LIVE:
ਕਰਮਜੀਤ ਅਨਮੋਲ ਨੂੰ ਮਿੰਦੋ ਤਸੀਲਦਾਰਨੀ ਨਾਲ ਪੰਗਾ ਲੈਣਾ ਪਿਆ ਮਹਿੰਗਾ, ਦੇਖੋ ਵੀਡੀਓ
ਪੰਜਾਬੀ ਮੂਵੀ ਮਿੰਦੋ ਤਸੀਲਦਾਰਨੀ ਜਿਸਦੀ ਸ਼ੂਟਿੰਗ ਚੱਲ ਰਹੀ ਹੈ ਤੇ ਫ਼ਿਲਮ ਦੇ ਸੈੱਟ ਤੋਂ ਕਵਿਤਾ ਕੌਸ਼ਿਕ ਤੇ ਕਰਮਜੀਤ ਅਨਮੋਲ ਦੀਆਂ ਮਸਤੀ ਕਰਦਿਆਂ ਵੀਡੀਓਜ਼ ਸਾਹਮਣੇ ਆਉਂਦੀਆਂ ਰਹਿੰਦੀਆਂ ਹਨ। ਇਸ ਵਾਰ ਕਰਮਜੀਤ ਅਨਮੋਲ ਨੇ ਆਪਣੇ ਸੋਸ਼ਲ ਮੀਡੀਆ ਉੱਤੇ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ।
ਹੋਰ ਵੇਖੋ:ਪੰਜਾਬੀ ਗਾਇਕ ਹਰਸਿਮਰਨ ਕਰਨ ਜਾ ਰਹੇ ਨੇ ਪੰਜਾਬੀ ਫ਼ਿਲਮ ਇੰਡਸਟਰੀ ‘ਚ ਐਂਟਰੀ
ਗੱਲ ਕਰਦੇ ਹਾਂ ਵੀਡੀਓ ਦੀ ਜਿਸ ‘ਚ ਪੰਜਾਬੀ ਇੰਡਸਟਰੀ ਦੇ ਦਿੱਗਜ ਕਲਾਕਾਰ ਕਰਮਜੀਤ ਅਨਮੋਲ ਤੇ ਟੀਵੀ ਤੇ ਪਾਲੀਵੁੱਡ ਦੀ ਅਦਾਕਾਰਾ ਕਵਿਤਾ ਕੌਸ਼ਿਕ ਨਜ਼ਰ ਆ ਰਹੀ ਹੈ। ਵੀਡੀਓ ‘ਚ ਕਵਿਤਾ ਕੌਸ਼ਿਕ ਪਹਿਲਾਂ ਹਿੰਦੀ ਗੀਤ ਗਾਉਂਦੀ ਹੈ ਤੇ ਉਹਨਾਂ ਦੇ ਗੀਤ ਨੂੰ ਕੱਟ ਕੇ ਕਰਮਜੀਤ ਆਪਣੀ ਆਵਾਜ਼ ਦੇ ਵਿੱਚ ਗਾਉਣ ਲੱਗ ਜਾਂਦੇ ਨੇ। ਫੇਰ ਕਵਿਤਾ ਕੌਸ਼ਿਕ ਗਾਉਂਦੀ ਹੈ ਕਰਮਜੀਤ ਫਿਰ ਉਹਨਾਂ ਦੇ ਪਿੱਛੇ ਗਾਉਣ ਲੱਗ ਜਾਂਦਾ ਹੈ। ਇਸ ਸਭ ਤੋਂ ਕਵਿਤਾ ਕੌਸ਼ਿਕ ਤੰਗ ਆ ਜਾਂਦੀ ਹੈ। ਜਦੋਂ ਫੇਰ ਉਹ ਤੀਜੀ ਵਾਰ ਗਾਉਣ ਲੱਗਦੀ ਹੈ ਅਨਮੋਲ ਪੁੱਛਦਾ ਕਿਹੜਾ ਗੀਤ ਗਾਉਣਗੇ, ਤਾਂ ਕਵਿਤਾ ਅੰਗਰੇਜ਼ੀ ਗੀਤ ਗਾਉਂਦੀ ਹੈ ਇਹ ਗੀਤ ਸੁਣਕੇ ਕਰਮਜੀਤ ਅਨੋਮਲ ਹੈਰਾਨ ਰਹਿ ਜਾਂਦੇ ਨੇ ਤੇ ਉਹਨਾਂ ਦੀ ਬੋਲਤੀ ਬੰਦ ਹੋ ਜਾਂਦੀ ਹੈ। ਕਵਿਤਾ ਕਰਮਜੀਤ ਅਨਮੋਲ ਨੂੰ ਕਹਿੰਦੀ ਹੈ ਕਿ ਆਇਆ ਬੜਾ ਮਿੰਦੋ ਤਸੀਲਦਾਰਨੀ ਨਾਲ ਪੰਗ ਲੈਣ ਵਾਲਾ। ਵੀਡੀਓ ਨੂੰ ਦੇਖ ਕੇ ਸਰੋਤਿਆਂ ਦਾ ਹਾਸਾ ਨਹੀਂ ਰੁੱਕ ਰਿਹਾ ਹੈ।
ਫ਼ਿਲਮ ਮਿੰਦੋ ਤਸੀਲਦਾਰਨੀ ਦੀ ਕਹਾਣੀ ਅਵਤਾਰ ਸਿੰਘ ਨੇ ਲਿਖੀ ਹੈ ਤੇ ਮੂਵੀ ਨੂੰ ਖੁਦ ਅਵਤਾਰ ਸਿੰਘ ਹੀ ਡਾਇਰੈਕਟ ਕਰ ਰਹੇ ਹਨ। ਇਸ ਫਿਲਮ 'ਚ ਮੁੱਖ ਭੂਮਿਕਾ 'ਚ ਰਾਜਵੀਰ ਜਵੰਦਾ, ਈਸ਼ਾ ਰਿਖੀ, ਕਵਿਤਾ ਕੌਸ਼ਿਕ, ਕਰਮਜੀਤ ਅਨਮੋਲ ਤੋਂ ਇਲਾਵਾ ਨਿਰਮਲ ਰਿਸ਼ੀ, ਮਲਕੀਤ ਰੌਣੀ ਤੇ ਕਈ ਦਿੱਗਜ ਕਲਾਕਾਰ ਨਜ਼ਰ ਆਉਂਣਗੇ। ਕਰਮਜੀਤ ਅਨਮੋਲ ਮਿੰਦੋ ਤਸੀਲਦਾਰਨੀ ਨੂੰ ਪ੍ਰੋਡਿਊਸ ਵੀ ਕਰ ਰਹੇ ਹਨ। ਇਹ ਮੂਵੀ 28 ਜੂਨ ਨੂੰ ਸਿਨੇਮਾ ਘਰਾਂ 'ਚ ਚਾਰ ਚੰਨ ਲਾਵੇਗੀ।
