ਇਸ ਕਿਸਾਨ ਬਜ਼ੁਰਗ ਦਾ ਜਜ਼ਬਾ ਦੇਖਕੇ ਹਰ ਇੱਕ ਦੀਆਂ ਅੱਖਾਂ ਹੋ ਰਹੀਆਂ ਨੇ ਨਮ, ਕਿਸਾਨਾਂ ਦੇ ਹੱਕ ‘ਚ ਪੰਜਾਬੀ ਐਕਟਰੈੱਸ ਮੈਂਡੀ ਤੱਖਰ ਨੇ ਪੋਸਟ ਪਾ ਕੇ ਸਰਕਾਰਾਂ ਨੂੰ ਪਾਈਆਂ ਲਾਹਨਤਾਂ

ਪੰਜਾਬੀ ਐਕਟਰੈੱਸ ਮੈਂਡੀ ਤੱਖਰ ਜੋ ਕਿ ਪਿਛਲੇ ਮਹੀਨੇ ਤੋਂ ਸੋਸ਼ਲ ਮੀਡੀਆ ਤੋਂ ਕਿਸੇ ਕਾਰਨ ਕਰਕੇ ਦੂਰੀ ਬਣਾਈ ਹੋਈ ਸੀ । 19 ਸਤੰਬਰ ਤੋਂ ਬਾਅਦ ਅੱਜ ਉਨ੍ਹਾਂ ਨੇ ਨਵੀਂ ਪੋਸਟ ਪ੍ਰਸ਼ੰਸਕਾਂ ਦੇ ਨਾਲ ਸਾਂਝੀ ਕੀਤੀ ਹੈ ।

ਹੋਰ ਪੜ੍ਹੋ : ਸ਼ਹਿਨਾਜ਼ ਗਿੱਲ ਨੇ ਕਰਵਾਇਆ ਨਿਊ MAKEOVER, ਫੈਨਜ਼ ਦੇ ਨਾਲ ਸ਼ੇਅਰ ਕੀਤੀਆਂ ਨਵੀਆਂ ਤਸਵੀਰਾਂ

ਪੰਜਾਬ ਦੇ ਕਿਸਾਨਾਂ ਨੂੰ ਲੈ ਕੇ ਉਨ੍ਹਾਂ ਨੇ ਲੰਬੀ ਚੌੜੀ ਪੋਸਟ ਪਾਈ ਹੈ ਤੇ ਨਾਲ ਹੀ ਕੁਝ ਤਸਵੀਰਾਂ ਕਿਸਾਨ ਧਰਨਿਆਂ ਤੋਂ ਸਾਂਝੀਆਂ ਕੀਤੀਆਂ ਨੇ।

ਉਨ੍ਹਾਂ ਨੇ ਲਿਖਿਆ ਹੈ, ‘ਫਿਰ ਸਾਰੇ ਪੁੱਛਦੇ ਨੇ ਕਿ ਪੰਜਾਬੀ ਵਿਦੇਸ਼ਾਂ ‘ਚ ਕਿਉਂ ਸੈਟਲ ਹੋ ਗਏ । ਆ ਹਾਲ ਹੈ ਸਾਡੇ ਪੰਜਾਬ ਦੇ ਬਜ਼ੁਰਗਾਂ ਦਾ । ਸਾਡੇ ਲਈ ਸ਼ਰਮਿੰਦਗੀ ਹੈ ਤੇ ਸਭ ਤੋਂ ਵੱਡੀ ਸ਼ਰਮਿੰਦਗੀ ਪ੍ਰਬੰਧਕਾਂ ਤੇ ਹੈ ਅਤੇ ਸਰਕਾਰਾਂ ਉੱਤੇ ਹੈ ।

ਉਨ੍ਹਾਂ ਨੇ ਅੱਗੇ ਲਿਖਿਆ ਹੈ - ਪੰਜਾਬ ਦੇ ਲੋਕਾਂ ਅਤੇ ਦੇਸ਼ ਦੇ ਬਾਕੀ ਲੋਕਾਂ ਦਾ ਧਿਆਨ ਇਸ ਤਰ੍ਹਾਂ ਨਹੀਂ ਰੱਖਿਆ ਜਾਂਦਾ ਜਿਵੇਂ ਉਨ੍ਹਾਂ ਦਾ ਹੋਣਾ ਚਾਹੀਦਾ ਹੈ। ਕਿਸਾਨ ਖੁਦਕੁਸ਼ੀਆਂ ਵਿੱਚ ਤੇਜ਼ੀ ਨਾਲ ਵਾਧਾ ਹੋਇਆ ਹੈ, ਇੱਥੇ ਇੰਨੇ ਦੁੱਖ ਵੇਖਣੇ ਬਹੁਤ ਦੁਖਦਾਂਇਕ ਨੇ, ਨਾਲ ਹੀ ਉਨ੍ਹਾਂ ਨੇ ਹੋਰ ਬਹੁਤ ਸਾਰੀਆਂ ਗੱਲਾਂ ਕਰਦੇ ਹੋਏ ਪੀ.ਐੱਮ ਮੋਦੀ @narendramodi ਤੇ ਪੰਜਾਬ ਦੇ ਸੀ.ਐੱਮ ਕੈਪਟਨ ਅਮਰਿੰਦਰ ਸਿੰਘ @capt_amarindersingh ਨੂੰ ਟੈਗ ਕੀਤਾ ਹੈ ।

ਮੈਂਡੀ ਤੱਖਰ ਵੱਲੋਂ ਇੱਕ ਕਿਸਾਨ ਬਜ਼ੁਰਗ ਦੀ ਤਸਵੀਰ ਵੀ ਸਾਂਝੀ ਕੀਤੀ ਗਈ ਹੈ ਜਿਸ ਨੂੰ ਦੇਖਕੇ ਸਭ ਦੀਆਂ ਅੱਖਾਂ ਨਮ ਹੋ ਜਾਂਦੀਆਂ ਹਨ । ਇਹ ਬਜ਼ੁਰਗ ਕਿਸਾਨ ਜਿਸ ਨੂੰ ਚੱਲਣ ‘ਚ ਵੀ ਦਿੱਕਤ ਹੈ ਪਰ ਫਿਰ ਵੀ ਆਪਣੇ ਹੱਕਾਂ ਦੇ ਲਈ ਹੱਥ ‘ਚ ਕਿਸਾਨੀ ਦਾ ਝੰਡਾ ਲੈ ਕੇ ਤੁਰਦਾ ਹੋਇਆ ਨਜ਼ਰ ਆ ਰਿਹਾ ਹੈ । ਇਸ ਪੰਜਾਬੀ ਬਜ਼ੁਰਗ ਦੇ ਜਜ਼ਬੇ ਨੂੰ ਹਰ ਇੱਕ ਸਲਾਮ ਕਰ ਰਿਹਾ ਹੈ ।