ ਗਿਣਤੀ ‘ਚ ਪੀਟੀਸੀ ਰਿਕਾਰਡਜ਼ ਦੇ ਲੇਬਲ ਹੇਠ ਕਈ ਗੀਤ ਰਿਲੀਜ਼ ਹੋ ਗਏ ਨੇ। ਬਹੁਤ ਜਲਦ ਨਵਾਂ ਗੀਤ ‘ਦਿਲ ਸਾਡਾ’ ਰਿਲੀਜ਼ ਹੋਣ ਜਾ ਰਿਹਾ ਹੈ ।
ਜੀ ਹਾਂ ਗੀਤਕਾਰ ਤਾਰੀ ਜੌਹਲ ਬਿਧੀਪੁਰੀਆ ( Tari Johal Bidhipuria) ਦਾ ਲਿਖਿਆ ਗੀਤ ‘ਦਿਲ ਸਾਡਾ’ 23 ਅਪ੍ਰੈਲ ਨੂੰ ਰਿਲੀਜ਼ ਹੋਣ ਜਾ ਰਿਹਾ ਹੈ। ਇਸ ਗੀਤ ਦਾ ਵਰਲਡ ਪ੍ਰੀਮੀਅਰ ਪੀਟੀਸੀ ਪੰਜਾਬੀ, ਪੀਟੀਸੀ ਚੱਕ ਦੇ ਤੇ ਪੀਟੀਸੀ ਰਿਕਾਰਡਜ਼ ਉੱਤੇ ਹੋਵੇਗਾ। ਦੱਸ ਦਈਏ ਇਸ ਗੀਤ ਨੂੰ ਅਫਸਾਨਾ ਖ਼ਾਨ ਤੇ ਪਾਰਸ ਮਨੀ ਆਪਣੀ ਸੁਰੀਲੀ ਆਵਾਜ਼ ਦੇ ਨਾਲ ਸ਼ਿੰਗਾਰਣਗੇ।
ਇਸ ਤੋਂ ਪਹਿਲਾਂ ਵੀ ਤਾਰੀ ਜੌਹਲ ਬਿਧੀਪੁਰੀਆ ਲਿਖੇ ਗੀਤ ਜਿਵੇਂ ‘ਏਸ ਜਨਮ ਤੇਰੀ ਹੋ ਨਹੀਂ ਸਕਦੀ’- ਨਛੱਤਰ ਗਿੱਲ, ‘ਉਦਾਸ’- ਕੰਠ ਕਲੇਰ, ‘ਪਾਣੀ’- ਸੁਦੇਸ਼ ਕੁਮਾਰੀ ਤੇ ਪਾਰਸ ਮਨੀ ਦੀ ਆਵਾਜ਼ ‘ਚ ਰਿਲੀਜ਼ ਹੋ ਚੁੱਕੇ ਨੇ। ਪ੍ਰਸ਼ੰਸਕ ਨਵੇਂ ਗੀਤ ‘ਦਿਲ ਸਾਡਾ’ ਲਈ ਬਹੁਤ ਉਤਸੁਕ ਨੇ। ਸੋ ਇਹ ਗੀਤ ਕੱਲ ਯਾਨੀ ਕਿ 23 ਅਪ੍ਰੈਲ ਨੂੰ ਦਰਸ਼ਕਾਂ ਦੇ ਸਨਮੁੱਖ ਹੋ ਜਾਵੇਗਾ।